ኢሳያሳ ቲንቢቴ 66:21 - Geeshsha Maxaafa

²¹ Tanikka isttafe baggayta qeesetanne Leweta gidana mala ta doorana» gees.

ጋሞ ማጻፋ

²¹ ታኒካ ኢስታፌ ባጋይታ ቄሴታኔ ሌዌታ ጊዳና ማላ ታ ዶራና» ጌስ።

ኢሳያሳ ቲንቢቴ 66:21 ပူးပေါင်းရင်းမြစ်များ

ኬሳ ማጻፋ 19:6

intte ta kawoteththaas dumma shaakettida qeesetanne dumma dere gidana;› Neni Isra7eele naytas yootana qaalay hayssa» gides.

ኢሳያሳ ቲንቢቴ 61:6

Intte qasse, «GODAA qeeseta» geetetti xeygettana; asaykka inttena, «Nu Xoossaa oosanchchata» giidi xeygana; intte kawoteththata aqota maana; istta dureteththankka intte ceeqettana.

ኤርማሳ ቲንቢቴ 33:22

Tani ta oosanchcha Dawite zaretanne ta sinththan haggaziza Lewe qommota qooday baynda salo xoolintteta malanne makkiin wurontta abba shaamintta mala darsana» gees.

Ibirawe 7:12

Qeeseteththa zarkkey laamettiza wode wogaykka laamettanayssi attontta miishsha.

1ጴጽሮሳ ኪታ 2:5

Intte Godaa Yesusaakko shiiqanaykka de7o shuchchaa mala Xillo Ayana duussaso gidana mala oosetteeta; hessaththoka intte Yesus Kirstoosa baggara ufayssiza Ayana yarsho Xoossas shiishshanaas geeshsha qeeseta gidandeta.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

ዮሃኒሳ ኣጁታ 1:6

Nuni Yesus Kirstoosa aawaa Xoossaas ooththana mala nuna izi kawotanne qeeseta kessida Yesus Kirstoosas bonchchoynne wolqqay mernaappe mernaa gakkanaas izas gido! Amiin.

ዮሃኒሳ ኣጁታ 20:6

Koyro denththan dizayti heyti anjjettidaytanne geeshshata. Istta bolla nam7anththo hayqos wolqqay deenna; istti Xoossa qeesetanne Kirstoosa qeeseta gidana; istti Kirstoosara shii layth kawotana.

ዮሃኒሳ ኣጁታ 5:10

Ne istta nu Godaa Xoossaas kawotanne qeeseta histtadasa; isttika biitta bolla kawotana.»