ኢሳያሳ ቲንቢቴ 5:5 - Geeshsha Maxaafa

⁵ Ha7i tani ta woyne tokkiza gadeza bolla ooththanaaz inttes yootays. Dirsaa shoddana; izikka dhayana mala ooththana; Tani gimbeza laallana; he sohoykka durettana.

ጋሞ ማጻፋ

⁵ ሃኢ ታኒ ታ ዎይኔ ቶኪዛ ጋዴዛ ቦላ ኦናዝ ኢንቴስ ዮታይስ። ዲርሳ ሾዳና፤ ኢዚካ ያና ማላ ኦና፤ ታኒ ጊምቤዛ ላላና፤ ሄ ሶሆይካ ዱሬታና።

ኢሳያሳ ቲንቢቴ 5:5 ပူးပေါင်းရင်းမြစ်များ

ሜቴ ማጻፋ 11:4

ekkidi, «Haa yiite! Nu sunth xeygisanaassinne qasse nuni ha biitta ubbaa bollan laalettontta mala issi gita katamanne xeeray pude salo gakkiza issi gimbe ane keexxoos» gida.

ሜቴ ማጻፋ 11:7

Haa yiite! Ane nu duge wodhdhidi istti issoy issaa qaala erontta mala istta qaala walakkoos» gides.

ናሂሚያ ማጻፋ 2:3

Tanikka keeha babbashe, «Kawoo! Ne mernaas kawota! Kase nu aawati izan moogettida katamay laalettidinne he katama gimbe pengey taman xuugetti dhayshin tani waanada ceecikkinaa!» gadis.

ዬ ማጻፋ 89:40

Neni katamaa gimbeza ubbaa laalladasa; iza miixa ubbaa dhayssadasa.

ዬ ማጻፋ 89:41

Ogera aadhdhiza ubbati iza bonqqida; izi ba shoorotas qidhes attides.

ሌሚሶ ማጻፋ 24:31

Ubbason agunththi mokkides; gadaa sharafay goozides; gimbeyka laalettides.

ኤራንቻታ ማጻፋ 3:3

Wodhanaas wodey dees; ashshanaaskka wodey dees. laallanaas wodey dees; gimbanaaskka wodey dees.

ኢሳያሳ ቲንቢቴ 10:6

Istta aqota bonqqana mala, banttas di7o buuri shiishshana mala, istti oge urqqaththo yedhettana mala, Xoos erontta kawoteththa bolla kiittana. Tana hanqeththida asaa bolla tani Asooreta yeddana.

ኢሳያሳ ቲንቢቴ 25:10

GODAA kushey ha zumaa bolla shemppana. Gido attiin uttulay urqqan yedhettiza mala Mo7aabeykka yedhettana.

ኢሳያሳ ቲንቢቴ 28:18

Intte hayqora caaqettida caaqoy attana; intte duufora sigettida sigay laalettana; wolqqama boshay pitti ekki bishe inttenakka pitti ekki baana.

ኢሳያሳ ቲንቢቴ 28:3

Maththottiza Efreeme asata otoro kallachchay tohon yedhettana.

ኢሳያሳ ቲንቢቴ 32:10

Layththay buro aadhdhida mala, intte badhdhi gi uttidayti kokkorana; woyne turay ayfe immenna dumma dumma ayfe intte shiishshiza wodey yeenna.

ኤርማሳ ቲንቢቴ 18:11

GODAY, «Hessa gishshas, Ermaasa ha7i Yuhuda asatassinne Yerusalaamen dizaytas baada, ‹Hekko tani intte bolla bash giigso bolla days; intte bolla iita miish medhdhashe days; hessa gishshas intte ubbayka intte biza iita ogeppe simmite; intte ogenne intte ooso suurisite› ga yoota.

ኤርማሳ ቲንቢቴ 21:4

‹GODAA Isra7eele Xoossay nena gimbezappe kare baggara dooddi uttida Baabiloone kawonne iza olanchchata olanaas intte kushen intte oykkida ola miishshaa tani intte bolla guye zaarana. Istta ha katamayo zaara gelththana.

ኤርማሳ ቲንቢቴ 28:8

Neeppenne taappe kase sinththan de7ida nabeti daro dereta bollanne gita kawoteththata bolla ola gishshas, bashsha gishshassinne iita harge gishshas tinbite yootida.

ኤርማሳ ቲንቢቴ 45:4

GODAY, «Tani biitta bolla keexxidayssa laallana; ta tokkidayssaka shoddana.

ኤርማሳ ዚላስ 1:15

«Nu garsan diza olanchchata ubbatara Xoossi eqettides; nu giddofe yelagata dhayssanaas olanchchata nu bolla yeddides. Woyne miththa ayfe ushshu kessanaas yedhdhiza mala GODAY boshettontta geela7o misatiza Yuhuda asaa yedhides.

ኤርማሳ ዚላስ 2:6

Izi ba keeththa kaththa giddon diza gaabba shoddiza mala shoddi olides; Xoossi Xiyoono iza layththan layththan bonchchiza ba7aaletanne sambatata diggides; izi ba mino hanqon kawozanne qeeseza kawushshides.

ኤርማሳ ዚላስ 4:12

Biitta bolla diza kawotappe woykko alame bolla diza asaappe oonikka istta morkketi woykko worajjizayti Yerusalaame pengeta menththi gelana giidi oonikka qoppibeenna.

ዳኔላ ቲንቢቴ 8:13

Hessafe guye geeshshatappe issoy haasayshin ta siyadis; qasse geeshshatappe haray issoy izas, «Ha hach hach yarshiza yarsho ajjuutay polettana wodey aydee? Ha makkallateththa gaason yiza bashshay awude gakkanaas gam7anee? Qasseka salo olanchchatinne Xoossa Keeththay awude gakkanaas yedhettishe daanee?» gi oychchides.

ሆሴኤ ቲንቢቴ 2:12

Iza ba laggeththotappe baas waaga gaada ekkida woyne miththatanne balase miththata ta dhoqallana. Isttaka wora do7ati maana.

ሆሴኤ ቲንቢቴ 2:14

«Hessa gishshas ta izo maqqada bazzo efana; heen ta izira siiqo qaalan haasayssana.

ሉቃሳ ሚሺራቾ 21:24

Bagga asay mashshan hayqqana; ba dereppe hara dere di7ettana; Yerusalaameykka Xoos erontta dereta wodey polettana gakkanaas, Xoos erontta asatan yedhettidaaro gidana.

ዮሃኒሳ ኣጁታ 11:2

Xoossa Keeththaafe karera coo dizasoza aggaaga; hessi Ayzaabetas imettidaso gidida gishshas ne iza wadhdhofa; ayzaabeti geeshsha katamayo oyddu tammanne nam7u agina gakkanaas yedhdhi haarana.