ኢሳያሳ ቲንቢቴ 8:19 - Geeshsha Maxaafa

¹⁹ Asay inttena, «Bessonttaaz tattafettishenne Saasukettishe haasayettiza bitizaytanne moytille xeygizayta oychchite» giikko derey ba GODAA oychchanaas bessennee? De7o Xoossaa aggidi hayqqidayta oysho ays koshshizee?

ጋሞ ማጻፋ

¹⁹ ኣሳይ ኢንቴና፥ «ቤሶንታዝ ታታፌቲሼኔ ሳሱኬቲሼ ሃሳዬቲዛ ቢቲዛይታኔ ሞይቲሌ ጼይጊዛይታ ኦይቺቴ» ጊኮ ዴሬይ ባ ጎዳ ኦይቻናስ ቤሴኔ? ዴኦ ጾሳ ኣጊዲ ሃይቂዳይታ ኦይሾ ኣይስ ኮሺዜ?

ኢሳያሳ ቲንቢቴ 8:19 ပူးပေါင်းရင်းမြစ်များ

ሜቴ ማጻፋ 41:24

He shulli uttida tiyati laappun lo7o tiyata mittida. Tani ha agumoza marotas yootadis; gido attiin taas agumoza birshiza asi beettibeenna» gides.

2ካዎታ ማጻፋ 1:3

GODAA kiitanchchay Tesibe dere as nabe Eelaasas, «Neni dendada Samaariya kawoy kiittida asatara gayttanaas keza baada he asatas, ‹Intte Aqaroone eeqa xoossaa Ba7aali-Zeebula oychchanaas bizay Isra7eelen Xoossi baynda gishshassee?› gaada istta oychcha.

2ካዎታ ማጻፋ 21:6

Ba naaza xuugettiza yarsho histti shiishshides; histtidi muurennizayta, marota, moytille haasayssizaytanne ayana kaayizayta zore oychchides; GODAA hanqeththiza iita hanota iza sinththan ooththides.

2ካዎታ ማጻፋ 23:24

Hessafe bollara Iyosiyaasi moytille haasayssizayta, ayanata xeygizayta, asi ba hu7en hu7en goynniza xoossata, eeqa xoossata, Yuhudaninne Yerusalaamen beettida hara shaattiza miish ubbaa dhayssides; izi hessaththo ooththidaykka qeese Kilqiyaasi GODAA Keeththa giddofe demmida maxaafan xaafeti diza wogay polettana malassa.

1ታሪኬ ማጻፋ 10:13

Sa7ooli GODAAS ammanettibeenna; iza qaalaakka naagontta ixxidi moytille xeygizayta zore oychchida gishshas hayqqides.

2ታሪኬ ማጻፋ 33:6

Henoome naa shoobbaan ba attuma nayta taman xuuggidi yarshides; izi ba hu7enkka bitizaade, gojizaadenne maroththizaade gididi moytille xeygizaytanne iita ayanatara haasayettizayta zore oychchides; GODAA sinththan izi daro iita miish ooththidi iza hanqeththides.

ዬ ማጻፋ 106:28

Hessafe guye istti Ba7aali-Pe7ooren diza eeqas goynnizaytara issife gayttida; shemppoy baynda eeqatas yarshettida yarshoza mida.

ኢሳያሳ ቲንቢቴ 19:3

Gibxeta wozinay labettana; tani istta halchcho hada ooththana. Istta eeqa xoossatanne moytilleta, tuna ayana xeygizaytanne marota zore oychchana.

ኢሳያሳ ቲንቢቴ 26:14

Istti hayqqida; simmidi shemppora paxa de7ettenna; istta shemppoy simmi yeenna; neni istta qaxxayadasanne dhayssadasa; istta hassa7issiza miish ubbaa pitta dhayssadasa.

ኢሳያሳ ቲንቢቴ 29:4

Neni duge wodhdhana; biitta garsafe pude haasayana; ne haasayay gudullaa giddofe kezana; ne cenggurssi moytille cenggurssa mala biitta garsafe pude kezana; ne haasayaykka gudulla giddofe saasukettana.

ኢሳያሳ ቲንቢቴ 30:2

Tana zore oychchontta Gibxe wodhdheettes; kawo Paarooney isttas gondalle gidana mala Gibxe kuwan attana koyeettes.

ኢሳያሳ ቲንቢቴ 45:11

«Isra7eele Geeshshay, iza medhdhida GODAY sinththafe hanana hanota gishshas, ‹Ta nayta gishshas tana oychcheetii? Ta kushe oosota gishshas azazeetii?

ኢሳያሳ ቲንቢቴ 47:12

Hekko be7a; neni naateththafe doommada ooththashe daaburda bitatanne daro muurennota gujja gujja ooththa; oonee erizay nees hananaakko, oonee erizay neni ne morkketa shirosanaakko?

ኢሳያሳ ቲንቢቴ 47:13

Ne ekkida zore ubbay nena daaburara ashshides; aginappe agina gakkanaas xoolintte xeelli kaayizayti, xoolintte taybizayti ane haa yetto; nena gakkiza metoppe ane istti nena ashshetto.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ኤርማሳ ቲንቢቴ 27:9

Hessa gishshas inttena, ‹Baabiloone kawos haaretteketa› giza intte nabeta, muurennizayta, agumo agumettizayta, moytille xeygizayta siyopite.

ሌዌታ ማጻፋ 19:31

« ‹Moytille haasayssizayta woykko iita ayanata haasayssizayta zore oychchofa; intte tunontta mala istta koyopite; tani GODAY intte Xoossa.

ሌዌታ ማጻፋ 20:6

« ‹Oonikka isttafe zore oychchanaas moytille xeygizaytakkonne marotakko biikko hessaade bolla ta iita hanqo yeddana; hessafe guye hessaade tani iza dere giddofe shaakka dhayssana.

ሚኪያሳ ቲንቢቴ 5:12

Intte marotizayssaka dhayssana; hessafe guye marotekketa.

ሃዋሬታ ኦሶ 16:16

Issi gallas nu woosaso bishin kaayo kayotta marotiza issi garade naa dizaara nuna demmadus; izakka ba maroteththaan bana ayssizaytas daro miish gelththawus.

ዛሬ ማጻፋ 18:10

Ba attuma naa woykko macca naa yarshos giidi taman xuuggiza ay asikka intte giddon dooppo; bitizay, marace xeellizay, muurennizaynne maroy intte giddon dooppo.

ዛሬ ማጻፋ 18:11

Qasseka daggamizaadey (gojizay), woykko moytille xeygizaadey woykko iita ayanatara haasayzaadey, woykko hayqqida asata ayanara haasayzaadey intte giddon dooppo.

1ታሶሎንቄ ኣሳስ 1:9

Intte nuna wostti mokki ekkidaakkonne de7on diza tumu Xoossaas ooththanaas intte eeqatappe Xoossaako waani simmidaakko asay intte gishshas haasayees.

2ጴጽሮሳ ኪታ 2:1

Gido attiin beni wode wordo nabeti dere giddon dizayssa mala hessaththoka ha7i intte giddon wordo astamaareti de7andettes; heytantti asa dhayssiza wordo timirte qotara diccana mala ooththeettes; bana ashshida Godaakka kaddidi bana eeson dhayssizaaz ba bolla eheettes.

1ሳሜላ ማጻፋ 28:11

Maccassayakka, «Nees oona denththoo?» gaada oychchadus. Izikka, «Taas Sameela denththa» gides.

1ሳሜላ ማጻፋ 28:16

Sameeli izas, «Histtiin GODAY neeppe haakkiko, nees izi morkke gidikko ne tana ays oychchay?

1ሳሜላ ማጻፋ 28:7

Sa7oolikka ba oosanchchata, «Ane hayqqida as denththiza maccas taas koyite; tani baada izo oychchana» gides. Isttika izas, «Hekko hayqqida as denththiza maccassaya En-Dooren dawus» gida.

1ሳሜላ ማጻፋ 28:8

Hessa gishshas Sa7ooli ba may7o laammi hara may7o may7idi, ba medhakka laammidi nam7u asatara issife omars maccassayko bides; izikka izo, «Taas moytilleta oychcharkkii; ta nees yootizaade denththarkkii» gides.