ኢሳያሳ ቲንቢቴ 58:9 - Geeshsha Maxaafa

⁹ He wode neni xeygana; GODAYKKA nees koyana. Neni maado demmanaas waassana; izikka, ‹Ta nees days› gaana. «Ne neeppe metoththiza qambara, iita haasayanne biradhdhen malata bessizayssa aggiko,

ጋሞ ማጻፋ

⁹ ሄ ዎዴ ኔኒ ጼይጋና፤ ጎዳይካ ኔስ ኮያና። ኔኒ ማዶ ዴማናስ ዋሳና፤ ኢዚካ፥ ‹ታ ኔስ ዳይስ› ጋና። «ኔ ኔፔ ሜቶዛ ቃምባራ፥ ኢታ ሃሳያኔ ቢራን ማላታ ቤሲዛይሳ ኣጊኮ፥

ኢሳያሳ ቲንቢቴ 58:9 ပူးပေါင်းရင်းမြစ်များ

ሜቴ ማጻፋ 27:18

Histtiin izi ba aawaakko bi gelidi, «Ta aawawu!» gides. Izikka, «Yee! Ta naazoo! Neni oonee?» gides.

ኢዮቤ ማጻፋ 22:27

Ne izakko woossiza wode izi ne woosaa siyana; ne adinettidayssa izas gaththana.

ዬ ማጻፋ 118:5

Tani un7ettida wode GODAAKKO waassadis; histtiin izi ta waasoza allidi tana un7ofe kessides.

ዬ ማጻፋ 12:2

Issoy issaas wordo haasayees; issoy issaa doonan cimmeettes;

ዬ ማጻፋ 145:18

GODAY bana xeygizaytas ubbaas mata; wozinappe xeygiza ubbaas matan dees.

ዬ ማጻፋ 20:6

GODAY ba doorida kawozas xoono immizayssa tani ha7i eradis; ba ushachcha kushezan izi gita xoonon kunththana; ba geeshsha saloppeka izas zaaro immana.

ዬ ማጻፋ 37:4

GODAAN ufayetta; izi nees ne wozina amo immana.

ዬ ማጻፋ 50:15

Meto gallas ne tana xeyga; ta nena ashshana; nekka tana bonchchana» gees.

ዬ ማጻፋ 91:15

Izi tana xeygiza wode tani izas koyana; izi metotida wode tani izara issife gidana; tani iza ashshananne bonchchana.

ሌሚሶ ማጻፋ 6:13

ba ayfera qim7otizay, ba tohon bessizay, ba biradhdhetankka malatizay,

ኢሳያሳ ቲንቢቴ 1:15

Intte intte kushe woosas taakko micciko tani ta ayfe inttefe haraso zaarana; intte kushen suuththi kumida gishshas intte keehi woossikokka ta intte woosa siyikke.

ኢሳያሳ ቲንቢቴ 30:19

Intteno Yerusalaamen de7iza Xiyoone derezoo! Hayssafe sinththan intte yeekkeketa; intte izakko waassishin izi inttena waani maarennee? Intte waaso izi siyidi inttes eeson zaaro immana.

ኢሳያሳ ቲንቢቴ 55:6

GODAY beettiza wode iza koyite; matan diza wode iza xeygite.

ኢሳያሳ ቲንቢቴ 57:4

Intte oona bolla qilcceetii? Intte inxarsi oona bolla kesseetii? Intte makkallanchchata naytanne wordanchchata zare gidekketii?

ኢሳያሳ ቲንቢቴ 58:6

«Be7ite tani doorida xoomay, un7ettidayta sansalata intte duuththana mala, qambara wodoro intte birshana mala, un7ettidayta intte la7a yeddana mala, tooho gidida qambara intte menththana mala gidennee?

ኢሳያሳ ቲንቢቴ 59:1

Hekko GODAA kushey inttena ashshanaas qaammibeenna; iza hayththi siyanaappe tullibeenna.

ኢሳያሳ ቲንቢቴ 59:13

Nuni GODAA bolla makkallidi wordo haasaydos; nu Xoossaa kaalo aggidi sher7i gidos; makkallateththinne gene yo7o haasaydos. Nu wozinay shaari uttida wordo haasaydos.

ኢሳያሳ ቲንቢቴ 65:24

Istti buro tana xeyganaappe kaseta tani koyana; istti taas yooti wursontta ta siyana.

ኤርማሳ ዚላስ 3:57

Ta nena xeygida wode ne taakko shiiqada, «Yayyofa» gadasa.

ሂዚቄላ ቲንቢቴ 13:8

Hessa gishshas Ubbaa Haariza GODAY, «Intte yootida tinbiteynne intte be7ida ajjuutay wordo gidida gishshas tani intte bolla dendadis.

ዳኔላ ቲንቢቴ 9:20

Tani ta nagaranne ta dere Isra7eele asaa nagara paaxashe geeshsha zumaa gishshas GODAA ta Xoossa sinththan aggontta woossadis.

ሌዌታ ማጻፋ 6:5

Wordora caaqqi ekkidayssa ubbaa qoho yarsho shiishshiza wode kase ba ekkoyssa bolla ichchashaappe issi kushe gujjidi zaaro.

ዛካራሳ ቲንቢቴ 10:2

Eeqa xoossati baleththo yo7o yooteettes; Maroti wordo ajjuuta beyeettes; kaayizayti wordo agumo agumetteettes; asakka coo hada yo7on minththeththeettes; hessa gishshas derey heemmizaadey baynda dorsa mala coo mela toylattishe qohettides.

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.