ያቆቤ ኪታ 1:19 - Geeshsha Maxaafa

¹⁹ Dosettida ta ishatoo! Hayssa yuushshi qopite; asi wurikka siyanaas eesoto; haasayassinne hanqos eesotoppo.

ጋሞ ማጻፋ

¹⁹ ዶሴቲዳ ታ ኢሻቶ! ሃይሳ ዩሺ ቆፒቴ፤ ኣሲ ዉሪካ ሲያናስ ኤሶቶ፤ ሃሳያሲኔ ሃንቆስ ኤሶቶፖ።

Gamo Geesha Maxxafa New Testamen

¹⁹ Dosetida ta ishato hayssa yuushi qoppite. Asi wurikka siyanas esoto, hasa7asinne hanqqos esotopo.

ያቆቤ ኪታ 1:19 ပူးပေါင်းရင်းမြစ်များ

ናሂሚያ ማጻፋ 8:18

Ba7aalezi doomettida gallassafe bi wurana gallas gakkanaas Izray Xoossa woga maxaafappe ubba wode gallas gallas issi issi kifile asaas nababides; Ba7aalezakka laappun gallas gakkanaas bonchchida; Osppunththo gallas wogazi azaziza mala ba7aaleza wurseththan moyzo ba7aale ooththida.

ናሂሚያ ማጻፋ 9:17

Nees azazettibeettenna; ne isttas ooththida gita malaataakka ubbaa dogida; wozina muume gidida; qasse guye Gibxe aylleteththan zaarana mala banttana kaaleththiza as doorida. Gido attiin neni siiqon kumida Xoossa, hanqos takkiza Xoossa, atto giza Xoossa, kiyanne maariza Godaa gidida gishshas ne istta aggabeekka.

ናሂሚያ ማጻፋ 9:3

Heen istti eqqida mala dishin istta Xoossa woga maxaafay heedzdzu saate kumeth isttas nababettides; qasse hara heedzdzu saate kumeth istti ba nagara paaxishe GODAAS ba Xoossaas hokki goynnida.

ኢዮቤ ማጻፋ 32:16

Hekko! Istti haasayza miishshi dhayiin co7u giidi eqqida; histtiin tanikka co7u ga naaganaas taas bessizee?

ሌሚሶ ማጻፋ 10:19

Daro haasaya giddon mooroy dhayenna; ba doona shiishshi ekkiza asi gidikko aadho eranchcha.

ሌሚሶ ማጻፋ 13:3

Ba doona naagiza asi ba shemppo naagees; doonan yida mala haasayza asi bana dhayssees.

ሌሚሶ ማጻፋ 14:17

Elle hanqettiza asi eeya ooso ooththees; yo7o qachchiza asi dosettenna.

ሌሚሶ ማጻፋ 14:29

Dandayanchcha asas gita akeekay dees; elle hanqettiza asi gidikko ba eeyateth qonccisees.

ሌሚሶ ማጻፋ 15:18

Eeson hanqettiza asi oosh kessees; dandayza asi gidikko oosh irxxisees.

ሌሚሶ ማጻፋ 15:2

Aadho eranchcha inxarsafe erateththi pulttees; gido attiin dogata doonappe eeyateththi pulttees.

ሌሚሶ ማጻፋ 16:32

Wolqqama as gidanaappe dandaya as gideth lo7o; bana haarizaadey katama wolqqan haarizaadefe aadhdhees.

ሌሚሶ ማጻፋ 17:14

Oosh doomeththi eele haath pogi yeddo mala; hessa gishshas ooshshi medhettanaappe kasetada kichchaycha.

ሌሚሶ ማጻፋ 17:27

Amarda qaala haasayza asi aadho eranchcha; woppa ayanay de7iza asikka akeekanchcha.

ሌሚሶ ማጻፋ 18:13

Lo7eththi siyontta dishe zaaroy, izaades eeyateththinne yeella gidees.

ሌሚሶ ማጻፋ 18:21

Inxarsa bolla hayqoynne de7o wolqqay dees; izo dosizayti izi ayfe meettes.

ሌሚሶ ማጻፋ 19:11

Aadho erateththi as dandayanchcha kessees; qoho yedhdhi aadheththi bonchchon gaththees.

ሌሚሶ ማጻፋ 19:19

Eeson yiillotiza asi qaxxayettanaas bessees; neni agga aadhdhiko hara wodekka nees hessaththo oosoy attenna.

ሌሚሶ ማጻፋ 21:23

Ba doonanne ba inxars naagiza asi bana boshappe naagees.

ሌሚሶ ማጻፋ 25:28

Bana haarontta asi gimbey laalettida katama mala.

ሌሚሶ ማጻፋ 29:20

Eeson haasayza as beyay? Izappe eeya asas hidotay dees.

ታይቦ ማጻፋ 22:27

Hareya GODAA kiitanchchaza be7ada Balaamey toggi dishin biittan ichchadus; hessa gishshas Balaamey ba guufera izo bukkides.

Maatosa 5:22

Ta qasse inttes gizay ba isha bolla ogey baynda hanqettizaade bolla pirdettana; oonikka ba isha, ‹Nappay› gizaadey duulata sinththan oyshettana. ‹Eeyay› gizaade Gaanname tama pirday naagees.

ማርቆሳ ሚሺራቾ 12:37

Histtiin Dawiti ba doonara iza, ‹Godaa› giikko waanidi simmi izas naa gidanee?» gides. Daro dereykka izi gizayssa ufayssara siyides.

ማርቆሳ ሚሺራቾ 2:2

Hessa gishshas keeththara, karera uttizasoy dhayana gakkanaas daro derey shiiqides. Izikka Xoossa qaala asaas sabbakides.

ሉቃሳ ሚሺራቾ 15:1

Issi gallas qaraxa shiishshizaytinne nagaranchchati wuri Yesusappe siyanaas iza achchi shiiqida.

ሉቃሳ ሚሺራቾ 19:48

Gido attiin derey wurikka izara oykettidi izi tamaarsizayssa kaalliza gishshas ooththanaazi isttas kirqi gides.

ሃዋሬታ ኦሶ 1:15

He gallassatan Phexroosi xeetanne nam7u tammu ammaniza asaa giddon eqqidi,

ሃዋሬታ ኦሶ 10:33

Tanikka heerakka neekko as kiittadis; ne yuussayka lo7o; histtiko Goday nena azazidayssa ne nuus yootikko Xoossi yootidayssa neeppe siyanaas nu wurikka hayssan Xoossa sinththan doos» gides.

ሃዋሬታ ኦሶ 13:48

Ayzaabeti hessa siyidi daro ufayettida; Godaa qaalaska bonchcho immida; mernaa de7os giigettida derey wuri ammanides.

ሃዋሬታ ኦሶ 17:11

Beeriya asay Tasolonqe asaappe aadhdhidi akeekara diza asa. Gaasoykka hayssi yo7ozi tumeesha? gi giidi Geeshsha Maxaafata qaalaa wontiin wontiin pilggi xeellidi ufayssan ekkides.

ሃዋሬታ ኦሶ 2:42

Isttika Hawaareta timirten, issife quma muussaninne woosan minnida.

ኤፌሶኔ ኣሳስ 4:26

Hanqettite shin nagara ooththofte; intte hanqon dishin arshey wullofo.

ኤፌሶኔ ኣሳስ 4:31

Camo yo7o ubbaa hanqo, yiillo, oosh, cashshe, qasseka hankko hara iitateth ubbaa inttefe diggite.

ቆላሲያሴ ኣሳስ 3:15

Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.

ቆላሲያሴ ኣሳስ 3:8

Ha7i gidikko hanqo, yiillo, cashshe, zigirsinne yeellasiza haasaya heytantta misatizayta ubbaa diggite.

1ታሶሎንቄ ኣሳስ 2:13

Intte nuuppe siyida Xoossa qaalaa ekkida wode ammaniza intte achchan tumu ooththiza Xoossa qaalaa mala ekkideta attiin coo asa qaala mala intte ekkontta aggida gishshas nuni Xoossaa qanxxoy baynda galatoos.

ያቆቤ ኪታ 1:16

Ta siiqo ishatoo! Intte balettofte.

ያቆቤ ኪታ 1:2

Ta ishatoo! Intte bolla dumma dumma waayey gakkiko hessa wursi ufayssan qoodite.

ያቆቤ ኪታ 1:26

Ba doona naagontta barkka ba wozina baleththishe ta ammanays gizaadey barkka bana baleththees; iza ammanoykka hada ammano.

ያቆቤ ኪታ 2:1

Ta ishatoo! Intte bonchchettida Godaa Yesus Kirstoosa ammanizayta gidida mala ase bessontta ogera maaddofte.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

ያቆቤ ኪታ 3:10

Anjjoynne qanggeththi issi doonara kezees. Ta ishatoo! Hessi hessaththo hananaas bessenna.

ያቆቤ ኪታ 4:11

Ta ishatoo! Intte intte garsan issoy issaa mootopite; ba ishaa mootizaadeynne ba ishaa bolla pirdizaadey wogaa bolla iita haasayeessinne wogaa bolla pirdees; histtiko neni wogaa bolla pirdizaade attiin wogaa naagizaade gidakka.

ያቆቤ ኪታ 5:12

Harappeka ta ishatoo! Salon gidiin woykko sa7an gidiin woykko ay miishshankka caaqqofte; «Ee» gaanaas bessiza miish gidikko, «Ee» giite. «Akkay» gaanaas gidikko, «Akkay» giite; hessafe hara giikko intte bolla pirdettana.

ያቆቤ ኪታ 5:19

Ta ishatoo! Inttefe issaadey tumappe balettiin hara asi iza zaarikko hessa wozinan woththite; nagaranchcha izi balettida ogeppe zaaridaadey hessaade shemppo hayqoppe ashsheessinne izaade nagara darozakka kammees.

1ዮሃኒሳ ኪታ 2:21

Ta inttes xaafizay intte tumaa erontta gishshas gidenna; gido attiin intte tumaa eriza gishshassinne tumaa garsafe aykko wordoyka beettonttayssa intte eriza gishshassa.