ኢሳያሳ ቲንቢቴ 59:16 - Geeshsha Maxaafa

¹⁶ Oonikka bayndayssa be7ides; izakko gaannatizay bayndayssa be7idi malalettides; Hessa gishshas iza qesey izas atoteth ehides; iza xilloteththi iza kaafi oykkides.

ጋሞ ማጻፋ

¹⁶ ኦኒካ ባይንዳይሳ ቤኢዴስ፤ ኢዛኮ ጋናቲዛይ ባይንዳይሳ ቤኢዲ ማላሌቲዴስ፤ ሄሳ ጊሻስ ኢዛ ቄሴይ ኢዛስ ኣቶቴ ኤሂዴስ፤ ኢዛ ጺሎቴ ኢዛ ካፊ ኦይኪዴስ።

ኢሳያሳ ቲንቢቴ 59:16 ပူးပေါင်းရင်းမြစ်များ

ዬ ማጻፋ 106:23

Hessa gishshas Xoossi istta dhayssana gides; gido attiin dhayssontta mala iza hanqoza zaaranaas Xoossi doorida Musey giddon eqqides.

ዬ ማጻፋ 94:16

Makkallanchchata bolla ta gishshas eqettanay oonee? Iita ooththizaytarakka ta gishshas mootettanay oonee?

ዬ ማጻፋ 98:1

GODAAS ooraththa mazamure yexxite; gaasoykka izi malalisiza miish ooththides; iza ushachcha kusheynne iza geeshsha qesey izas xoono immides.

ኢሳያሳ ቲንቢቴ 33:2

Abeet GODAWU! Nuna maara; nuni nena hidota ooththidos; maalado maalado nuus wolqqa gida; meto wodekka nuna ashshizaade gida.

ኢሳያሳ ቲንቢቴ 33:3

Ne cenggurssay dada mala guummiza wode derey baqatees; neni denda eqqiza wode kawoteththati laaletteettes.

ኢሳያሳ ቲንቢቴ 40:10

Hekko Ubbaa Haariza GODAY wolqqara yees; iza qesey iza gishshas haarana. Be7ite iza woytoy izara dees; izi ciggana ooso waagaykka izara dees.

ኢሳያሳ ቲንቢቴ 41:28

Tani xeelliza wode oonikka deenna; istta giddon zoranchchay baawa; ta oychchida wode zaaro immizaykka deenna.

ኢሳያሳ ቲንቢቴ 50:2

Tani yiza wode heen asi ays dhaydee? Ta xeygiza wode zaaro immiza asi heen waani dhaydee? Inttena wozzana miish cigganaas ta kushey qaammadee? Woykko inttena ashshanaas taas wolqqay guuththee? Be7ite ta hanqon abba melissays; shaafatakka bazzo kessays; isttan diza moleti saamon hayqqidi zeeqqeettes.

ኢሳያሳ ቲንቢቴ 51:5

Ta xilloteththay eesoti yeeththa bolla, ta atoteththay matishe dees; ta qesey kawoteththatas tuma pirda ehana; haruroti taakko xeellana; ta qesekka hidota ooththana.

ኢሳያሳ ቲንቢቴ 51:9

Abeet GODAA qesey denda; wolqqa may7a; kase aadhdhida wodetan, miimintte qanxxereththiday, gita daweza caddiday nena gidikkii?

ኢሳያሳ ቲንቢቴ 52:10

GODAY ba geeshsha qesaa kawoteththata ubbaa sinththan qonccisana; qasse biittaa gaxan diza ubbayka nu Xoossaa atoteththaa be7ana.

ኢሳያሳ ቲንቢቴ 53:1

Derezi, «Nuni yootidayssa oonee ammaniday? GODAA qesey oonas qonccidee?

ኢሳያሳ ቲንቢቴ 62:8

GODAY ba ushachcha kusheninne ba wolqqama qesen, «Hayssafe guye ta intte kath intte morkketas quma gidana mala immike; qasse intte daaburi kessida ooraththa ushshaa allagati uyettenna.

ኢሳያሳ ቲንቢቴ 64:7

Oonikka woosan ne sunth xeygenna; nena oykkana paaccizaykka deenna; neni ne ayfeso nuuppe genththadasa; nu nagaray nuna dhayssana mala aggadasa.

ኤርማሳ ቲንቢቴ 5:1

GODAY, «Ane Yerusalaame ogeta bolla kezidi pudenne duge yuushshi xeellitenne akeekite; derey duulatizasotan xilloteth koyzaynne suure pirdiza kezidi intte issaadeka demmiko tani Yerusalaame maarana.

ሂዚቄላ ቲንቢቴ 22:30

«Tani biittayo dhayssontta mala dirsa dirizaade, laalettida baggara ta sinththan izi gishshas eqqizaade intte giddofe ta koyadis; gido attiin issaadeka demmabeekke.

ማርቆሳ ሚሺራቾ 6:6

Isttas ammanoy bayndayssa be7idi malalettides. Hessafekka Yesusi gutan gutan yuuyi yuuyi tamaarsides.