ኢሳያሳ ቲንቢቴ 54:17 - Geeshsha Maxaafa

¹⁷ Nena qohanaas oosettida miishshi ooththenna. Nena mootiza inxars ubbaa ne laththana; hessa gishshas GODAA aylleta xinxxoy hayssa; istti taappe demmana anjjoy hessa» gees.

ጋሞ ማጻፋ

¹⁷ ኔና ቆሃናስ ኦሴቲዳ ሚሺ ኦና። ኔና ሞቲዛ ኢንጻርስ ኡባ ኔ ላና፤ ሄሳ ጊሻስ ጎዳ ኣይሌታ ጺንጾይ ሃይሳ፤ ኢስቲ ታፔ ዴማና ኣንጆይ ሄሳ» ጌስ።

ኢሳያሳ ቲንቢቴ 54:17 ပူးပေါင်းရင်းမြစ်များ

ኢዮቤ ማጻፋ 1:11

Ane ne kushe yeddada izas dizayssa ubbaa ne dhayssidaakko tuma izi nena qonccen cayana» gides.

ኢዮቤ ማጻፋ 2:5

Ha7i gidikko ne kushe iza bolla miccada izas kumeththa asateththa bolla qoho ne gaththidaakko tuma nena qonccera cayana» gides.

ኢዮቤ ማጻፋ 42:7

Xoossi Iyoobera haytantta ubbaa haasayettidaappe guye Temaane dere as Elfaazes, «Intte ta aylle Iyoobe mala ta gishshas likke haasayontta gishshas tani ne bollanne ne laggeta bolla hanqettadis.

ዬ ማጻፋ 32:6

Hessa gishshas xillo asi neni beettiza wode nena woosso; di7oy izi diza heera meecci efikkoka iza bochchenna.

ዬ ማጻፋ 61:5

Abeet Xoossawu! Neni ta adina siyadasa; ne sunththa yayyizayti laattiza laata taaska immadasa.

ዬ ማጻፋ 71:16

Abeet Godawu, Xoossawu! Tani yaada ne wolqqama ooso awajjana; qasseka ne xilloteththaa xalla yootana.

ዬ ማጻፋ 71:19

Abeet Xoossawu! Ne xilloteththay salo gakkides; Abeet Xoossawu! Neni gita miish ooththadasa; nena misatizay oonikka deenna.

ኢሳያሳ ቲንቢቴ 17:12

Be7a, daro asaa hanqo giirissi abba dambala mala giirees; be7a, asaa waaso daroy wolqqama haaththa mala guummees.

ኢሳያሳ ቲንቢቴ 26:2

Ba ammano naagida, xillo kawoteththati gelana mala pengeta doyte.

ኢሳያሳ ቲንቢቴ 29:8

Gafida asi agumora mishe aqees; gido attiin izi dhiskofe dendishin gafay aggonttayssa mala, saamettida asi agumora uyishe aqees; gido attiin beeggishin daaburaynne saamoy iza aggonttayssa mala Xiyoone zuma oliza kawoteththata ubbaa wudey hessaththo hanana.

ኢሳያሳ ቲንቢቴ 3:10

Xillotas, «Xilloti ba lo7o ooso ayfe maana; hessa gishshas isttas lo7o gidana» ga yoota.

ኢሳያሳ ቲንቢቴ 40:2

Yerusalaameskka shugo qaalara yootite; izis awajjite; iza aylleteththan ooththiza wodey wurides; izi nagara waagay cigettides; iza ba nagara ubbaa gishshas GODAAPPE nam7u kushe qixaate ekkadus» gees.

ኢሳያሳ ቲንቢቴ 41:11

«Be7a ne bolla hanqettida ubbay keehi yeellatananne kawuyana; nenara eqettizayti tim7i gi dhayana.

ኢሳያሳ ቲንቢቴ 46:13

Tani ta xilloteththaa ehon days; haaho gidenna. Ta atoteththay gam7enna; tani Xiyoone atoteth. Isra7eele bonchcho mayzana» gees.

ኢሳያሳ ቲንቢቴ 50:8

Ta xilloteththa qonccisizaadey ta matan dees; histtiin tana mootana dandayzay izi oonee? Ane issife tiran gayttoos! Ta baalgaaray oonee? Ane haayo!

ኢሳያሳ ቲንቢቴ 50:9

Be7ite, Ubbaa Haariza GODAY tana maaddees; histtiin ta bolla pirdanay oonee? Be7ite, istti ubbayka may7o mala ceeggana; bilay istta maana.

ኢሳያሳ ቲንቢቴ 51:5

Ta xilloteththay eesoti yeeththa bolla, ta atoteththay matishe dees; ta qesey kawoteththatas tuma pirda ehana; haruroti taakko xeellana; ta qesekka hidota ooththana.

ኢሳያሳ ቲንቢቴ 54:15

Oonikka nena qohikko, hessi taappe gidenna; nena qohiday diikko ne sinththan kundana;

ኢሳያሳ ቲንቢቴ 54:16

«Be7a, xiifay taman bonqqana mala womppiina punnizayssa, ola miish qoxxiza wogace medhdhiday tana. Qasse bash gaththana mala medhdhidaykka tana; bashshizayssa medhdhidaykka tana.

ኢሳያሳ ቲንቢቴ 58:14

he wode ne GODAAN ufayettana. Biitta bollan dhoqqasohotan ta nena togisana; ne aawa Yaaqoobe xinxxo ne kalla maana mala ooththana» giidi GODAY hayssa ba doonan haasaydes.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ዳኔላ ቲንቢቴ 3:26

Hessa gishshas Nabukadanaxoorey he eexxiza itoone tamakko shiiqi ba qaala dhoqqu histtidi, «Intteno Ubbaafe Dhoqqa Xoossa oosanchchatoo! Sidiraaqa, Misaaqa, Abdinaago! Kezidi haa yiite!» giidi xeygides; isttika tamaza giddofe kezida.

ዳኔላ ቲንቢቴ 6:20

Izi hee gakkida mala ceecishe, «De7o Xoossaa oosanchcha Daaneela! Neni izas ammaneteththan ooththiza ne Xoossay nena gaammotappe ashshanaas dandaydee?» giidi xeygides.

Maatosa 16:18

Neni zaalla; hayssa zaalla bolla tani ta Woosa Keeththe keexxana; Gaanname pengetikka izo xoonettenna.

ኦሮሜ ኣሳስ 10:4

Ammaniza asaa ubbaa xillisanaas Kirstoosi woga ubbaa polides.

ኦሮሜ ኣሳስ 3:22

Hessi Xoossa xilloteththi Yesus Kirstoosa ammanon dummateththi baynda beettiza xilloteththa.

ኦሮሜ ኣሳስ 8:1

Hessa gishshas Yesus Kirstoosa ammanizayta bolla pirday deenna.

1ቆሮንቶሴ ኣሳስ 1:30

Inttena qasse Xoossi Yesus Kirstoosara issifeteththi daana mala ooththides; hessa gishshas Xoossi Yesus Kirstoosa nu erateth, nu xilloteth, nu geeshshateththinne nuna ashshizaade gidana mala ooththides.

2ቆሮንቶሴ ኣሳስ 5:21

Nuni Kirstoosa baggara Xoossa xilloteth gishetti ekkizayta gidana mala Xoossi iza bolla nagaray baynda Kirstoosa izi nu nagara tookkana mala ooththides.

ፒሊጲሲዮሴ ኣሳስ 3:9

Tani hessaththo ooththiza gaasoykka kase Muse wogaan taas diza xilloteththaa aggada ammanon beettiza Xoossa xilloteth Kirstoosan ammanada demmanaassinne ta izara issife de7anaassa.

ኢያሶ ማጻፋ 24:10

Tani gidikko Balaame siyana koyabeekke; hessa gishshas izi inttena zaari zaari anjjides; tanikka inttena Baalaaqe kusheppe ashshadis.

2ጴጽሮሳ ኪታ 1:1

Yesus Kirstoosa oosanchchanne izan Hawaare Simoona gidida Phexroosappe, nu Godaappenne nu dhale Yesus Kirstoosappe beettida xilloteththa baggara nu demmida ammano mala bonchchettida ammano demmidaytoo!

ዮሃኒሳ ኣጁታ 12:10

Hessafe guye issi gita giirissi saloppe hizgishin ta siyadis; «Hekko ase ashoy, wolqqaynne kawoteththika nu Godaas gidides; maataykka Kirstoosas gidides. Nu ishata nu Godaa sinththan gallassinne qamma mootiza nu ishata baalgaaray duge yegettides.

1ሳሜላ ማጻፋ 23:17

Izikka, «Babbofa! Ta aawa Sa7ooli ba kushe ne bolla woththenna; neni Isra7eele bolla kawotana; neeppe kaallada ta nam7anththo kawo gidana; ta aawa Sa7oolikka hessa erees» gides.