ኢሳያሳ ቲንቢቴ 51:7 - Geeshsha Maxaafa

⁷ GODAY, «Intteno xilloteth erizaytoo, ta wogaa intte wozinan woththida asatoo ta gizaa siyite. Asay inttena kadhishin babbofte; istti inttena cayishin dagammofte.

ጋሞ ማጻፋ

⁷ ጎዳይ፥ «ኢንቴኖ ጺሎቴ ኤሪዛይቶ፥ ታ ዎጋ ኢንቴ ዎዚናን ዎዳ ኣሳቶ ታ ጊዛ ሲዪቴ። ኣሳይ ኢንቴና ካሺን ባቦፍቴ፤ ኢስቲ ኢንቴና ጫዪሺን ዳጋሞፍቴ።

ኢሳያሳ ቲንቢቴ 51:7 ပူးပေါင်းရင်းမြစ်များ

ዬ ማጻፋ 37:31

Iza Xoossa wogay iza wozinan dees; iza tohoykka harchchenna.

ዬ ማጻፋ 40:8

Abeet ta Xoossawu! Tani neni koyzayssa ooththanaas dosays; ne wogay ta wozina giddon dees» gadis.

ኢሳያሳ ቲንቢቴ 25:8

Hayqo izi mernaas mittana; Ubbaa Haariza GODAY asa ubbaa ayfeppe afunththu quccana; ba deraa kawushshateth biitta ubbaafe diggana. Hayssa GODAY haasaydes.

ኢሳያሳ ቲንቢቴ 33:22

GODAY nuus pirdiza daanna; GODAY nuus woga immizaade; GODAY nuus kawo; nuna ashshanaykka iza.

ኢሳያሳ ቲንቢቴ 37:6

Isayaasi isttas zaaridi, «Intte godaassi biidi, ‹GODAY nena, Asoore kawo ashkarati tana cayishin neni siyida cashsha qaalaas hirgofa.

ኢሳያሳ ቲንቢቴ 51:1

«Intteno xilloteth kaallizaytoo, GODAA koyzayto siyite. Intte izappe phalqetti kezida zaallazanne intte booketti kezida ollaa xeellite.

ኢሳያሳ ቲንቢቴ 54:4

«Aykkoy baa babbofa; ne yeellatakka; hirgofa; ne kawuyaka; ne yelagateththa yeellaa neni dogana; ne am7eteththaa borokka hayssafe sinththan hassa7akka.

ኤርማሳ ቲንቢቴ 1:17

«Neni gidikko giigetta! Denda eqqada tani nena azazizayssa ubbaa isttas yoota; isttas yayyofa. Neni isttas yayyiko tani nena istta sinththan gujja yashissana.

ሂዚቄላ ቲንቢቴ 2:6

Haysso asa nawu! Isttas woykko istta qaalas babbofa! Agunththinne kindichchoy ne yuushon diikkoka qasse masimasota giddon ne uttikokka babbofa. Istti makkallanchcha zare gidikkoka istti nena gizayssas babbofa; isttas dagammofa.

Maatosa 10:28

Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite.

Maatosa 5:11

«Ta gaason asay inttena cayikko, gooddikkonne iita yo7o wordora intte bolla haasaykko intte anjjettidayta.

ሉቃሳ ሚሺራቾ 6:22

asay ta gishshas inttena ixxishin ba giddofe shaakkishin, borishininne inttena iita sunththara xeygishin intte anjjettidayta;

ሃዋሬታ ኦሶ 5:41

Hawaaretikka iza sunththa gishshas kawuyanaas bessiza gishshas daro ufayettishe dere cimata achchafe kezi bida.

2ቆሮንቶሴ ኣሳስ 3:3

Intte qalamen xaafettidayta gidontta de7o Xoossaa Ayanan xaafettidayta; qasseka shuchcha bolla woocetti xaafettidayta gidontta asa wozinan xaafettidaytanne intte nunan go7ettida Kirstoosas qoncce dabdaabeta.

ዛሬ ማጻፋ 6:6

Hach ta nena azazida azazota wozinan woththa.

ፒሊጲሲዮሴ ኣሳስ 3:10

Kirstoosanne izi hayqqi dendida denththaa wolqqa ta erana mala iza waayekka ta izara gishettana malanne hayqonkka ta iza misatana mala amottays.

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

Ibirawe 10:16

«Hessafe guye ta isttara gelana caaqo qaalay hayssa. Ta wogaa ta istta wozinan woththana; istta wozinan ta xaafana» gees.

1ጴጽሮሳ ኪታ 4:14

Intte Kirstoosa sunththaa gishshas cayettiko bonchcho Ayanay hessika Xoossa Ayanay intte bolla shempiza gishshas ufayettite.

1ጴጽሮሳ ኪታ 4:4

Ha7i gidikko intte ha yo7ozan isttara wogay baynda qiixi qiixontta gishshas istti malaletteetessinne inttena cayeettes.