ኢሳያሳ ቲንቢቴ 52:12 - Geeshsha Maxaafa

¹² Gidikkoka eeson kezekketa; woykko beti beekketa; GODAY inttefe sinth aadhdhidi inttena kaaleththana; Isra7eele Xoossayka guyera inttena naagana.

ጋሞ ማጻፋ

¹² ጊዲኮካ ኤሶን ኬዜኬታ፤ ዎይኮ ቤቲ ቤኬታ፤ ጎዳይ ኢንቴፌ ሲን ኣዲ ኢንቴና ካሌና፤ ኢስራኤሌ ጾሳይካ ጉዬራ ኢንቴና ናጋና።

ኢሳያሳ ቲንቢቴ 52:12 ပူးပေါင်းရင်းမြစ်များ

1ታሪኬ ማጻፋ 14:15

Eththaa miththaza xeeran salfe giiris neni siyida wode olanaas elle keza; gaasoykka hessi Filisxeeme olanchchata shocanaas Xoossay neeppe sinththan kezida gishshassa guussa» gides.

ኬሳ ማጻፋ 12:11

Miish, oges gidiza may7o may7idi, intte caamma tohon aaththidi intte guufe intte kushen oykkidi eeson miite; hayssi tana GODAA intte bonchchiza Paaziga yarsho.

ኬሳ ማጻፋ 12:33

Isra7eele asay ba biittafe eeson kezana mala Gibxe asay dirbasides. Ays giikko istti, «Kezontta ixxiko nuni wurikka wurana» gida.

ኬሳ ማጻፋ 12:39

Gibxeppe istti ekki kezida irshoy gelontta munuqappe uketh uukkida; ays giikko istta Gibxeppe eeson kessida gishshas baas shinqe kaththanaassinne munuqay dendiin uukkana wode istta gaththibeenna.

ኬሳ ማጻፋ 14:8

GODAY Gibxe biitta kawo wozina minththiin minoteththara buro buussa bolla diza Isra7eele asaa gooddides.

ኢሳያሳ ቲንቢቴ 26:7

Xillota ogey moole. Nenoo Suurezoo, neni xillota oge moolisaasa.

ኢሳያሳ ቲንቢቴ 28:16

Hessa gishshas Ubbaa Haariza GODAY, «Be7ite! Tani Xiyoonen paacettida shuch, yochcha shuch, mino yochchas gidiza bonchchettida gula shuch woththana; izan ammanizay yeellatenna.

ኢሳያሳ ቲንቢቴ 42:16

Tani qooqeta istti erontta oge kaaleththana; istti meezetontta ogerakka ta istta efana; dhumaza ta istta sinththan poo7isana; kundukurcco sohota ta giigsana; haytantta ubbaa ta ooththontta aggike.

ኢሳያሳ ቲንቢቴ 45:2

Tani ne sinththara baana; zumata baasa ginasana; xarqimala pengeta menththana; birata kolatatakka qanxxana.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኢሳያሳ ቲንቢቴ 49:11

«Ta zumata ubbaa oge kessana; ta wogga ogetikka dhoqqu gaana.

ኢሳያሳ ቲንቢቴ 51:14

Qashettidayti eeson birshettana; istti ba qashettida olla giddon hayqqettenna; kaththi isttas paccenna.

ኢሳያሳ ቲንቢቴ 57:18

Tani iza ogeta be7adis; gidikkoka ta iza paththananne kaaleththana; izassinne iza gishshas yeekkiza geeshshata ta minththeththana.

ኢሳያሳ ቲንቢቴ 58:8

Ne hessaththo ooththiko ne poo7oy wontta xalqqe mala caarana; paxateththi nees eeson gakkana; xilloteththi neeppe sinththara baana; Xoossa bonchchoy nena garadana.

ሚኪያሳ ቲንቢቴ 2:13

Menththizay isttafe kaseti kezi baana; isttika pengeza menththidi kezi baana; istta kawoy Xoossay isttafe sinththe aadhdhi kaaleththana» gida.

ታይቦ ማጻፋ 10:25

Wurseththan ha butteta guye tuchchan naagiza Daane zarkketa bandira garsan dizayti ba tara naagidi bida; Daane qommota kaaleththizay Amishadaye naa Ahi7ezeere.

ዛሬ ማጻፋ 16:3

He yarsho kaththaa intte miza wode irshoy izan gelida kath moopite; hessaththoka kase intte eeson Gibxeppe keziza wode ooththoyssa mala laappun gallas gakkanaas irshoy izan gelontta waaye uketh miite; hessika intte daro meto be7idi Gibxe biittafe kezida gallassaa inttena qofsana.

ዛሬ ማጻፋ 20:4

GODAA intte Xoossay intte morkketa olanaas inttenara biza gishshas izi inttena xoonisana» go.

ኢያሶ ማጻፋ 4:11

Asay wuri pinnidaappe guye GODAA Caaqo Qaala Taabotaynne qeeseti asay istta xeellishin pinnida.

ኢያሶ ማጻፋ 6:9

Olas giigettidayti zayeta punniza qeesetappe sinththara bishin guyera naagiza olanchchati Caaqo Qaala Taabotaa kaallida; he wode zayey qanxxoy baynda punettides.

ዳናታ ማጻፋ 4:14

Dibooray Baraaqe «Denda! Hekko hach GODAY Sisaara ne kushen aaththi immiza gallassa. Beya! GODAY neeppe sinththati bees» gadus; Baraaqey tammu shii asaa kaaleththidi Taaboore zuma bollafe wodhdhides.