ኢሳያሳ ቲንቢቴ 65:12 - Geeshsha Maxaafa

¹² ta xeygiin zaarontta ixxida gishshas, ta yootiin siyontta ixxida gishshas, ta sinththankka iita ooththida gishshas, tana hanqeththiza miish intte doorida gishshas, ta inttena mashshas aaththa immana; intte ubbayka shukettanaas qoodhe immana» gees.

ጋሞ ማጻፋ

¹² ታ ጼይጊን ዛሮንታ ኢጺዳ ጊሻስ፥ ታ ዮቲን ሲዮንታ ኢጺዳ ጊሻስ፥ ታ ሲንንካ ኢታ ኦዳ ጊሻስ፥ ታና ሃንቄዛ ሚሽ ኢንቴ ዶሪዳ ጊሻስ፥ ታ ኢንቴና ማሻስ ኣ ኢማና፤ ኢንቴ ኡባይካ ሹኬታናስ ቆ ኢማና» ጌስ።

ኢሳያሳ ቲንቢቴ 65:12 ပူးပေါင်းရင်းမြစ်များ

ኢሳያሳ ቲንቢቴ 1:16

Meecettite; inttena geeshshite; intte iita oosoza ta sinththafe diggite; iita oosokka aggite.

ኢሳያሳ ቲንቢቴ 1:20

Intte taas akkay gi makkalliko mashshay inttena maana; hayssa yootiday tana GODAA» gides.

ኢሳያሳ ቲንቢቴ 10:4

Qashettida asaara issife qasheteththafe shukettiza asaara issife shuketeththafe attiin haray inttes attanaasoy deenna. Hessi ubbay haniinkka GODAA hanqoy dochchibeenna; qaxxayanaas izi ba kushe denththi woththides.

ኢሳያሳ ቲንቢቴ 27:1

He gallas GODAY lewataane geetettiza xongettiza shooshshaanne xaaxettiza shooshshaa ba mino, gitanne wolqqama giththa mashshan qaxxayana; abban diza wogga do7aa qanxxereththi yeggana.

ኢሳያሳ ቲንቢቴ 3:25

Inttes attuma asati giththa mashshan, olanchchati olan hayqqana.

ኢሳያሳ ቲንቢቴ 34:2

GODAY kawoteth ubbaa hanqettides; iza hanqoyka iza olanchchata ubbaa bollana. Izi istta mulera dhayssana; shukaska aaththi immana.

ኢሳያሳ ቲንቢቴ 34:5

Ta giththa mashshay salota giddon baas gidana gakkanaas uyadus; be7ite; Eedoome bolla, tani qanggida asaa bolla pirdanaas wodhdhadus.

ኢሳያሳ ቲንቢቴ 34:6

GODAA giththa mashshay suuth may7adus; modhdhoka kalladus; dorsa laaqqa suuththaninne deysha suuththan goozettadus; dharsho kilaho moodhen goozettadus; GODAY Booxira kataman yarsho, Eedoomen wolqqama shuka giigsida gishshassa.

ኢሳያሳ ቲንቢቴ 41:28

Tani xeelliza wode oonikka deenna; istta giddon zoranchchay baawa; ta oychchida wode zaaro immizaykka deenna.

ኢሳያሳ ቲንቢቴ 50:2

Tani yiza wode heen asi ays dhaydee? Ta xeygiza wode zaaro immiza asi heen waani dhaydee? Inttena wozzana miish cigganaas ta kushey qaammadee? Woykko inttena ashshanaas taas wolqqay guuththee? Be7ite ta hanqon abba melissays; shaafatakka bazzo kessays; isttan diza moleti saamon hayqqidi zeeqqeettes.

ኢሳያሳ ቲንቢቴ 59:15

Tumateththi awankka beettenna; iitateththaafe haakkizay qohettees; GODAY be7idi suure pirday dhayda gishshas ceecides.

ኢሳያሳ ቲንቢቴ 63:6

Ta hanqon kawoteththata yedhdhadis; ta bashshan istta maththosadis; istta suuththaaka biittan gussadis» gaana.

ኢሳያሳ ቲንቢቴ 65:3

Atakiltesohon yarsho yarshizayti, urqqafe medhettida yarshosohota bolla exaane cuwasizayti, ubba wode tana hanqeththiza dereta.

ኢሳያሳ ቲንቢቴ 66:16

Tamaninne mashshan GODAY ba pirdaa asa ubbaa bolla ehana; daroti GODAA mashshan shukettana.

ኤርማሳ ቲንቢቴ 16:17

Ta ayfey istta oge ubbaa be7ees; istti taappe geemmettenna; istta nagaraykka ta ayfeppe geemmibeenna.

ኤርማሳ ቲንቢቴ 18:21

Hessa gishshas istta nayta koshassinne mashshas aaththa imma; istta maccassati maynnenne am7eta gidetto; istta attumasatikka para hayqon wuretto; istta naateththa nayti olason mashshas gidetto

ኤርማሳ ቲንቢቴ 34:17

Hessa gishshas tani GODAY, «Intte taas azazettontta ixxidi intte ishatanne intte dabbota aylleteththafe la7a yeddiza awajja awajjibeekketa; be7ite tani intte bolla, ‹La7a› awajja awajjana; hessika olan, iita hargeninne koshan intte kundana awajja; tani inttena sa7a bolla diza kawoteththati shaaphettiza miish ooththana.

ኤርማሳ ቲንቢቴ 35:17

Hessa gishshas Ubbaafe Wolqqama GODAA Isra7eele Xoossay, «Be7ite; tani Yuhuda asaa bollanne Yerusalaamen dizayta ubbaa bolla ehana gida iita miish ta ehana; gaasoykka ta isttas yootiin siyibeettenna; ta istta xeygiin istti taas koyibeettenna» gees.

ኤርማሳ ቲንቢቴ 7:13

Intte hessa ubbaa ooththishin tani inttes zaara zaarada yootadis; gido attiin intte siyontta ixxideta; tani inttena xeygadis shin intte taas koyibeekketa.

ኤርማሳ ቲንቢቴ 7:27

«Hayssa ubbaa neni isttas yootana; gido attiin istti ne gizayssa siyettenna; neni istta xeygana shin istti nees koyettenna.

ሌዌታ ማጻፋ 26:25

Intte tanara caaqqida qaalaa laallida gishshas ta inttena qaxxayanaas intte bolla ola yeddana; intte intte katamatan shiiqiza wode ta intte giddon iita harge kiittana; intte morkketas intte aadhdhi imettana.

ሚኪያሳ ቲንቢቴ 5:15

Taas azazettontta dereta wolqqama hanqon ta halo kessana» gees.

ዛካራሳ ቲንቢቴ 7:7

Yerusalaameynne izi achchan yuuyi aadhdhi diza katamati saroteththaninne dureteththan diza wode dugeha bagga zumata garsaninne arshey geliza baggan diza zumata garsan kase asi heen diza wode GODAY ba nabeta baggara yootida qaalay hayssa gidennee?› ga oychcha.»

Maatosa 22:3

Kawoykka diggisas yootidayta xeyganaas ba ashkarata yeddides; xeygettidaytikka, ‹Nu bookko› gida.

Maatosa 22:7

«Kawoykka hanqettidi wottadarata yeddidi ashkaraza wodhidayta dhayssides; istta katamaa xuuggides.

ዮሃኒሳ ሚሺራቾ 1:11

Izi ba baggataakko yiin iza baggati iza ekkibeettenna.

ዛሬ ማጻፋ 32:25

Oge ubbaan istta nayta olay wursana; keeththa giddonkka hirgay kumana; panththatinne geela7oti, guuththa naytinne cimati ubbay wurana.