ያቆቤ ኪታ 1:10 - Geeshsha Maxaafa

¹⁰ Asa dureteththi maata ciishsha mala qokkana gishshas duussan dhoqqu gidaadey Xoossi iza ziqqi histtiko ufayetto.

ጋሞ ማጻፋ

¹⁰ ኣሳ ዱሬቴ ማታ ጪሻ ማላ ቆካና ጊሻስ ዱሳን ቁ ጊዳዴይ ጾሲ ኢዛ ዚቂ ሂስቲኮ ኡፋዬቶ።

Gamo Geesha Maxxafa New Testamen

¹⁰ Asa haroy maata cisha mala qoqofettiza gish dure ura Xoossi ziq histikko ufa7etto.

ያቆቤ ኪታ 1:10 ပူးပေါင်းရင်းမြစ်များ

ኢዮቤ ማጻፋ 14:2

Ciishsha mala beettidi heerakka qokkees; eesho mala daro gam7ontta heera aadhdhees.

ዬ ማጻፋ 102:11

Ta de7o layththay omarsa wode kuwa mala; tani maata mala meladis.

ዬ ማጻፋ 103:15

Asa de7oy gidikko maata mala; izi bazzo ciishsha mala ciiyees.

ዬ ማጻፋ 37:2

Ays giikko istti maata mala eeson melana; boncco mala istti shullidi qokkana.

ዬ ማጻፋ 39:6

Tumappe asa duussi eesho mala; coo mela hada haaro shiishon daaburees; gido attiin ooni ekkanaakko erenna.

ኢሳያሳ ቲንቢቴ 40:6

Cenggurssi tana, «Waassa!» gides. Tanikka, «Ay ga waassoo?» gadis. Izikka, «Asi ubbay maata mala; iza bonchcho ubbayka demba ciishsha mala.

ኢሳያሳ ቲንቢቴ 40:7

GODAY ba shempo iza bollan shempishin maatay melees; ciishshika qokkees; tumappe derey maata mala.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

Maatosa 5:3

«Ayanan bana kawushshizayti anjjettidayta; ays giikko Salo Kawoteththi isttassa.

Maatosa 6:30

Intteno pace ammanoy dizaytoo! Hach asa ayfen beettidi wonto taman wodhdhana maata hayssaththo mayziza Xoossi inttena hessafe lo7eththi aaththi mayzanaas dandayennee?

1ቆሮንቶሴ ኣሳስ 7:31

Hayssa alameza miishshan go7ettizayti ubbay go7ettontta asa mala gidi detto. Gaasoykka hayssa alameza hanoy aadhdhanaas dees.

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

ያቆቤ ኪታ 4:14

Wonto hananayssa intte erekketa; intte shemppoy iza aazee? Intte guuththa wode ayfen beettidi dhayza haaththa pentta mala.

1ጴጽሮሳ ኪታ 1:24

Geeshsha Maxaafay giza mala, «Asho may7iday wurikka maata mala; iza bonchchoyka wurikka wora ciishsha mala; maataykka melees; ciishshayka qokkees.

1ዮሃኒሳ ኪታ 2:17

Alameynne alamen diza amoteththi aadhdhana; Xoossa shene polizayti gidikko mernaas daana.