ኢሳያሳ ቲንቢቴ 52:1 - Geeshsha Maxaafa

¹ Hanne Xiyoone denda; denda; wolqqa may7a; geeshsha katamaye Yerusalaamee! Ne bonchcho may7o may7a; hayssafe guye qaxxarettonttaynne tunay ne giddo gelenna.

ጋሞ ማጻፋ

¹ ሃኔ ጺዮኔ ዴንዳ፤ ዴንዳ፤ ዎልቃ ማይኣ፤ ጌሻ ካታማዬ ዬሩሳላሜ! ኔ ቦንቾ ማይኦ ማይኣ፤ ሃይሳፌ ጉዬ ቃጻሬቶንታይኔ ቱናይ ኔ ጊዶ ጌሌና።

ኢሳያሳ ቲንቢቴ 52:1 ပူးပေါင်းရင်းမြစ်များ

1ታሪኬ ማጻፋ 16:29

GODAA sunththaas bessiza bonchcho immite; yarsho ekkidi iza sinth shiiqite; iza geeshshateththa bonchcho gishshas GODAAS goynnite.

ናሂሚያ ማጻፋ 11:1

Deraa kaaleththizayti Yerusalaamen de7ida; qasseka hankko tammu keeththa asaappe issi keeththa asi geesh gidida Yerusalaame kataman daanaytas saama yeggi doorida; hankko attida asay gidikko dumma dumma katamata baas deeththaso ooththides;

ዬ ማጻፋ 110:3

Neni ne morkketara olettiza gallas ne olanchchati ba shenen ne millen eqqana; wontta maalado awa mala geeshshateththan phoollashe ne naateteththa asay neekko yaana.

ኬሳ ማጻፋ 28:2

Izas bonchchonne lo7oteth immana mala ne isha Aaroones dumma may7o giigsa.

ኬሳ ማጻፋ 28:40

Aaroone naytas bonchchonne alleqo gidana mala, shamizeta, danccotanne hu7en xaaxiza goossata giigsa.

ኢሳያሳ ቲንቢቴ 1:21

Kase ammanettida katamaya waanada layma gidadee? Kase izin suure pirday kumidaaranne xilloteththi izin kumidaara ha7i gidikko shemppo wodhizaytas duussaso gidadus.

ኢሳያሳ ቲንቢቴ 1:26

Kase nena ayssizayta mala hara nena ayssanaytanne zoranayta tani nees denththana; hessafe guye neni, ‹Xilloteththi diza ammanettida katamayo› geetettana.

ኢሳያሳ ቲንቢቴ 26:2

Ba ammano naagida, xillo kawoteththati gelana mala pengeta doyte.

ኢሳያሳ ቲንቢቴ 35:8

Heen wogga ogey oosettana; izikka, «Geeshshateththa Oge» geetettana. Tunati he ogera beettenna; ogezi he ogera bizaytas xalla gidana; geellati he ogaara baana dandayettenna.

ኢሳያሳ ቲንቢቴ 4:3

Xiyoonen attidayti, Yerusalaamen dhayontta attidayti, Yerusalaamen shemppora paxa dishe xaafettida ubbatara, «Istti geeshshata» geetettana.

ኢሳያሳ ቲንቢቴ 48:2

‹Nuni geeshsha katamayn dizayta› giidi intterkka inttena xeygizaytoo! Isra7eele Xoossan ammanettizaytoo! GODAY Ubbaafe Wolqqama Xoossay gizayssa siyite.

ኢሳያሳ ቲንቢቴ 49:18

Ane dhoqqu gaada ne yuusho xeella; ne nayti ubbay issife shiiqidi neekko yaana. Tani GODAY ta de7on caaqqays; neni istta ubbaa alleqo mala may7ana; ne istta mishira may7o mala may7ana» gees.

ኢሳያሳ ቲንቢቴ 51:17

GODAA kusheppe hanqo ushshu uyidaaree, orccoka ashshontta, as gandigarssiza ushshu xixxi histta uyidaaree, hanne Yerusalaame denda! denda, denda eqqa!

ኢሳያሳ ቲንቢቴ 51:9

Abeet GODAA qesey denda; wolqqa may7a; kase aadhdhida wodetan, miimintte qanxxereththiday, gita daweza caddiday nena gidikkii?

ኢሳያሳ ቲንቢቴ 60:1

GODAY, «Ne poo7oy yida gishshas dendada poo7isa; GODAA bonchchoy ne bolla poo7ides.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ኢሳያሳ ቲንቢቴ 64:10

Ne geeshsha katamati aykkoy baynda bazzo gidida; Xiyoonakka aykkoy baynda bazzo biitta gidadus; Yerusalaameykka yegetta attadus.

ኤርማሳ ቲንቢቴ 31:23

Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana.

ሂዚቄላ ቲንቢቴ 44:9

Hessa gishshas Ubbaa Haariza GODAY: Isra7eele asa giddon diza allaga asi, ba wozinaninne ba ashon qaxxarettonttay, ooninne ta Xoossa Keeththa geloppo.

ዳኔላ ቲንቢቴ 10:9

Hessafe guye qaala cenggurs siyadis; ta he cenggurssaa siyiza wode sinththa guth biittan gufannadis; wolqqama dhisko seeradis.

ኢዩኤሌ ቲንቢቴ 3:17

«Isra7eele asawu! He wode tani GODAA intte Xoossa gididayssa intte erana; tani geesh gidida ta zuma Xiyoone bolla de7ana; Yerusalaamey anjjettida katama gidana; hessafe guye hara allaga wottadaray izo worajjenna.

ናሆሜ ቲንቢቴ 1:15

Hekko mishiraachcho yootizayssi, saroteth awajjizayssi zumaa bollara yuussan dees. Yuhuda ne ba7aaleta bonchcha; ne adinettidayssa gaththa; hayssafe guye iitati ne dere worajjettenna; istti mulera dhayana.

ሃጌ ቲንቢቴ 2:4

Ha7i qasse Zerubaabelee minna! Qeeseta halaqa Iyosaadoqe naa Iyaasoo minna! Intteno ha dere asatoo wurikka minnite! Ta inttenara diza gishshas ooththite› ga yootanne oychcha.

ዛካራሳ ቲንቢቴ 3:4

Kiitanchchazi ba sinththan eqqidayta, «Hessa qita may7oza iza bollafe qaari diggite» gides; Iyaasoska, «Hekko ta ne nagara neeppe diggadis; ta nena lo7o may7o mayzana» gides.

Maatosa 4:5

Qasseka Xala7ey Yesusa geeshsha katamayo efi Xoossa Keeththa qustte bolla kessidi,

ሉቃሳ ሚሺራቾ 15:22

«Gido attiin aaway ashkaratas, ‹Eesotidi ubbaafe doorettida may7o ehidi mayzite; iza biradhdhen migido, iza tohonkka caamma aaththite.

ኦሮሜ ኣሳስ 13:14

Hessa aggidi Yesus Kirstoosa may7ite; asho amo polanaas qoppofte.

ኦሮሜ ኣሳስ 3:22

Hessi Xoossa xilloteththi Yesus Kirstoosa ammanon dummateththi baynda beettiza xilloteththa.

ኤፌሶኔ ኣሳስ 4:24

Tumu xilloteththaninne geeshshateththan Xoos misatana medhettida ooraththa asateth may7ite.

ኤፌሶኔ ኣሳስ 5:14

Gaasoykka ubbaa bessizay poo7o; hessa gishshas, «Nenoo, dhiskizaysso beegga! Hayqoppe denda! Kirstoosi nees poo7isana» geetettides.

ኤፌሶኔ ኣሳስ 6:10

Hara baggara mino Godaaninne iza gita wolqqan minnite.

ዮሃኒሳ ኣጁታ 11:2

Xoossa Keeththaafe karera coo dizasoza aggaaga; hessi Ayzaabetas imettidaso gidida gishshas ne iza wadhdhofa; ayzaabeti geeshsha katamayo oyddu tammanne nam7u agina gakkanaas yedhdhi haarana.

ዮሃኒሳ ኣጁታ 19:14

Booththa parata toggidi booththinne geesh gidida lo7o may7o may7ida salo olanchchati iza kaallida.

ዮሃኒሳ ኣጁታ 19:8

Iza xolqettiza geeshsha lo7o may7o may7ana mala izis imettides» gishin siyadis; he lee7e may7ozi geeshshata xilloteththa ooso.

ዮሃኒሳ ኣጁታ 21:2

Geeshsha katamaya ooraththa Yerusalaamey ba azinas giigettida mishira mala lo7a giigettada salo Xoossaa achchafe wodhdhishin tani beyadis.

ዮሃኒሳ ኣጁታ 21:27

Harassiza miishshi mulekka gede izin gelenna; tunateth ooththizaytinne wordo haasayzayti mulekka hee izikko gelettenna; hee izin gelanayta sunththi kase he dorsaza de7o maxaafan xaafettidayta xalla.