ኢሳያሳ ቲንቢቴ 5:25 - Geeshsha Maxaafa

²⁵ GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ጋሞ ማጻፋ

²⁵ ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኢሳያሳ ቲንቢቴ 5:25 ပူးပေါင်းရင်းမြစ်များ

1ካዎታ ማጻፋ 14:11

Iyorba7aame zareppe kataman hayqqidayta kanay maana; gaxaren hayqqidayta kafoy maana; hayssa yootiday tana GODAA!› gides.

1ካዎታ ማጻፋ 16:4

Baashe zare kataman hayqqiza oonakka kanay maana; qasse gaxaren hayqqiza oonakka kafoy maana» gides.

1ካዎታ ማጻፋ 21:24

Akaabe zareppe katama giddon hayqqida oonakka kanay maana; qasse gaxaren hayqqidayta salo kafoti maana» gides.

2ካዎታ ማጻፋ 13:3

GODAA hanqoy Isra7eele bolla tama mala eexxides; hessa gishshas Aaraame kawo Azaheeleynne iza naa Beeni-Hadaadey diza wode ubbaan GODAY Isra7eeleta istta kushen aaththi immides.

2ካዎታ ማጻፋ 9:37

Izi ashoy Izra7eele biittan goshsha gades igisa gidana;› hessa gishshas ay asikka, ‹Hanna Elzabeelo gaanaas dandayenna› gi yootida qaalay hayssa» gides.

2ታሪኬ ማጻፋ 36:16

Gido attiin Xoossa hanqoy istta bolla yiin paxateththi isttas beettontta ixxanaashe gakkanaas istti GODAY kiittidayta qidhida; iza qaala kadhidanne nabetakka kawushshida.

ኢዮቤ ማጻፋ 9:13

Xoossay ba hanqozappe guye simmenna; Era7aabe geetettiza abba giddo do7ata maaddizaytikka iza toho garsan gulbatana.

ዬ ማጻፋ 106:40

Hessa gishshas GODAA hanqoy iza asaa bolla eexxi ke7ides; izi bayta harassettides.

ዬ ማጻፋ 114:7

Hanne biittayee! Godaa sinththan Yaaqoobe Xoossa sinththan kokkora.

ዬ ማጻፋ 18:7

Xoossi hanqettida gishshas biittay qaaxxides; zumata xaphoy kokkorides.

ዬ ማጻፋ 68:8

Siina Xoossa sinththan, Isra7eele Xoossa sinththan biittay qaaxxides; saloti ira duge tigida.

ዬ ማጻፋ 77:18

Ne dada gunththay gote carko giddon kooshimides; ne wolqqanththa phoolleththi sa7a poo7isides; biittayka qaaxxi kokkorides.

ዬ ማጻፋ 78:38

Gido attiin izi istta maarizaade gidida gishshas istta iitateththaa atto gides; isttaka dhayssibeenna; daro wode ba hanqoza istta bollafe teqqides; ba hanqoza bosha ubbaa istta bolla yeddibeenna.

ዬ ማጻፋ 83:10

Istti En-Doore geetettizason dhayda; istta ahay moogettontta biitta bolla wooqqides.

ኬሳ ማጻፋ 7:19

GODAY Muses, «Neni Aaroones, ‹Ne guufe oykkada Gibxe haaththata bolla, shaafata bolla, zara haaththata bollanne eellida haaththi dizaso ubbaa bolla ne kushe piddisa› ga; izi ba kushe piddisikko haaththi wuri suuththan laamettana; Gibxe biitta ubbaan, haray attoshin, miththafenne shuchchafe wooci kessida haath tigiza miishshata ubbaan suuththi kumana» gides.

ኢሳያሳ ቲንቢቴ 10:4

Qashettida asaara issife qasheteththafe shukettiza asaara issife shuketeththafe attiin haray inttes attanaasoy deenna. Hessi ubbay haniinkka GODAA hanqoy dochchibeenna; qaxxayanaas izi ba kushe denththi woththides.

ኢሳያሳ ቲንቢቴ 10:6

Istta aqota bonqqana mala, banttas di7o buuri shiishshana mala, istti oge urqqaththo yedhettana mala, Xoos erontta kawoteththa bolla kiittana. Tana hanqeththida asaa bolla tani Asooreta yeddana.

ኢሳያሳ ቲንቢቴ 14:19

Ne gidikko koyettontta hagga mala duufoppe wora olettadasa; mashshan cadettidaytan, duge ciimma shuchcha ollan wodhdhidaytan, asa kushen hayqqidaytan kamettadasa; neni tohon yedhettida aha mala gidadasa.

ኢሳያሳ ቲንቢቴ 23:11

GODAY ba kusheza abba bolla miccides; izi kawoteththatakka daganththides; Kanaane miixati laalettana mala azazides.

ኢሳያሳ ቲንቢቴ 25:11

Haaththa wadhdhizay ba kushe micciza mala iza giddon dizayti bantta kushe miccana; Xoossi istta gene ooso balettontta istta otoreteththaa kawushshana.

ኢሳያሳ ቲንቢቴ 29:2

Gido attiin tani Ar7eele katamayo giddoththana; iza yeekkananne waassana; iza taas yarsho yarshizaso gidana.

ኢሳያሳ ቲንቢቴ 42:25

Hessa gishshas eexxiza ba hanqoza, iita ola istta bolla yeddides; tama lacon istta giddoththides; istti gidikko hessa akeekibeettenna; istta xuuggides shin istti wozinan woththibeettenna.

ኢሳያሳ ቲንቢቴ 51:20

Ne attuma nayti daaburda; woximaden oykettida genessa mala oge gaxan ubbaan ichchida. GODAA hanqoynne ne Xoossa seeray istta bolla kumides.

ኢሳያሳ ቲንቢቴ 64:3

Kasekka neni nu qoppontta yashissiza miish ne ooththida wode ne wodhdhiin zumati kokkorida.

ኢሳያሳ ቲንቢቴ 66:15

Hekko GODAY tama lacon yaana; iza para-gaareti gote carko mala; izi ba yiillo hanqon, ba seera tama lacon qonccisana.

ኢሳያሳ ቲንቢቴ 66:24

Istti kezidi ta bolla makkallida asata aha be7ana. Istta miza guxuneykka hayqqenna; istta miza tamaykka to7enna. Istti asa zereth ubbaas harassizaaz gidana» gees.

ኢሳያሳ ቲንቢቴ 9:11

Hessa gishshas GODAY Eraasoone morkketa minththana; istta morkketa istta bolla denththeththidi ehana.

ኢሳያሳ ቲንቢቴ 9:16

Hayssa deraa kaaleththizayti baleththeettes; kaalliza dereykka ogeppe kare kezidi toylattees.

ኢሳያሳ ቲንቢቴ 9:17

Hessa gishshas GODAY naateththa naytan ufayettenna; yi7otassinne am7etas qadhettenna; ubbayka iita ooththizaytanne Xoossa yashshateth bayndayta; ubbaa asaa doonappe harassiza qaalay kezees; hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኢሳያሳ ቲንቢቴ 9:20

Ushachcha baggara tuxxana; gido attiin gafa teqqenna. Hadirsa baggara maana; gido attiin kallettenna. Issoy issoy ba yelida nayta maana.

ኢሳያሳ ቲንቢቴ 9:21

Minaasey Efreeme maana; Efreemeykka Minaase maana; istti issife gididi Yuhuda bolla dendana. Hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኤርማሳ ቲንቢቴ 15:3

«GODAY, ‹Tani oyddu qommo bash istta bolla ehana; heytikka istta wodhanaas mashsha, istta aha goochchanaas kanata, istta ashoza miidi dhayssanaas salo kafotanne sa7a do7ata.

ኤርማሳ ቲንቢቴ 16:4

«Istti iita hargen hayqqana; isttas yeehoy deenna; moogokka moogettettenna; istta ahay biitta bollan buura mala yegetti attana; istti mashshaninne koshan wurana; istta ahay salo kafotassinne wora do7atas quma gidana» gides.

ኤርማሳ ቲንቢቴ 17:4

Ne mooro gaason ta nees immida xinxxozappe ne mela attana; nena tani ne erontta biittan ne morkketas ayllesana. Gaasoykka mernaas tama mala eexxiza ta hanqoza ne denththeththadasa» gees.

ኤርማሳ ቲንቢቴ 4:24

Tani zumata xeellada istti kokkorishininne zumbullati ubbay yon7iyon7ishin be7adis.

ኤርማሳ ቲንቢቴ 4:8

Hessa gishshas maaqa may7ite; kayottishe, ‹Wuu! Wuy› gi yeekkite. Ays giikko GODAA hanqo seelay nu bollafe simmibeenna» gees.

ኤርማሳ ቲንቢቴ 6:12

Tani he biittan dizayta bolla ta kushe yeddiza wode istta keeththati, istta gadetinne istta machchetikka attontta ubbay haratas gidana» gees.

ኤርማሳ ቲንቢቴ 8:2

Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana.

ኤርማሳ ቲንቢቴ 9:22

Hessa gishshas GODAY tana, « ‹Asa ahay buura mala demban laalettana; kath shiishshizayti guyen aggida pushulo mala attana; istta oonikka shiishshenna› ga» giidi azazides.

ኤርማሳ ዚላስ 5:22

Ne hessaththo ooththontta aggiko nuna mulera aggadii? ne hanqozaska zaway baawee?

ሂዚቄላ ቲንቢቴ 15:6

«Hessa gishshas Ubbaa Haariza GODAY, ‹Tani wora miththa giddon diza woyne ano taman eexxana mala ta aaththa immidayssaththo Yerusalaamen dizaytakka aaththa immana.

ሂዚቄላ ቲንቢቴ 30:25

Baabiloone kawo qese ta minththana; gido attiin Paaroone qesey daaburana; tani ta mashshaa Baabiloone kawo kushen oyththiin izikka qaaththishin tani GODAA gididayssa istti erana.

ሂዚቄላ ቲንቢቴ 6:14

Tani ta kusheza istta bolla denththana; istti dizasohota dugehan bazzo biittafe biidi pudehan Dibila gakkanaas bula histtana; tani GODAA gididayssa istti he wode erana» gides.

ዳኔላ ቲንቢቴ 9:16

Abeet GODAWU! Neni kase ooththida xillo oosoza gishshas gaada ne katama Yerusalaameppe, ne geeshsha zumaappe ne hanqoza zaara; nu nagaraanne nu aawata qoho gaason Yerusalaameynne ne derey nu yuushon diza deraa giddon qidhes attidos.

ሆሴኤ ቲንቢቴ 14:4

GODAY, «Ta hanqoy istta bollafe simmida gishshas taas ammanettontta ixxida ta deraa ta paththana; ta istta coo mela siiqana.

ኣሞጼ ቲንቢቴ 8:8

Hayssa geedon biittay buro qaaxxana; biittay bolla dizay wurikka yeekkana; Abbaye shaafay kixxidi guummizayssaththo biitta ubbay qaaththi yoshikuyoshikana» giidi barkka banan caaqqides.

ሚኪያሳ ቲንቢቴ 1:4

Muqaadday tama be7idi seeriza malanne haaththi aafora duge goggiza mala he wode zumati iza toho garsan seerana; shoobbatikka phalqetti wodhdhana.

ናሆሜ ቲንቢቴ 1:5

Zumati iza sinththan kokkorida; zumbullatikka seerida. Iza sinththan biittay, alameynne izin diza ubbati qaaxxida.

ኢምባቆ ቲንቢቴ 3:10

Zumati nena be7idi mannida; Haaththaa dambalay aadhdhi bides; abbay ceeqettides; abbaa dambalakka pude denththides.

ሶፎናሳ ቲንቢቴ 1:17

Asay qooqeththo hemettana mala asaa bolla tani ceece yeddana; asay GODAA bolla nagara ooththida gishshas istta suuththi di7o mala gukkana; istta ahaykka buura mala olettana.

ዛሬ ማጻፋ 31:17

Hessaththo haniza wode tani istta bolla hanqettada isttafe shaakettana; ta isttas zokko zaarana; isttika ubbay dhayana; istta bolla iita metoynne boshay yaana; he wode isttas, ‹Hayssi metozi nu bolla gakkiday nu Xoossay nu giddon dontta aggiin gidennee?› gaana.

ዛሬ ማጻፋ 31:18

Istti eeqa xoossatas goynnidi istti ooththida nagara gishshas tani he wode isttas zokko zaarana.

1ታሶሎንቄ ኣሳስ 2:16

Hessika Ayzaabeti siyidi attana qaala nu isttas yootontta mala digganaassa; hessa mala ooson ba nagara ubba wode ba bolla wurseth gakkanaas gujji gujji beettes; Xoossa hanqoyka istta bolla wodhdhides.

ዮሃኒሳ ኣጁታ 20:11

Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.