ኢሳያሳ ቲንቢቴ 62:4 - Geeshsha Maxaafa

⁴ Hayssafe guye neni, «Azinay yeggi aggidaaro» geetettaka. Qasse ne biittayakka, «Yegetta attidaaro» geetettuku. Gido attiin, «Ta ufayssi izinna» geetettana; ne biittayakka, «Azinay dizaaro» geetettana; GODAY nenan ufayettana; ne biittayakka azinara dizaaro gidana.

ጋሞ ማጻፋ

⁴ ሃይሳፌ ጉዬ ኔኒ፥ «ኣዚናይ ዬጊ ኣጊዳሮ» ጌቴታካ። ቃሴ ኔ ቢታያካ፥ «ዬጌታ ኣቲዳሮ» ጌቴቱኩ። ጊዶ ኣቲን፥ «ታ ኡፋይሲ ኢዚና» ጌቴታና፤ ኔ ቢታያካ፥ «ኣዚናይ ዲዛሮ» ጌቴታና፤ ጎዳይ ኔናን ኡፋዬታና፤ ኔ ቢታያካ ኣዚናራ ዲዛሮ ጊዳና።

ኢሳያሳ ቲንቢቴ 62:4 ပူးပေါင်းရင်းမြစ်များ

ዬ ማጻፋ 149:4

GODAY ba asan ufayettees; ashketa ashshidi bonchchon puulasees.

ዬ ማጻፋ 16:3

Sa7an de7iza geeshshati ay mala bonchchettidaytee! Tani isttan ufayettays.

ኢሳያሳ ቲንቢቴ 49:14

Xiyoona gidikko, «GODAY tana aggides; GODAY tana balides» gadus.

ኢሳያሳ ቲንቢቴ 54:1

GODAY, «Hanne maynne maccassayee, naa yela eronttaare yexxa; ilili gaada ufayssan waassa; hanne miixatta eronttaare, ba azinara dizaari naytappe azinay aggidaari nayti darana» gees.

ኢሳያሳ ቲንቢቴ 60:15

«Hanne ixettada yegettidaaree, oonikka ne giddora kanththi bizaaro gidontta aggikokka tani nena mernaa ceeqossinne yeleta ubbaas ufays histtana.

ኢሳያሳ ቲንቢቴ 60:18

Hayssafe guye ne biittan shiroy, ne zawankka laaleteththinne bashshi siyettenna. Gido attiin ne dirsaa gimbe atoteththi, ne pengetakka galata gaada ne xeygana.

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኢሳያሳ ቲንቢቴ 62:12

Istti, «GODAY Wozzida Geeshsha dereta; nekka Yegetta Attonttaaro koyettiza Katamayo» geetettana.

ኢሳያሳ ቲንቢቴ 62:2

Kawoteththati ne xilloteth, kawotikka ne bonchcho be7ana; GODAY ba doonan sunththida ooraththa sunththan ne xeygettana.

ኢሳያሳ ቲንቢቴ 62:5

Panththi geela7o ekkiza mala, ne nayti nena ekkana; mishirazi mishirayn ufayettiza mala, ne Xoossi nenan ufayettana.

ኢሳያሳ ቲንቢቴ 65:19

Tani Yerusalaamen ufayettana; tani ta derezan hombocana; hayssafe guyen yeehoynne waasoy heen seetettenna.

ኤርማሳ ቲንቢቴ 3:14

Qasseka GODAY, «Intteno ammanettontta asatoo, simmite; tani inttes azina; Tani intte giddofe issi katamappe issaa, issi qommofe nam7ata doorada Xiyoone ehana.

ኤርማሳ ቲንቢቴ 32:41

Ta isttas lo7o ooththada ufayettana; qasse tani ta kumeththa wozinappenne ta kumeththa shemppofe tumappe ha biittay bolla istta tokkana» gees.

ኤርማሳ ቲንቢቴ 33:9

Hessafe guye hanna ha katamaya ta izis ooththida lo7o miish ubbaa siyiza kawoteththata ubbaa sinththan sabas, ufayssas, galatasinne bonchchos gidana; ta izis immiza daro dureteththaafenne saroteththafe dendidayssan asay izis yashshan kokkorana» gees.

ሂዚቄላ ቲንቢቴ 36:35

Istti hayssi asi bayndasozi Edene Gannate misatides; dhayda, laalettidanne bulattida katamati asa duussasonne gimbettidaso gidida gaana.

ሆሴኤ ቲንቢቴ 2:21

«He gallas tani zaaro immana; tani salo azazana; saloykka sa7as zaaro immana.

ሆሴኤ ቲንቢቴ 2:22

Biittay kath, woyne ushshunne zayte immana; isttika Izra7eeles zaaro gidana.

ሶፎናሳ ቲንቢቴ 3:17

GODAA ne Xoossay nenara dees; izi ashshiza mino olanchcha. Izi nenan daro ufayettees; izi ba siiqon nena woppisana; ne yeththan izi bonchchettidi ufayettana› gaana.

ሚልካሳ ቲንቢቴ 3:12

«Hessafe kaallidi intte derey kalo biitta gidida gishshas hara derey wurikka inttena intte anjjettida dereta gi xeygana» gees Ubbaafe Wolqqama GODAA Xoossay.

ዮሃኒሳ ሚሺራቾ 3:29

Sarge wode ekkana mishiray dizaadey izikka mishira; mishira laggey gidikko mishiraza achchan eqqidi mishirazi gizaaz siyees; mishiraza qaala siyidi ufayettees; hessa gishshas ta ufayssi ha7i polettides.

2ቆሮንቶሴ ኣሳስ 11:2

Issi gelontta geeshsha geela7oya ba geela7oteththan issi azinas giigiza mala tanikka inttena Kirstoosas giigsida gishshas ta intte gishshas lo7o qofa qoppays.

ዛሬ ማጻፋ 30:9

Hessafe guye intte ooththiza ooso ubbaan GODAA intte Xoossay inttena duresana; izi inttes nayta, mehe, kaththinne miththa ayfe darsana; GODAA intte Xoossay kase intte aawata duresidi ufayettida mala inttenakka duresidi ufayettana.

Ibirawe 13:5

Miishsha siiqoppe naagettite; inttes dizayssi gidana; hessas gaasoykka Xoossi, «Ta inttena mulekka aggikenne yeggike» gides.

1ጴጽሮሳ ኪታ 2:10

Intte kase Xoossa dere gidekketa; ha7i gidikko intte Xoossa dereta; intte kase Xoossi inttes qadhettontta derekko shin ha7i gidikko inttes qadhettides.

ዮሃኒሳ ኣጁታ 21:2

Geeshsha katamaya ooraththa Yerusalaamey ba azinas giigettida mishira mala lo7a giigettada salo Xoossaa achchafe wodhdhishin tani beyadis.