ኢሳያሳ ቲንቢቴ 56:12 - Geeshsha Maxaafa

¹² Istti issoy issaara, «Haa yiite; woyne ushshu ane uyoos. Ane maththottana gakkanaas uyoos! Wontoyka hachcha mala gidana; woykko hachchifekka aadhdhi lo7o gidana» geetettana.

ጋሞ ማጻፋ

¹² ኢስቲ ኢሶይ ኢሳራ፥ «ሃ ዪቴ፤ ዎይኔ ኡሹ ኣኔ ኡዮስ። ኣኔ ማታና ጋካናስ ኡዮስ! ዎንቶይካ ሃቻ ማላ ጊዳና፤ ዎይኮ ሃቺፌካ ኣ ሎኦ ጊዳና» ጌቴታና።

ኢሳያሳ ቲንቢቴ 56:12 ပူးပေါင်းရင်းမြစ်များ

ኢዮቤ ማጻፋ 24:23

Xoossi istta saron daana mala ooththikokka, istti biza oge ubbaa tishshi histti xeellees

ዬ ማጻፋ 10:6

Ba wozinan izi, «Tana aykkoyka qaaththenna; tana mulekka metoy gakkenna» giidi qoppees.

ሌሚሶ ማጻፋ 20:1

Maththosiza ushshi uyizay qilccizaadenne eeya gidees; haytanttan balettida ubbay aadho eranchcha gidenna.

ሌሚሶ ማጻፋ 23:35

Neni, «Istti tana dechchida; gido attiin tani qohettabeekke; istti tana wadhdhida; gido attiin taas erettibeenna. Hara ushsha uyanaas tani awude dendandinaashaa?» gaana.

ሌሚሶ ማጻፋ 27:1

Wontoyssan ceeqettofa; wonto aazi hananaakko ne erakka.

ኤራንቻታ ማጻፋ 2:24

Asas muussafenne ushshafe qasse ba ooththida ooson ufayeteththafe hara lo7iza miishshi deenna; hessika Xoossa kusheppe imettizayssa ta beyadis.

ኢሳያሳ ቲንቢቴ 5:11

Maththosiza ushshu koyanaas maalado guurara dendidi woyne ushshan xuugettana gakkanaas, sa7aa qamisizaytas aayye ana!

ኢሳያሳ ቲንቢቴ 5:12

Istta gibirasohon maasinqoy, diiththi, karabey, susul7eynne woyne ushshi dees; gido attiin istti GODAA oosozas wudettibeettenna; izi ba kushen ooththida oosokka bonchchibeettenna.

ኢሳያሳ ቲንቢቴ 5:22

Woyne ushshan erettidaytassinne maththosiza ushshu walakkanaas goobizaytas aayye ana!

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ሆሴኤ ቲንቢቴ 4:11

«Laymateththas, Caalida woyne ushshas, mal7o woyne ushsha suukes banttana aaththi immida; hessantti ta dereza wozina ekkida.

ኣሞጼ ቲንቢቴ 4:1

Dhiikettida Baasaane miizata mala intte asateththa ordisida Samaariya maccassatoo! Hayssa qaala siyite! Intte daaburanchchata kawushsheeta; manqota bollaka godateeta; intte azinata, «Nuus maththosiza ushshu ehite» geeta.

ናሆሜ ቲንቢቴ 1:10

Istti agunththan qaxettana; ba woyne ushshan istti maththottana; tamay istta buuxa mala maana.

ሉቃሳ ሚሺራቾ 21:34

«Histtiko wogay baynda duussan, daro ushshaninne duussas hirgan intte wozinay daaburoppo; hessa ooththontta ixxiko he gallassay intte qoppontta narxa mala intte bolla gakkontta mala naagettite.

1ቆሮንቶሴ ኣሳስ 15:32

Tani Efesoonen do7a misatiza asatara baaxetidayssi asi beyana mala xalala gidikko taas izan aaza wodhey dizee? Hayqqidaytas denththi dontta aggiko, «Nu wonto hayqqana gishshas ane moos; ane uyoos» gizayta mala nunikka istta mala gidoos.

Titosas 1:7

Woosa keeththa cimay Xoossas ooththana hadara ekkidaade gidida mala iza bolla wosoy bayndaade gidanaas bessees; hessika ceeqettizaade, guuththa miishshan yiillotizaadenne maththottizaade, ushshanchchanne izas bessontta ogera go7a gididaaz gooddi ekki bizaade gidanaas bessenna.