ኢሳያሳ ቲንቢቴ 54:4 - Geeshsha Maxaafa

⁴ «Aykkoy baa babbofa; ne yeellatakka; hirgofa; ne kawuyaka; ne yelagateththa yeellaa neni dogana; ne am7eteththaa borokka hayssafe sinththan hassa7akka.

ጋሞ ማጻፋ

⁴ «ኣይኮይ ባ ባቦፋ፤ ኔ ዬላታካ፤ ሂርጎፋ፤ ኔ ካዉያካ፤ ኔ ዬላጋቴ ዬላ ኔኒ ዶጋና፤ ኔ ኣምኤቴ ቦሮካ ሃይሳፌ ሲንን ሃሳኣካ።

ኢሳያሳ ቲንቢቴ 54:4 ပူးပေါင်းရင်းမြစ်များ

ኢዮቤ ማጻፋ 11:16

Ne metoza ubbaa ne dogana; ne akeekizaykka aadhdhi bichchida haro haaththa mala gidana.

ኢሳያሳ ቲንቢቴ 25:8

Hayqo izi mernaas mittana; Ubbaa Haariza GODAY asa ubbaa ayfeppe afunththu quccana; ba deraa kawushshateth biitta ubbaafe diggana. Hayssa GODAY haasaydes.

ኢሳያሳ ቲንቢቴ 29:22

Hessa gishshas Abrahaame wozzida GODAY Yaaqoobesos, «Yaaqoobey hayssafe guye yeellatenna; iza sinththika laamettenna.

ኢሳያሳ ቲንቢቴ 4:1

He wode laappun maccassati issi adde oykkidi, «Maana kath gidiin may7ana may7o nuni nurkka nuna dandayana; ne sunththan xalla xeygettana mala histtada nu kawushshateththaa nuuppe diggarkkii!» gi woossana.

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ኢሳያሳ ቲንቢቴ 50:7

Ubbaa Haarizaa GODAY tana maaddiza gishshas tani kawuykke; hessa gishshas ta ayfeso daldacha shuchcha mala ooththadis; tani yeellatonttayssa erays.

ኢሳያሳ ቲንቢቴ 51:7

GODAY, «Intteno xilloteth erizaytoo, ta wogaa intte wozinan woththida asatoo ta gizaa siyite. Asay inttena kadhishin babbofte; istti inttena cayishin dagammofte.

ኢሳያሳ ቲንቢቴ 54:14

Neni xilloteththan minna eqqana; gene ogera aysoy neeppe haakkana. Nena babisiza miishshi deenna; shiroteththi neeppe haakkana; ne matakka shiiqenna.

ኢሳያሳ ቲንቢቴ 61:7

Ta derey yeellatidayssa qoodhe nam7u kushe ekkana; kawuyidayssa qoodhe bantta xinxxon ufayettana; bantta biittaas nam7u kushe laattana; mernaa ufayssi isttas gidana.

ኢሳያሳ ቲንቢቴ 65:16

Hessa gishshas biittay bolla anjjo koyzaadey tuma Xoossa sunththan anjjettana; biittayn caaqqiza asi tuma Xoossa sunththan caaqqana; kase aadhdhida metoti dogettida; ta ayfeppekka geemmida» gees.

ኤርማሳ ቲንቢቴ 31:19

Ta neeppe haakka bidaappe guye simmada modhettadis; ta akeekida wode ta hu7e baqqadis; ta yelagateththaa kawushshateth tookkadis; yeellatada guuxxadis› gides.

ኤርማሳ ዚላስ 1:1

Kase izin daro kawoteththay diza katamaya waanada oletta attadee! Dereta giddon kase gita gididaara waanada am7i mala gidadee! Awuraajjata garsan godatto gididaara ha7i waanada aylle gidadee!

ሂዚቄላ ቲንቢቴ 16:22

Ha harassiza ne oosotaninne ne laymateth ubbaan ne aayey uloppe ne pixxinni kallo yelettida mala ne suuththan moorettada qakettashe diza yelagateththa wodeta ne qoppabeekka.

ሂዚቄላ ቲንቢቴ 16:43

«Ne tana haytan hanqeththadasa attiin ne yelagateththa wodeta qoppabeekka; hessa gishshas ne ooso mala ta nees immana» gees Ubbaa Haariza GODAY. Ne ooththida iita oosota bolla hara ziitateth gujjabeekkii?

ሂዚቄላ ቲንቢቴ 36:15

Hayssafe guye ta nena kawoteththata naach sissike; ne asa cashshan metotakka; neni kawoteththataskka dhuphe gidakka gees» gides.

ኢዩኤሌ ቲንቢቴ 2:21

Biittayee babbofa; GODAY nees ooththida gita miishsha gishshas ufayetta!

ሶፎናሳ ቲንቢቴ 3:11

Intte ta bolla polida qoho ubbaafe dendidayssan; he gallas yeellatekketa; ba otoreteththan ufayettizayta, hanno ha katamayppe ta diggana. Hessafe guye ta geeshsha zuman, intte ta bolla otoretteketa.

ዛካራሳ ቲንቢቴ 10:6

«Tani Yuhuda keeth minththana; ta isttas qadhettiza gishshas istti kase dizasota istta zaarana; tani GODAA istta Xoossa gidida gishshas ta istta woosa siyana; isttika hayssafe kase ta yegga erontta asa mala gidana.

1ጴጽሮሳ ኪታ 2:6

Geeshsha Maxaafan, «Hekko doorettida bonchcho gidida keeththas gulan uttiza shuch tani Xiyoonen woththana; izan ammanizaadey yeellatenna» giza qaalay xaafetti uttides.