ኢሳያሳ ቲንቢቴ 7:13 - Geeshsha Maxaafa

¹³ Isayaasi, «Intteno Dawite zaretoo, siyite! Intte asaa saleththizayssi guuxxiin Xoos saleththanaas dendidetii?

ጋሞ ማጻፋ

¹³ ኢሳያሲ፥ «ኢንቴኖ ዳዊቴ ዛሬቶ፥ ሲዪቴ! ኢንቴ ኣሳ ሳሌዛይሲ ጉጺን ጾስ ሳሌናስ ዴንዲዴቲ?

ኢሳያሳ ቲንቢቴ 7:13 ပူးပေါင်းရင်းမြစ်များ

ሜቴ ማጻፋ 30:15

Gido attiin, «Ne ta azinaza taappe woththa ekkidayssi gidontta ixxiin qasse ta naaza inkoyeza ekkanee?» gadus. Eraheelakka, «Histtiko ne naaza inkoyeza gishshas Yaaqoobey hachcha qamma nenara aqo» gadus.

2ታሪኬ ማጻፋ 21:7

Gidikkoka GODAY kase Dawites caaqqida qaalaa gishshas Dawite zereththaa dhayssanaas koyibeenna; Dawitesinne iza zereththas mernaas dhayontta xomppey daana mala hidota qaala immi woththides.

ዬ ማጻፋ 45:5

Ne yiishshati qarata; istti kawo morkketa wozina ayfen caddana; kawoteththati xoonettidi ne toho garsan kundana.

ኢሳያሳ ቲንቢቴ 1:14

Agina xeeron intte bonchchiza gallassatanne kase intte woththida ba7aale gallassata ta shemppoya harasettadus; heyti taas daro deexo tooho gidida gishshas ta istta tookkanaas dandaykke.

ኢሳያሳ ቲንቢቴ 1:24

Hessa gishshas GODAY, Ubbaafe Wolqqama GODAA Isra7eele Xoossay, «Tani ta morkketa bolla ta hanqo gussana; tana komizayta bollaka tani halo kessana.

ኢሳያሳ ቲንቢቴ 22:22

Tani Dawite keeththa qulpe iza hashen woththana; izi doyiin oonikka gordenna; izi gordiin oonikka doyenna.

ኢሳያሳ ቲንቢቴ 25:1

Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ኢሳያሳ ቲንቢቴ 43:24

Neni taas lo7o sawiza exaane shammabeekka; modhdho yarshon tana kalssabeekka. Gido attiin ne nagara tooho tana toossadasa; qohon tana daaburissadasa.

ኢሳያሳ ቲንቢቴ 63:10

Istti gidikko makkallida; iza Geeshsha Ayanaakka mishisida hessa gishshas izi simmidi isttas morkke gidides; istta olides.

ኢሳያሳ ቲንቢቴ 7:12

Akaazey gidikko, «Oychchike; GODAAKKA paaccike» gides.

ኢሳያሳ ቲንቢቴ 7:2

Aaraame dereynne Efreeme derey issi bolla gididi olas ke7idayssa Dawite zareppe kawotida kawoy siyida wode wora mith carkoy qaaththiza mala Akaaze wozinaynne deraa wozinay qaaxxides.

ኤርማሳ ቲንቢቴ 21:12

Intteno Dawite soo asawu! Intte ooththida iita ooso gaason eexxiin oonikka toyssana dandayontta tama mala ta hanqoy intte bolla eexxontta mala wonttan wonttan suure pirdite; bonqqettidayta un7eththizayta kusheppe ashshite› gees ga.

ኤርማሳ ቲንቢቴ 44:22

Intte ooththida iitanne harassiza ooso GODAY co7u gaanaas dandayontta gishshas hach intte be7iza mala intte biittay qanggeththas malata, asi baynda bazzo biitta gidides.

ኤርማሳ ቲንቢቴ 6:11

Hessa gishshas GODAA hanqoy tanan kumi uttides; tani ha hanqoza ta ulon oykkana dandaykke. Histtiin GODAY tana, «Ta hanqoza ogen diza guuththa nayta bollanne shiiqida yelaga nayta bolla gussa; machchanne azinay, cimmida asatikka kessi ekki attettenna.

ሂዚቄላ ቲንቢቴ 16:20

«Qasseka ne taas yelida attuma naytanne macca nayta istti maana mala efada misletas yarshadasa. Hessa ne ooththizay ne laymatizayssi guuxxinee?

ሂዚቄላ ቲንቢቴ 16:47

Neni istta oge buussinne istta iita oge kaalo xalla gidontta guuththa woden isttafe bollara iita ooththizaaro gidadasa.

ሂዚቄላ ቲንቢቴ 34:18

Cilila qooron intte heemettizayssi inttes gidennee? Mishin attida maata intte yedhettana bessizee? Intte xillo haath uyizayssi inttes gidennee? Attidayssa intte intte tohon bulqosanaas bessizee?

ሂዚቄላ ቲንቢቴ 6:9

Hayti hayqoppe attidayti di7etti bidason dishe istti tana qoppana; istti taappe haakkidi laymateththan kumida wozinaninne ziitay kumida eeqa xoossata kaalliza intte ayfetan tana mishisideta; ba ooththida iitateththaafenne harassiza eeqa xoossatappe dendidayssan istti barkka bana harassettana.

ኣሞጼ ቲንቢቴ 3:13

Salo GODAY, «Hekko ane hayssa siyite! Yaaqoobe zereththa bolla markkattite.

ሚልካሳ ቲንቢቴ 2:17

Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ታይቦ ማጻፋ 16:13

Nuni bazzon hayqqana mala ne nuna eessinne maaththi kumida biittafe kessidayssi nees guuxxiin ha7i qasse nu bolla halaqa gidanaas koyay?

ታይቦ ማጻፋ 16:9

Intte gede izakko shiiqidi Gaytoteththa Dunkaane giddon intte intte ooso polana malanne intte Isra7eele asaa sinththan eqqidi isttas ooththana mala Isra7eele GODAY inttena hankko Isra7eele asaa garsafe shaakki dummasidayssa intte coo mela laafa ayfen xeelleetii!

ሉቃሳ ሚሺራቾ 1:69

Beni wode ba geeshsha nabeta doonan haasayettidayssa mala ba aylle Dawite keeththan ashshiza wolqqa nuus denththides.

ሃዋሬታ ኦሶ 7:51

«Intteno wozina muumetoo! Hayththa tulletoo! Intteka intte aawata mala ubba wode Xillo Ayanara eqetteeta.

Ibirawe 3:10

He wode yeletata bolla ta hanqettin istta wozinay ubba wode balettees; istti ta oge eribeettenna.