ኢሳያሳ ቲንቢቴ 65:6 - Geeshsha Maxaafa

⁶ «Be7ite, ta sinththan xaafetti uttides; ta co7u giikke; gido attiin iza ooso ooso mala ta izas immana; istta hano mala ta isttas ciggana.

ጋሞ ማጻፋ

⁶ «ቤኢቴ፥ ታ ሲንን ጻፌቲ ኡቲዴስ፤ ታ ጮኡ ጊኬ፤ ጊዶ ኣቲን ኢዛ ኦሶ ኦሶ ማላ ታ ኢዛስ ኢማና፤ ኢስታ ሃኖ ማላ ታ ኢስታስ ጪጋና።

ኢሳያሳ ቲንቢቴ 65:6 ပူးပေါင်းရင်းမြစ်များ

ዬ ማጻፋ 107:17

Isttafe issoti issoti ba makkallateththa gaason eeya gidida; ba nagara gaasonkka meton gelida.

ዬ ማጻፋ 109:14

Iza aawata nagaray GODAA sinththan qofetto; iza aayey nagaray mulekka qucettofo!

ዬ ማጻፋ 50:21

Neni hayssa ubbaa ooththiza wode tani co7u gadis; hessa gishshas neni tana ne mala gaada qoppadasa; gido attiin ha7i tani nena walassays; qasseka ta nena qonccen seerays.

ዬ ማጻፋ 50:3

Nu Xoossi yaana; izi co7u geenna. Miza tamay iza sinththana; wolqqama gotey iza yuushonna.

ዬ ማጻፋ 56:8

Neni ta yeeho beyadasa; ta afunththaa makkadasa; ubbatikka ne mazgaban xaafettida.

ዬ ማጻፋ 79:12

Abeet Godawu! Nu shooroti nena qidhidayssa halo laappun kushe isttas zaara.

ኬሳ ማጻፋ 17:14

Hessafe guye GODAY Muses, «Tani Amaaleeqe asay qofettontta mala istta biitta bollafe kumeth dhayssana. Hayssi ubba wode qofettana mala maxaafan xaafada Iyaasos nababa sissontta aggofa» gides.

ኢሳያሳ ቲንቢቴ 26:21

Biittaa bollan diza asaa istta nagaraa gishshas qaxxayanaas, GODAY ba de7izasoppe kezidi yees. Biittayka ba bollan gukkida suuththaa qonccisana; hayqqidaytakka hayssafe guye qottuku.

ኢሳያሳ ቲንቢቴ 3:11

Iitatas aayye ana! Istta bolla iita miishshi yaana; ays giikko istti bantta ooso mala ekkana.

ኢሳያሳ ቲንቢቴ 42:14

GODAY, «Tani adussa wodeesofe co7u gadis; sirphi gadis; tana qum7a oykkadis; ha7i gidikko miixa oykettida maccassa mala waassays; sheenottayssinne bannakays.

ኢሳያሳ ቲንቢቴ 59:18

Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኢሳያሳ ቲንቢቴ 64:12

Abeet GODAWU, hayssi ubbay haniinkka ne simmikii? Neni co7u gaada nuna zaway baynda qixaate qaxxayay?

ኢሳያሳ ቲንቢቴ 66:6

Hessa kataman diza waasoza siyite; Xoossa keeththan diza caabba siyite; hessika GODAA cenggurssa; izi ba morkketas bessiza waaga qanxxana.

ኤርማሳ ቲንቢቴ 16:18

Istti ta biittaa aha mala gidida harassiza eeqa xoossatan tunisida gishshassinne ta xinxxoka yeellachchiza miishshatan kunththida gishshas tani istti ooththida qohoza gishshassinne nagara gishshas nam7u kushe qaxxayana» gees.

ሂዚቄላ ቲንቢቴ 11:21

Gido attiin bantta wozina tunida misletakkonne harassiza oosotakko zaaridaytas istta ooso mala ta isttas immana» gides.

ሂዚቄላ ቲንቢቴ 22:31

Hessa gishshas ta hanqo ta istta bolla gussana; ta wolqqama hanqozan ta istta xuuggana; istti ooththidayssa ta gede istta bolla zaarana gees Ubbaa Haariza GODAY» gides.

ሂዚቄላ ቲንቢቴ 9:10

Hessa gishshas tani isttas istta hano mala immana attiin ta isttas qadhettike; istta bolla yiza metoppe ta istta ashshike» gides.

ኢዩኤሌ ቲንቢቴ 3:4

Intteno Xiroose, Sidoonanne Filisxeeme asatoo! Intte ay ooththishe deetii? Intte ta bolla halo kessana qoppeetii? Intte hessa mala qoppiko tanikka kasetada intte bolla halo kessana.

ሚልካሳ ቲንቢቴ 3:16

He wode GODAAS babbiza asati ba garsan issoy issaara haasayettida Godaa Xoossika istti gizayssa lo7eththi siyides; GODAAS babbizaytas qasseka iza sunththaa bonchchizaytas istti oosoy balettontta mala qofsiza maxaafay iza sinththan xaafettides.

ሉቃሳ ሚሺራቾ 6:38

Immite! Intteska imettana; inttes intte makkida miishshan simmidi makettana; harappeka naaqqi baqettidi yigetti kumidi wora gukkanaashe lo7o makkiza miishshan makettidi inttes imettana» gides.

ዛሬ ማጻፋ 32:34

«Hayssa tani dogadinaa? Ta mazgaban xaafetti uttides.

ዮሃኒሳ ኣጁታ 20:12

He algaza sinththan hayqqida cimatanne naateththata beyadis; maxaafatikka doyettida; hara de7o maxaafaykka doyettides; hayqqidaytikka maxaafatan kase xaafetti diza ba ooso ooso mala pirda ekkida.