ኢሳያሳ ቲንቢቴ 6:11 - Geeshsha Maxaafa

¹¹ Tanikka, «Abeet Godawu! Hayssi ayde gakkanaas hananee?» gadis. Izikka zaaridi taas, «Katamati isttan de7iza asi dhayiin istti laalettana gakkanaas, keeththatikka ubbay kayzana gakkanaassinne biittayka mulera aykkoy baynda bula gidana gakkanaassa.

ጋሞ ማጻፋ

¹¹ ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ኢሳያሳ ቲንቢቴ 6:11 ပူးပေါင်းရင်းမြစ်များ

ዬ ማጻፋ 74:10

Abeet Xoossawu! Ne morkketi awude gakkanawu ne bolla qilccanee? Istti ne sunththa mernaas kadhishe daanee?

ዬ ማጻፋ 79:5

Abeet GODAWU! Hayssi awude gakkanaas hananee? Neni mernaas hanqettanee? Ne qanaatey tama mala eexxishe de7anee?

ዬ ማጻፋ 90:13

Abeet GODAWU! Ne hanqoy awude gakkana gam7anee? Simma! Ne aylletas qadhetta!

ዬ ማጻፋ 94:3

Abeet GODAWU! Iitati awude gakkanaas gam7anee? Istti awude gakkanaas ufayettanee?

ኢሳያሳ ቲንቢቴ 1:7

Intte derey aykkoy baynda bazzo gidana; intte katamati taman xuugettana; intte ayfey xeellishin intte biitta allagay bonqqi ekkana; istti intte biitta bula kessana.

ኢሳያሳ ቲንቢቴ 13:12

Attida asati muuruta worqqafe bollara al7o gidana; ofire worqqafekka al7o gidana.

ኢሳያሳ ቲንቢቴ 3:26

Xiyoone pengeti kallo gaden wodhdha uttada yeekkiza maccassa mala yeekkananne zilalana.

ኢሳያሳ ቲንቢቴ 3:8

Yerusalaamey gandigarawus; Yuhudaykka kundana matadus; gaasoykka istti bantta haasayaninne ooson GODAARA eqettishe iza bonchchoza toochcheettes.

ኢሳያሳ ቲንቢቴ 32:14

Miixati kayzana; daro shirotiza katamaya dimmi gaana; miixatinne qatoti mernaas gongolo, hardidati guppizasohonne wudey heemettizaso gidana.

ኢሳያሳ ቲንቢቴ 35:1

Bazzoynne mela biittay ufayettana; aykkoy baynda bazzoy ufayettana; ciishsha malakka ciiyana.

ኢሳያሳ ቲንቢቴ 5:9

Ubbaafe Wolqqama GODAY tani ta hayththara siyishin, «Gita keeththati kayzi attana; he lo7o keeththatan de7anaas asi dhayana.

ኢሳያሳ ቲንቢቴ 60:15

«Hanne ixettada yegettidaaree, oonikka ne giddora kanththi bizaaro gidontta aggikokka tani nena mernaa ceeqossinne yeleta ubbaas ufays histtana.

ኢሳያሳ ቲንቢቴ 64:10

Ne geeshsha katamati aykkoy baynda bazzo gidida; Xiyoonakka aykkoy baynda bazzo biitta gidadus; Yerusalaameykka yegetta attadus.

ኤርማሳ ቲንቢቴ 22:6

GODAY Yuhuda kawo keeththas, «Neni taas Gala7aade biittanne Libaanoose zuma xeera mala lo7ikkoka tani nena addafe bazzonne asi izan baynda katama ooththana.

ኤርማሳ ቲንቢቴ 4:7

Gaammoy ba dizasoppe kezides; kawoteththata dhayssizay kiitettides; ne biittayokka bulasanaas ba dizasoppe kezides; ne katamati laalettana; kundidikka kayzi attana.

ኤርማሳ ቲንቢቴ 44:2

Ubbaafe Wolqqama GODAA Isra7eele Xoossay, «Yerusalaame bollaninne Yuhuda katamata ubbaa bollan tani ehida bash ubbaa intte intte ayfera be7ideta; istti hach gakkanaas oonikka dontta bazzo biitta gidi attida.

ኤርማሳ ቲንቢቴ 52:27

Kawozikka istta heen Erebilan dippi histti wodhides; Yuhudaykka hessa malan ba biittafe di7etta badus.

ሂዚቄላ ቲንቢቴ 6:6

Intte isttan diza katamati ubbay kays gidana; intte goynnizasoti ubbay laalettana; hessaththoka intte yarshizasohoti tunananne laaletti dhayana; intte eeqa xoossati nippi gi meqerettana; intte exaane yarshizasohoti nippi gi meqerettana; intte kushe oosoti dippi gi dhayana.

ዳኔላ ቲንቢቴ 8:13

Hessafe guye geeshshatappe issoy haasayshin ta siyadis; qasse geeshshatappe haray issoy izas, «Ha hach hach yarshiza yarsho ajjuutay polettana wodey aydee? Ha makkallateththa gaason yiza bashshay awude gakkanaas gam7anee? Qasseka salo olanchchatinne Xoossa Keeththay awude gakkanaas yedhettishe daanee?» gi oychchides.

ሌዌታ ማጻፋ 26:31

Ta intte katamata laallana; intte goynnizasota ta kays histtana; sawiza intte yarshoza ta ekkike.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

ሚኪያሳ ቲንቢቴ 2:4

He wode derey intte bolla miicci kaa7ana; inttena qidhishe, « ‹Nu mulera dhaydos; ta dabbo gadey haras gishettides; taappe bonqqi ekkidi nu biitta nuna Xoonidaytas gishides› gi zilalana» gides.

ሚኪያሳ ቲንቢቴ 5:11

Intte biittan diza katamatakka dhayssana; intte miixataka ubbaa laallana.

ሚኪያሳ ቲንቢቴ 6:13

Hessa gishshas ta nena dhayssana dendadis; ne nagara geedon ta nena laallana.

ሚኪያሳ ቲንቢቴ 7:13

Istta ooso geedonne izin diza asaa gaason biittaya aykkoy bayndaaz gidana.

ዛሬ ማጻፋ 28:62

GODAA intte Xoossaas intte azazettontta ixxida gishshas salo xoolintte mala darida inttefe guuththati xalla attana.

ዛሬ ማጻፋ 28:63

GODAY inttena duresanaassinne intte qooda darsanaas dosida mala qasseka inttena guuththishenne biittafe dhayssishe izi ufayettana; intteka laattanaas biza biittayfe shodettana.