ኢሳያሳ ቲንቢቴ 66:3 - Geeshsha Maxaafa

³ «Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.

ጋሞ ማጻፋ

³ «ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

ኢሳያሳ ቲንቢቴ 66:3 ပူးပေါင်းရင်းမြစ်များ

ሌሚሶ ማጻፋ 15:8

GODAY iitata yarsho shaatettees; suureta woosay gidikko iza ufayssees.

ሌሚሶ ማጻፋ 21:27

Iita asa yarshoy harassees; iita qofan shiishshizaa gidikko ay mala iita gidanee?

ኢሳያሳ ቲንቢቴ 44:19

Oonikka takki gi qoppibeenna; erateththi woykko akeekay baynda gishshas, «Baggaa taman eeththadis; iza bonqqon kath kaththadis; izan asho xiixada madis; histtiin attidayssan wosttada tani harassiza miish ooththanee? miththa anos tani goynnana bessizee?» gaanaas dandaybeenna.

ኢሳያሳ ቲንቢቴ 53:6

Nuni ubbay dorsa mala toylatti dhaydos; nuni issoy issoy nu oge bidos; GODAY nu ubbaa qoho iza bolla woththides.

ኢሳያሳ ቲንቢቴ 57:17

Iza nagara gishshassinne iza yiiqeteththa gishshas ta hanqettadis; ta iza qaxxayadis; ta sinththaaka hanqon izappe genththadis; gido attiin ha7ikka simmidi izi ba ogen bides.

ኢሳያሳ ቲንቢቴ 65:12

ta xeygiin zaarontta ixxida gishshas, ta yootiin siyontta ixxida gishshas, ta sinththankka iita ooththida gishshas, tana hanqeththiza miish intte doorida gishshas, ta inttena mashshas aaththa immana; intte ubbayka shukettanaas qoodhe immana» gees.

ኢሳያሳ ቲንቢቴ 65:2

Makkallanchcha deretas, iita ogera bizaytas, bantta wozina amo kaallizaytas, ta kushe gallas kumeth miccadis.

ኢሳያሳ ቲንቢቴ 66:17

GODAY, «Atakiltey dizasoho biidi isttafe issaas goynnanaas bana geeshshizaytinne dummasizayti, guddunththa ashonne ecere asho, tunida miishshata miza ubbati ba pirda wurseththan issife ekkana» gees.

ኤርማሳ ቲንቢቴ 6:20

Exaaney Saaba biittafe sawiza qimamey haako biittafe yiikko tana ay gaanee? Xuugettiza intte yarshozakka ta ekkike; intte shiishshiza hara yarshoyka tana ufayssenna» gees.

ሌዌታ ማጻፋ 2:2

Aaroone zereththafe gidida qeesetakko ekki yo; he wode iza ooso taray gakkida qeesey he dhiillezappe ba kuphpha kumeththa zaytezanne exaaneza ekkidi wurikka Xoossas shiiqidayssa erisanaas yarsho shiishshizayssa bolla taman xuuggo; hessa mala kaththa yarsho sawoy Xoossaa ufayssees.

ሃጌ ቲንቢቴ 2:14

Hessafe guye Haggey, « ‹Hayssi dereynne hayssa bagga asaykka hessa mala; istta oosoynne istti taas shiishshiza imotay wurikka hessa mala ta sinththan tuna› gees GODAY.

ዛሬ ማጻፋ 14:8

Gudunththa qinccifilley phalqeth gidikkoka banchikontta gishshas izi hankko tunatara issife qoodettees; haytantta mala medosata moopitenne isttas ahakka bochchofte.

ዛሬ ማጻፋ 23:18

GODAA intte Xoossay layma ixxiza gishshas adde gidiin woykko maccassi laymateththan demmida miish adina gaso giidi GODAA intte Xoossa keeth ehopetto.

ዳናታ ማጻፋ 10:14

Biidi intte doorida xoossatas waassite; intte metotida wode istti inttena ashshetto» giidi zaarides.

ዳናታ ማጻፋ 21:25

He wode Isra7eele biittan kawoy baawa; asi ubbay baas lo7o misati beettoyssa coo ooththees.

ዳናታ ማጻፋ 5:8

Isra7eele asay allaga xoossata doorida wode, biittan olay dendides; oyddu tammu shii Isra7eele olanchchata giddon issi gondalley woykko issi tooray beettibeenna.