ኢሳያሳ ቲንቢቴ 55:7 - Geeshsha Maxaafa

⁷ Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ጋሞ ማጻፋ

⁷ ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

ኢሳያሳ ቲንቢቴ 55:7 ပူးပေါင်းရင်းမြစ်များ

ሜቴ ማጻፋ 6:5

GODAY he wode biitta bollan diza asaa iitateththi daridayssanne istti ba wozinan qoppizayssi wuri ubba wodekka iita xalala gididayssa be7ides;

2ታሪኬ ማጻፋ 15:2

Izikka Aasara gayttanaas biidi, «Aasa, Yuhuda asawu! Biniyaame asawu intte ubbayka siyite! Intte GODAARA issife de7ikko izikka inttenara de7ana. Intte iza koykko izi inttes beettana; intte iza aggiko izikka inttena aggana.

2ታሪኬ ማጻፋ 15:4

Gido attiin banttana metoy gakkida wode istti GODAA Isra7eele Xoossaako simmidi iza koyiin izi isttas beettides.

2ታሪኬ ማጻፋ 30:6

Kawozinne iza shuumeti azaziin kiitettidayti Isra7eele deraasinne Yuhuda deraas ubbaas, «Isra7eele asawu! Asoore kawota kusheppe kessi ekkidi attida intteko Xoossi simmana mala intteka, GODAA Abrahaame, Yisaaqanne Yaaqoobe Xoossaako simmite!

2ታሪኬ ማጻፋ 33:13

Minaasey Xoossaa woossida wode Xoossay izas woosettides; iza watwatozakka siyides; histtidi Yerusalaamen iza kawoteththan zaari woththides. Hessan GODAY izi Xoos gididayssa Minaasey erides.

2ታሪኬ ማጻፋ 7:14

ta sunththan xeygettida ta asay banttanateththaa kawushshidi woossiko, istti tana koyidi bantta iita ogeppe simmiko, tani salon daada istta woosaa siyana; histtada istta nagaraa atto gaana; istta biittaaka ta paththana.

ኢዮቤ ማጻፋ 22:23

Nenateththaa ne Ubbaa Dandayza Xoossaako ne zaaridaakko, ne kase mala hanana; ne sooppe iita ooso digga.

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 130:7

GODAA achchan siiqoynne maaroteththi diza gishshas Isra7eele asawu! GODAAN hidota ooththite.

ዬ ማጻፋ 51:1

Abeet Xoossawu! Ne mernaa siiqoza mala tana maara; ne qadheta daron ta mooroza qucca.

ዬ ማጻፋ 66:18

Tani ta wozinan nagara genththidaakko, Goday ta woosa siyenna.

ሌሚሶ ማጻፋ 28:13

Ba nagara genththiza asi aacenna; gido attiin paaxizaynne nagara aggizay maarettana.

ኢሳያሳ ቲንቢቴ 1:19

Intte taas eeno gi azazettiko biitta anjjo maana.

ኢሳያሳ ቲንቢቴ 14:1

GODAY Yaaqoobes nam7anththo qadhettana; Isra7eelekka zaareththidi doorana. Istta istta biittan woththana; imaththati yiidi Yaaqoobeso asaara walakettana.

ኢሳያሳ ቲንቢቴ 21:12

Naagizayssi zaaridi, «Wonttana; gido attiin simmidi qammana; oychchana koykko oychchite; gido attiin simmidi haa yiite» gides.

ኢሳያሳ ቲንቢቴ 31:6

Intteno Isra7eele asazoo! Intte keehippe makkallidayssaako simmite.

ኢሳያሳ ቲንቢቴ 32:7

Wogay baynda asata hiillateththi iita; metotanchchata maganay suure gidikkoka hiyeesata wordora dhayssanaas iitateththan yuushshi qoppees.

ኢሳያሳ ቲንቢቴ 40:2

Yerusalaameskka shugo qaalara yootite; izis awajjite; iza aylleteththan ooththiza wodey wurides; izi nagara waagay cigettides; iza ba nagara ubbaa gishshas GODAAPPE nam7u kushe qixaate ekkadus» gees.

ኢሳያሳ ቲንቢቴ 43:25

«Ta gishshas gaada ne qohoza dhayssizay tani tana; ne nagaraa ta qoppike.

ኢሳያሳ ቲንቢቴ 44:22

Tani ne mooro shaara mala, ne nagarakka maalado tulala mala qucca dhayssadis; tani nena wozzida gishshas ha taakko simma› » gees.

ኢሳያሳ ቲንቢቴ 54:10

Zumati qaaxxiko, zumbullati ba dizasoppe kichchikokka, nees diza ta siiqoy qaaxxenna; nenara ta caaqqida saroteththa qaalay laalettenna» gees nena maariza GODAY.

ኢሳያሳ ቲንቢቴ 54:8

Ta guuththa wodes keeha hanqettida gishshas, ta ayfeso neeppe genththadis; gido attiin ta mernaa kiyateththan nees qadhettana» gees nena Wozziza GODAY.

ኢሳያሳ ቲንቢቴ 58:6

«Be7ite tani doorida xoomay, un7ettidayta sansalata intte duuththana mala, qambara wodoro intte birshana mala, un7ettidayta intte la7a yeddana mala, tooho gidida qambara intte menththana mala gidennee?

ኢሳያሳ ቲንቢቴ 59:7

Istta tohoti nagarakko woxxeettes; xillo suuth gussanaas eesoteettes; istti iita qofa qoppeettes. Bashshinne qohoy istti aadhdhida oge ubbaas malata.

ኤርማሳ ቲንቢቴ 3:14

Qasseka GODAY, «Intteno ammanettontta asatoo, simmite; tani inttes azina; Tani intte giddofe issi katamappe issaa, issi qommofe nam7ata doorada Xiyoone ehana.

ኤርማሳ ቲንቢቴ 3:3

Hessa gishshas puuseykka puusontta mala digettides; balgo iraykka bukkontta aggides; ne gidikko hanno gakkanaas laymateth aggabeekka; neni yeellatonttaka ixxadasa.

ኤርማሳ ቲንቢቴ 4:14

Nenoo Yerusalaamee! Ne attana koykko ne wozina iitateththaa meecetta; Iita qofay ne wozinan ayde gakkanaas gam7anee?

ኤርማሳ ዚላስ 3:40

Hessa aggidi nuni nu oge ane pilggi xeelloos; GODAAKKOKA simmoos.

ሂዚቄላ ቲንቢቴ 14:6

«Hessa gishshas Isra7eele asaas, ‹Ubbaa Haariza GODAY: Maarettite! Intte eeqa xoossatappe simmite! Harassiza intte ooso ubbaa aggite!

ሂዚቄላ ቲንቢቴ 33:11

Neni isttas Ubbaa Haariza GODAY, ‹Tani ta de7on caaqqays; istti ba ogeppe simmidi shemppora paxa daana mala attiin iita asata hayqon ta ufayettike; simmite! Intte iita ogeppe simmite! Isra7eele keeththa asatoo ays hayqqeetii?› gaada yoota.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

ዮናሳ ቲንቢቴ 3:10

Istti ba iita ogeppe simmidayssa Xoossay be7idi isttas qadhettidi istta bolla ehana gida pirdaa aggides.

ዛካራሳ ቲንቢቴ 8:17

Issoy issaa qohanaas gene qoppofte; wordo markkattofte; ta haytantta ubbaa ixxays» gees GODAY.

Maatosa 9:13

Hessa gishshas, ‹Intte biidi yarsho gidontta maaroteth dosays› giza qaalaa birsheth tamaarte. Nagaranchchata xeygana yadis attiin xillota xeyganaas yabeekke» gides.

ማርቆሳ ሚሺራቾ 7:21

Asa wozina giddofe kezizay iita qofata, layma amonne kaysoteth, ase wodho, laymateth,

ማርቆሳ ሚሺራቾ 7:23

Hayti iita hanoti wuri asappe kezeettessinne ase tuniseettes» gides.

ሉቃሳ ሚሺራቾ 15:10

Ta inttes yootays; ‹Hessaththoka maarotan geliza issi nagaranchcha asan Xoossa kiitanchchata achchan ufays gidana.›

ሉቃሳ ሚሺራቾ 15:24

Hayssi ta naazi hayqqides shin paxides; dhaydes shin beettides› gides; hessafe guye ufayeteth oykkida.

ሉቃሳ ሚሺራቾ 7:47

«Hessa gishshas ta nena gizay iza tana keeha dosida gishshas iza ba daro nagarappe maarettadus; guuththara maarettiza asa siiqoykka guuththa» gides.

ሃዋሬታ ኦሶ 26:20

Gido attiin ta kasetada Damasqon diza asaa kaaleththada Yerusalaameninne Yuhuda dere ubbaan dizayta qasseka Ayzaabetikka nagara ogeppe Xoossako simmidi maarettana mala erisadis; istti nagarappe simmidayssa bessizaaz ooththana mala ta isttas yootadis.

ሃዋሬታ ኦሶ 3:19

Hessa gishshas intte nagaray qucetti dhayana mala maaroteththan gelite; intte biza ogeppe simmite; Godaa matappe intte ooraxana wodey inttes yaana.

ያቆቤ ኪታ 1:15

Amoy qanththatidi nagara yelees; nagaraykka diccidaappe guye hayqo yelees.