ኢሳያሳ ቲንቢቴ 65:11 - Geeshsha Maxaafa

¹¹ Gido attiin GODAA aggida inttes, ta geeshsha zumaa dogida inttes, ‹Ta baso› geetettiza eeqa xoossas soho giigsida inttes, ‹Gaade› geetettiza eeqa xoossas walakettida woyne ushshu wancan kunththida inttes,

ጋሞ ማጻፋ

¹¹ ጊዶ ኣቲን ጎዳ ኣጊዳ ኢንቴስ፥ ታ ጌሻ ዙማ ዶጊዳ ኢንቴስ፥ ‹ታ ባሶ› ጌቴቲዛ ኤቃ ጾሳስ ሶሆ ጊጊሲዳ ኢንቴስ፥ ‹ጋዴ› ጌቴቲዛ ኤቃ ጾሳስ ዋላኬቲዳ ዎይኔ ኡሹ ዋንጫን ኩንዳ ኢንቴስ፥

ኢሳያሳ ቲንቢቴ 65:11 ပူးပေါင်းရင်းမြစ်များ

2ካዎታ ማጻፋ 21:3

Kase iza aawa Hizqiyaasi zumbullata bolla diza eeqa xoossata keeth laallidayssa zaari keexxides; Isra7eele kawo Akaabey ooththoyssaththo izikka Ba7aales yarsho yarshizaso giigsides. Asheeri misle tuus essides; hessaththoka salo xoolinttetaska goynnides.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

ዬ ማጻፋ 132:13

GODAY Xiyoono doorides; baas de7izaso ooththanaas amottidi,

ዬ ማጻፋ 137:5

Yerusalaame katamayee! Tani nena balikko ta ushachcha kushey ba ooso balo.

ኢሳያሳ ቲንቢቴ 1:28

Gido attiin makkallanchchatinne nagaranchchati issi bolla liiqana; Xoossa aggizayti wurikka dhayana.

ኢሳያሳ ቲንቢቴ 1:4

Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ኢሳያሳ ቲንቢቴ 11:9

Geeshshi gidida ta zumaa bolla qohettenna woykko oonikka dhayenna; haaththi abba kumiza mala sa7a ubbay GODAA eron kumana.

ኢሳያሳ ቲንቢቴ 2:2

Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ኢሳያሳ ቲንቢቴ 2:3

Daro asay yiidi, «Wogay Xiyooneppe, GODAA qaalay Yerusalaameppe keziza gishshas haa yiite! GODAA zumaa, Yaaqoobe Xoossaa Keeth ane pude kezoos. Izi koyzayssaththo nuni baana mala izi nuna ba oge tamaarsana» gaana.

ኢሳያሳ ቲንቢቴ 56:7

tani ta geeshsha zumaa bolla istta ehana; ta woosa keeththa giddon ta istta ufayssana. Taas yarsho yarshizasoza bollan istti shiishshiza xuugettiza yarshonne hara yarshota ta ekkana; gaasoykka ta keeththay ubbaa asaa woosa keeth geetettana» gees.

ኢሳያሳ ቲንቢቴ 57:13

Neni maado demmanaas waassiza wode, ane ne shiishshida eeqa xoossati nena ashshetto! istta ubbaaka carkoy ekki efana; guuththa peenoy istta laalli dhayssana; gido attiin tana baas baqataso ooththida asi biittayo laattana; ta geeshsha zumayo baas miish ooththana» gees.

ኢሳያሳ ቲንቢቴ 65:25

Kana suyteynne dorsa laaqqay issife maana; gaammoy boora mala maata maana; shooshshi gudulla laaccana; ta geeshsha zumaa bolla istti qohettettenna; bashshika istta bolla yeenna» gees.

ኢሳያሳ ቲንቢቴ 66:20

GODAAS yarsho gidana mala intte ishata ubbata kawoteththatappe bonchchettida ta zumaa Yerusalaame paran, para-gaareninne gaaren, baquloninne gaamellan istta ehana. Isra7eele asay kaththa yarsho wogan diza mala geeshsha miishshan woththidi GODAA Keeth shiishshiza mala haytakka shiishshana.

ኤርማሳ ቲንቢቴ 17:13

Isra7eeles hidota gidida GODAWU! nena aggi bida ubbay yeellatana; nena de7o haaththa pultto gidida GODAA aggida gishshas ba ayfeso neeppe haraso zaarizayti gudulla bolla xaafettidayssa mala gidana.

ኤርማሳ ቲንቢቴ 19:4

Gaasoykka asay tana aggidi hayssa ha sohoza eeqa goynnizasoho kessides; istti gidiin woykko kase istta aawati, woykko Yuhuda kawoti erontta eeqa xoossatas yarshida; hayssa ha sohozan xillo suuth gussida.

ኤርማሳ ቲንቢቴ 2:28

Histtiin ane intte inttes medhdhida xoossati awan dizoo? Yuhudaa, intte metotiza wode istti inttena ashshanaas dandaykko ane inttena yiidi ashshetto! Intteno Yuhuda asatoo! Intte xoossati intte katamata mala cora» gides.

ኤርማሳ ቲንቢቴ 7:18

‹Salo godatteyo› geetettiza xoossayssi uketh uukkanaas maccassati dhiille munuqeettes; Nayti mith mixeettes; aawati tama eeththeettes. Istti tana qohana giidi ushsha yarsho hara xoossatas yarsheettes.

ዛሬ ማጻፋ 32:17

Hayssafe kase ba eronttaytas, Xoos gidontta daydanththatas, mata wode yida xoossatas, beni istta aawati isttas goynnontta eeqatas, istti yarsho shiishshida.

Ibirawe 12:22

Intte qasse ha Xiyoone zumaa bolla, pude salo Yerusalaame, de7o Xoossaa katama ufayssan shiiqida qooday baynda kiitanchchatakko yideta.