ኢሳያሳ ቲንቢቴ 6:2 - Geeshsha Maxaafa

² Suraafeele geetettiza kiitanchchati izappe bollara deettes; issi issi suraafeeles usuppun qefeti deettes; nam7u qefetan ba ayfeso ayfeso kammeettes; nam7u qefetan ba toho toho kammeettes; nam7u qefetan piradhdheettes.

ጋሞ ማጻፋ

² ሱራፌሌ ጌቴቲዛ ኪታንቻቲ ኢዛፔ ቦላራ ዴቴስ፤ ኢሲ ኢሲ ሱራፌሌስ ኡሱፑን ቄፌቲ ዴቴስ፤ ናምኡ ቄፌታን ባ ኣይፌሶ ኣይፌሶ ካሜቴስ፤ ናምኡ ቄፌታን ባ ቶሆ ቶሆ ካሜቴስ፤ ናምኡ ቄፌታን ፒራቴስ።

ኢሳያሳ ቲንቢቴ 6:2 ပူးပေါင်းရင်းမြစ်များ

ሜቴ ማጻፋ 17:3

Abraamey biittan duge gufannidi hu7ey biitta bochchiin izi Xoossas ziggiin Xoossi izas,

1ካዎታ ማጻፋ 19:13

Eelaasi hessa siyidi ba may7ida hashe may7on ba ayfeso kammides. Histtidi kare kezi gongoloza pengen eqqides. Hessafe guye, «Eelaasaa! Hayssan ay ooththay?» giza cenggurs siyides.

1ካዎታ ማጻፋ 22:19

Mikiyaasi zaaridi, «Histtiko GODAY gizayssa siya! GODAY ba kawoteththa araatan uttiin salo olanchchati ubbay iza ushachcharanne hadirsara eqqidayta tani be7adis.

1ካዎታ ማጻፋ 6:24

Koyro kirubeza qefey issoy ichchashu wadha; nam7anththozi ichchashu wadha; koyro qefe xeerappe biidi nam7anththo qefeza xeera gakkanaas tammu wadha.

1ካዎታ ማጻፋ 6:27

Solomooney Xoossa Keeththan diza Ubbaafe dummatida giddo qol7aan kirubeta woththides; istta qefey micetti uttides; issi kirubeza qefey issi bagga godaa bochchishin hankko kirubeza qefey hankko bagga godaa bochchees; istta nam7ata qefey soo giddon issoy issaara gayttees.

1ካዎታ ማጻፋ 8:7

Micetti uttida kirubeta qefeti Taabotaanne Taabotaa tookkiza miththaa kammida.

ናሂሚያ ማጻፋ 9:6

Hessafe guye Isra7eele asay, «Xoossoo, ne xalla Goda; Salonne salo bolla dizayta, sa7anne sa7a bolla dizayta, gita abbanne iza giddon dizayta ubbaa medhdhiday nena. Ubbaas de7o shemppo immadasa; Salo medheteththati ubbay nees goynneettes.

ኢዮቤ ማጻፋ 1:6

Gallassatappe issi gallas salo kiitanchchati GODAA sinth shiiqida wode Xala7eykka isttara issife shiiqides.

ኢዮቤ ማጻፋ 15:15

Xoossay ba kiitanchchata bolla ammanettenna; saloykka iza sinththan geesh gidenna.

ኢዮቤ ማጻፋ 4:18

Xoossi baas ooththizaytan ammanettontta aggiko, ba kiitanchchata bollaka izi mooro miish demmizaaz gidikko,

ዬ ማጻፋ 103:20

Intteno iza kiitanchchatoo! Iza azazo poliza wolqqamatoo! Izi gizayssa ezgizaytoo! GODAA galatite.

ዬ ማጻፋ 104:4

Neni carkota ne kiitanchcha, tama lacokka ne aylle kessaasa.

ዬ ማጻፋ 18:10

Kiruben uttidi paallides; carko qefe ekkidi pude dendi bides.

ዬ ማጻፋ 89:7

Geeshshata shiiqon Xoossi yashissizaade; Ba yuushon diza ubbaafe keehi yashissizaade.

ኬሳ ማጻፋ 25:20

Kirubeti ba qefe denththidi maaroteththa kamaa bollara kammetto; qasse issoy issaakko simmi uttidi kamazakko xeelletto.

ኬሳ ማጻፋ 3:6

Qasseka Xoossay iza, «Tani ne aawata Abrahaame, Yisaaqanne Yaaqoobe Xoossa» gides. Histtiin Musey Xoossaa xeellanaas babbida gishshas ba ayfeso kammides.

ኬሳ ማጻፋ 37:9

Kirubeti ba qefe denththidi atto geetettiza sohoza kammiza kama ba qefen kammi woththida; qasse issoy issaara xeelettana mala ooththides.

ኢሳያሳ ቲንቢቴ 6:6

Histtiin suraafeeletappe issoy yarshizasozappe qaphen tama bonqqo ekkidi piradhdhishe taakko yides.

ሂዚቄላ ቲንቢቴ 1:11

Istta ayfesoy hessa misatees; istta qefey pude yangetti uttides; isttas issaas issaas nam7u nam7u qefey dees; issaa issaa qefey hankkoyssa qefera diishetti uttides.

ሂዚቄላ ቲንቢቴ 1:24

Ha shemppora paxa diza medheteththati piradhdhiza wode istta qefeta giirissa siyadis; he giirissay di7o haaththa gunththa mala, Ubbaa Dandayza Xoossa cenggurssa malanne cora olanchchata wocama mala hanizayssa siyadis. Istti piradho aggiza wode bantta qefeza shiphphi histteettes.

ሂዚቄላ ቲንቢቴ 1:4

Tani dhoqqu ga xeellishin pudeha baggafe gote carkoy yizayssa be7adis; izappe wolqqanththi wawaci giza dhippi gida shaaraa gita poo7oy giddoththi woththides; tamazas giddo adday birata bonqqo misatees.

ሂዚቄላ ቲንቢቴ 1:6

Isttas issaas issaas oyddu ayfesoynne oyddu qefey dees.

ሂዚቄላ ቲንቢቴ 1:9

Istta qefeti issoy issaara diishetteettes; istti ubbayka guye simmi xeellontta sitti giidi sinth beettes.

ሂዚቄላ ቲንቢቴ 10:16

Qasse kirubeti baana qaaxxiza wode istta millen diza irzotikka qaaxxeettes; kirubeti biittafe pude dendanawu bantta qefeta yangiza wodekka istta millen diza irzotikka isttafe shaakettettenna.

ሂዚቄላ ቲንቢቴ 10:21

Isttas issaas issaaskka oyddu ayfesoynne oyddu qefey dees; istta qefetappe garsa baggara asa kushe misatizaazi dees.

ዳኔላ ቲንቢቴ 7:10

Iza sinththara tama haaththi pultti goggees; izas daro shiyan qoodettiza oosanchchati deettes; qooday baynda derey iza sinththan eqqides; pirda shilotaykka uttides; maxaafatikka doyettida.

ዳኔላ ቲንቢቴ 9:21

Tani woosa bolla dashe koyro ajjuutan be7ida Gabreeley omarsa wode yarshoy shiiqiza woden taakko eeson piradhdhishe yides.

ዛካራሳ ቲንቢቴ 3:4

Kiitanchchazi ba sinththan eqqidayta, «Hessa qita may7oza iza bollafe qaari diggite» gides; Iyaasoska, «Hekko ta ne nagara neeppe diggadis; ta nena lo7o may7o mayzana» gides.

ሉቃሳ ሚሺራቾ 1:10

Exaaney cuwattishin asay wurikka karen diidi woossees.

Ibirawe 1:7

Kiitanchchata gishshas haasayshe qasse, «Kiitanchchata ayanata; ba oosanchchatakka tama laco kessees» gides.

ዮሃኒሳ ኣጁታ 14:6

Hessafe guye biitta bolla diza dumma dumma qaalan haasayza dumma dumma deretas, zarkketas, qommotas, ubbaas yootanaas mernaa Mishiraachcho qaala oykkida hara issi kiitanchchay salo bolla piradhdhishin ta beyadis.

ዮሃኒሳ ኣጁታ 4:8

He oyddu do7ati issoy issoy usuppun qefera deettes; qefeta yuushoninne qefeta giddon ayfey kumides; istti qammanne gallas, «Geeshshawu! Geeshshawu! Geeshshawu! Ubbaa dandayza Godoo! Kasekka ha7ikka dizayssoo! Burokka yaanaysso guussafe shempi erettenna.

ዮሃኒሳ ኣጁታ 7:11

Iza kiitanchchati wurikka iza algaas, cimatanne oyddu do7ata yuuyi aadhdhi eqqida algaza sinththan gufannidi Xoossas goynnida.

ዮሃኒሳ ኣጁታ 8:13

Ta qasse zaara xeellishin issi golley salo bolla piradhdhishe gita qaalan, «Hankko attida heedzdzu kiitanchchati ba dinketa giiris sissiza wode biitta bolla diza asaas aayye ana! Aayye ana! Aayye ana!» gishin siyadis.