ኢሳያሳ ቲንቢቴ 60:11 - Geeshsha Maxaafa

¹¹ Ne pengeti ubbatoo doya de7ana; gallas gidiin omars mulekka gordettettenna; hessika asay kawoteththata dureteththaa neekko ehanaassa; istta kawotikka xoonon neekko gelana malassa.

ጋሞ ማጻፋ

¹¹ ኔ ፔንጌቲ ኡባቶ ዶያ ዴኣና፤ ጋላስ ጊዲን ኦማርስ ሙሌካ ጎርዴቴቴና፤ ሄሲካ ኣሳይ ካዎቴታ ዱሬቴ ኔኮ ኤሃናሳ፤ ኢስታ ካዎቲካ ጾኖን ኔኮ ጌላና ማላሳ።

ኢሳያሳ ቲንቢቴ 60:11 ပူးပေါင်းရင်းမြစ်များ

ናሂሚያ ማጻፋ 13:19

Hessafe guye Sambatay gelanaappe sinththa gallas gadey lem7i lem7ishin Yerusalaame pengeti gordettidi Sambatay aadhdhana gakkanaas doyettontta mala tani azazadis; qasse Sambata gallas aykko miishshe zal7ana ekki yontta mala ta oosanchchatappe issota issota gimbaa penge naagana mala zabe woththadis.

ዬ ማጻፋ 149:8

Istta kawota sansalatan, istta ola qaratakka biratan qachchana.

ኢሳያሳ ቲንቢቴ 24:21

He gallas GODAY bolla salon diza wolqqamata gars biitta bolla diza kawotakka qaxxayana.

ኢሳያሳ ቲንቢቴ 26:2

Ba ammano naagida, xillo kawoteththati gelana mala pengeta doyte.

ኢሳያሳ ቲንቢቴ 49:23

Kawoti nena dichchiza aawata gidana; istta machcheti nena dichchiza aayeta gidana; istti gufannidi nees goynnana; ne toho bollafe baanaakka laaccana; nekka tani GODAA gididayssa erana; tanan hidota ooththizayti yeellatettenna» gees.

ኢሳያሳ ቲንቢቴ 56:7

tani ta geeshsha zumaa bolla istta ehana; ta woosa keeththa giddon ta istta ufayssana. Taas yarsho yarshizasoza bollan istti shiishshiza xuugettiza yarshonne hara yarshota ta ekkana; gaasoykka ta keeththay ubbaa asaa woosa keeth geetettana» gees.

ኢሳያሳ ቲንቢቴ 60:18

Hayssafe guye ne biittan shiroy, ne zawankka laaleteththinne bashshi siyettenna. Gido attiin ne dirsaa gimbe atoteththi, ne pengetakka galata gaada ne xeygana.

ኢሳያሳ ቲንቢቴ 60:5

He wode ne be7ananne phoollana; ne wozinay ufayssan kumana; abban diza aqotay neekko yaana; kawoteththata dureteththi nees gidana.

ኢሳያሳ ቲንቢቴ 61:6

Intte qasse, «GODAA qeeseta» geetetti xeygettana; asaykka inttena, «Nu Xoossaa oosanchchata» giidi xeygana; intte kawoteththata aqota maana; istta dureteththankka intte ceeqettana.

ኢሳያሳ ቲንቢቴ 62:10

Aadhdhite! Iza pengeta baggara kanththi biite; deraas oge baasite; giigsite; shuchchata diggite; kawoteththatas malaata essite.