ኢሳያሳ ቲንቢቴ 50:6 - Geeshsha Maxaafa

⁶ Ta zokko shocizaytas, ta buuchcha shoddizaytas aaththa immadis; Ta ayfeso cuchchafe genththabeekke.

ጋሞ ማጻፋ

⁶ ታ ዞኮ ሾጪዛይታስ፥ ታ ቡቻ ሾዲዛይታስ ኣ ኢማዲስ፤ ታ ኣይፌሶ ጩቻፌ ጌንቤኬ።

ኢሳያሳ ቲንቢቴ 50:6 ပူးပေါင်းရင်းမြစ်များ

ናሂሚያ ማጻፋ 13:25

Tani he asata hanqada qanggadis; wadhdhadissinne istta hu7e binanakka buucadis; hessafe guye istta gidiin istta nayti allaga asatara ekettontta malanne gelettontta mala Xoossa sunththan caaqeththadis.

ኢዮቤ ማጻፋ 16:10

Asay ta yuushon shiiqettidi ta bolla ceeqettides; tana qidhe qaalan baqqida.

ኢዮቤ ማጻፋ 30:10

Tana shaatettidi taappe haakkeettes; aykko yeellayka baynda ta sinththan cutetteettes.

ዬ ማጻፋ 129:3

Ta zokko xurqafen shoci shocidi worxafettida gade misatissida» go.

ዬ ማጻፋ 69:7

Tani cash ne gishshas gaada dandayadis; ta ayfesoy yeellatides.

ዬ ማጻፋ 69:8

Tani ta ishanttas imath, qasse ta aayey naytas allaga gidadis.

ኢሳያሳ ቲንቢቴ 53:5

Gido attiin izi nu mooro gishshas cadettides; nu qoho gishshas liiqides; iza bolla wodhdhida qixaatey nuus saro ehides; iza madunththan nu paxidos.

ኢሳያሳ ቲንቢቴ 53:7

«Izi un7ettidessinne waayettides; gido attiin doonakka pogibeenna. Dorsa laaqqa mala shukettanaas laagettides; ba iske qanxxizayta sinththan co7u giza dorsa mala izi doonakka phoqqibeenna.

ኤርማሳ ዚላስ 3:30

Baqqana koyidaades izi ba shagala besso; kawushshateththika ekko.

ሚኪያሳ ቲንቢቴ 5:1

Hanne neni ola asata katamaye, ne ola asaa ziirsa. Nuna oykkanaas yuuyi aadhdhida; Isra7eele haarizayssas shagalan guufera shocana.

ታይቦ ማጻፋ 12:14

GODAYKKA Muses, «Izi aaway ayfeson cuch cuttidaarakka yeellatada laappun gallas gakkanaas gam7a erekkee? Hessa gishshas iza asay diza heeraappe kezada laappun gallas gakkanaas asi bayndason takkaashshu; hessafe guye asay dizaso gelanaas dandayawus» gi zaarides.

Maatosa 26:67

He wode Yesusa ayfeson cuttishe iza iccida; baggayti iza baqqishe,

Maatosa 27:26

He wode Barbaane isttas birshidi Yesusa garafissidaappe guye kaqqana mala aaththi immides.

Maatosa 27:30

Iza bolla cuttida; shomboqo guufeza iza kusheppe ekkidi Yesusa hu7en zaari zaaridi shocida.

Maatosa 5:39

Ta qasse inttes gizay iita ooththidaadera eqettofte; gido attiin nees ushachcha shagala baqqizaades hankkoyssaka yuushsha bessa.

ማርቆሳ ሚሺራቾ 14:65

He wode issi issi asati iza bolla cuch cuttida; iza ayfe goozi oykkidi iccishe, «Ane tinbite yoota» gida. Baggayti qasse shagalan baqqishe efida.

ማርቆሳ ሚሺራቾ 15:19

Iza hu7e guufera shocida; iza bollaka cuttida; gulbatidi izas goynnida.

ዮሃኒሳ ሚሺራቾ 18:22

Yesusi hessa gida mala heen eqqida ashkaratappe issoy, «Qeeseta halaqas hayssaththo wostta zaaray?» gishe Yesusa shagalan baqa shaayides.

Ibirawe 12:2

Nu ammaniza ammanozas koyronne polo gidida Yesusa ane xeelloos; izi ba sinththan diza ufayssaa gishshas masqale bolla hayqo dandaydi masqale bolla bana gakkana kawushshateththaa leqqidi Xoossa algaas ushachchan uttides.