ኢሳያሳ ቲንቢቴ 5:30 - Geeshsha Maxaafa

³⁰ He gallas istti gita abba dambala mala, Isra7eele bolla guummana; oonikka duge zaari biittaa xeelliko dhumanne meto be7ana; poo7oykka shaaran kamettana.

ጋሞ ማጻፋ

³⁰ ሄ ጋላስ ኢስቲ ጊታ ኣባ ዳምባላ ማላ፥ ኢስራኤሌ ቦላ ጉማና፤ ኦኒካ ዱጌ ዛሪ ቢታ ጼሊኮ ማኔ ሜቶ ቤኣና፤ ፖኦይካ ሻራን ካሜታና።

ኢሳያሳ ቲንቢቴ 5:30 ပူးပေါင်းရင်းမြစ်များ

ኤራንቻታ ማጻፋ 12:2

Awaynne poo7oy, aginaynne xoolinttey dhumontta dishin, iray bukki simmiin shaaray kichchontta dishin nena Medhdhidayssa qoppa.

ኢሳያሳ ቲንቢቴ 13:10

Salo xoolinttetinne istta butteti poo7o immettenna; arshey buro mokkida mala dhumana; aginaykka ba poo7o immuku.

ኢሳያሳ ቲንቢቴ 13:4

Daro derey wocamiza mala zumata bolla wocamiza wocamaa siyite! Kawoteththata giddon metottida derey gugumiza gugunththaa siyite! Ubbaafe Wolqqama GODAY olanchchata olas salfisides.

ኢሳያሳ ቲንቢቴ 17:12

Be7a, daro asaa hanqo giirissi abba dambala mala giirees; be7a, asaa waaso daroy wolqqama haaththa mala guummees.

ኢሳያሳ ቲንቢቴ 30:6

Negeben diza medosata gishshas GODAY yootida qaalay wodalla gaammotinne macca gaammoti dizason, marzera diza shooshshatinne xongettiza shooshshati dizason, metoynne ceecey kumida biittara aadhdhi biidi, istti go7ontta deretakko,

ኢሳያሳ ቲንቢቴ 59:9

Hessa gishshas suure pirday nuuppe haakkides; xilloteththika nuukko gakkenna. Nuni poo7o koyidos; gido attiin ubbay dhuma gidides; wagagga poo7o koyidos; gido attiin sakkanna dhuma gidides.

ኢሳያሳ ቲንቢቴ 8:22

Hessafe guye istti duge biitta xeellana; istti xeellanayssika waaye, dhumanne dhippi gida babisiza miish xalla; istti girdi gida dhuman yegettana.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ኤርማሳ ቲንቢቴ 30:5

GODAY, «Tani babonne shiro waaso siyays; saroykka deenna.

ኤርማሳ ቲንቢቴ 50:42

Istti wondafetanne mashshata oykkida; istti maarontta menxe iitata, maarokka ooththettenna; istti parata toggishin istta giirissay abba dambala mala guummees; hanne Baabiloone macca nayee! olas giigettida olanchchata mala ne bolla yaana.

ኤርማሳ ቲንቢቴ 6:23

Istti wondafenne toora oykkida. Istti menxe iitatanne qadhetay bayndayta; istti bantta parata toggiza wode abbay guummiza mala guummeettes. Intteno Xiyoone macca naytoo! Istti giigettidi inttena olanaas yeettes» gees.

ኤርማሳ ዚላስ 3:2

Izi tana ba sinththafe kessi yeddides; poo7oy baynda gede dhuman tana gelththides.

ሂዚቄላ ቲንቢቴ 26:3

Ubbaa Haariza GODAY: hanne Xiroose ta ne bolla dendadis; abba dambalay dendiza mala ta ne bolla daro dere denththana.

ኢዩኤሌ ቲንቢቴ 2:10

Biittay istta sinththan kokkorana saloykka qaaxxana; awa ayfeynne aginay dhumana; xoolintteyka poo7o immenna.

ኣሞጼ ቲንቢቴ 5:18

Intteno GODAA gallas naagizaytoo! Inttes aayye ana! He gallassay dhumappe attiin poo7o gallas gidontta gishshas intte ays he gallassa koyeetii?

ኣሞጼ ቲንቢቴ 8:9

Ubbaafe Wolqqama GODAY, «He wode tani gallassa seetan awa arshe wulsana; gallassa seetan gade dhumisana.

Maatosa 24:29

«Heerakka he iita meto gallassatappe guye arshey dhumana; aginay ba poo7o diggana; xoolintteti saloppe qoqofettana; salo wolqqamatikka qaaxxana.

ዮሃኒሳ ኣጁታ 6:12

Hessafe guye he dorsay usuppunththo maatameza doyiin tani izakko xeelladis; hekko biittay wolqqama qaath qaaxxides; arshey asi kayos may7iza kareththa may7o mala karexxides; aginaykka kumeththara suuththa mala zo7adus.