ኢሳያሳ ቲንቢቴ 5:24 - Geeshsha Maxaafa

²⁴ Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

ጋሞ ማጻፋ

²⁴ ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኢሳያሳ ቲንቢቴ 5:24 ပူးပေါင်းရင်းမြစ်များ

2ካዎታ ማጻፋ 19:22

Histtiin ne cayidaynne kawushshiday oonee? Neni ne qaala dhoqqu histtiday oona bollaa? ne otoreteththan dereqa xeellizay oona bollaa? Isra7eele geeshshaza bollayee!

ናሂሚያ ማጻፋ 9:26

«Gido attiin istti ne bolla makkallida; ‹Ne qaalaska azazettoko› gida; ne wogaa siyokko giidi nees zokko zaarida; qasse istti neekko zaarana giidi seeri tamaarsida nabeta wodhida; ubba wode ne bolla cashsha qaala haasayda.

ኢዮቤ ማጻፋ 18:16

Xaphoppe meliza miththa malanne haggatikka meqerettiza miththa mala gidana.

ኢዮቤ ማጻፋ 8:17

Xaphoza shuchcha muuhe giddon yeddees; zaalla za7an xaphees.

ዬ ማጻፋ 50:17

Ne ta seera ixxaasa; ta qaalatakka kadhaasa.

ኬሳ ማጻፋ 15:7

Ne gita wolqqaan nenara eqettidayta kundisadasa. Eexxiza ne hanqo ne yeddadasa, izikka istta gafe mala mides.

ኬሳ ማጻፋ 5:12

Histtiin asay uttula shiishshanaas Gibxe biitta ubbaan laalettides.

ኢሳያሳ ቲንቢቴ 1:31

Mino asi happa mala; iza oosoykka pil7i giza laco mala gidana; nam7ayka issi bolla xuugettana; he tamaa toyssana asikka deenna» gides.

ኢሳያሳ ቲንቢቴ 1:4

Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ኢሳያሳ ቲንቢቴ 24:6

Hessa gishshas qanggeththi biittaa mees; izin de7iza dereti bantta mooron qaxxayettana bessees; Hessa gishshas sa7a bolla diza asati xuugettida; isttafe qoodan guuththa asati attida.

ኢሳያሳ ቲንቢቴ 26:11

Abeet GODAWU! Ne qesey dhoqqu dhoqqu gides. Istti gidikko be7ettenna; Ne asaas ne mishettizayssa be7ettonne yeellatetto; Ne morkketas giigida tamay istta mo.

ኢሳያሳ ቲንቢቴ 30:12

Hessa gishshas Isra7eele Geeshshay, «Intte ha qaala kadhida gishshas, genen intte ammanettida gishshassinne baleththon zemppida gishshas,

ኢሳያሳ ቲንቢቴ 30:9

Hayti GODAA azazo siyana koyonttayti, makkallanchcha derenne baleththiza nayta.

ኢሳያሳ ቲንቢቴ 47:14

Hekko istti happa mala; tamay istta maana. Tamaa lacoppe dendidayssan bana ashshanaas dandayettenna. Asi ho7ana bonqqoy deenna; uttidi ho7ana tamaykka deenna.

ኢሳያሳ ቲንቢቴ 7:9

Qasse Samaariyay Efreeme biittaas hu7e; Eromeliyo nay Samaariyas hu7e; intte intte ammanon minnidi eqqontta ixxiko mulekka eqqanaas dandayekketa» gees.

ኢሳያሳ ቲንቢቴ 8:6

«Ha derey co7u gi goggiza Selihoome haaththata aggidi Eraasooneninne Eromeliyo naazan ufayettides.

ኢሳያሳ ቲንቢቴ 9:18

Deraa iitateththi kindichchonne agunth xuuggiza tama mala; dhippi gida woray xuugettishin keziza cuwa tuussa mala sitti giidi pude kezees.

ኢሳያሳ ቲንቢቴ 9:19

Ubbaafe Wolqqama GODAA hanqon biittay xuugettana; dereykka taman geliza miththa mala gidana; ishay ishas qadhettenna.

ኤርማሳ ቲንቢቴ 6:19

Biittayee siya! Istti ta qaala siyontta ixxida gishshassinne ta wogaakka kadhida gishshas tani deraa bolla istta iita qofaa mala bash ehana.

ኤርማሳ ቲንቢቴ 8:9

Aadho eranchchati yeellatana; istti kawuyananne woximaden oykettana. GODAA qaalara istti eqettichchiin isttas aaza erateththi dizee?

ሂዚቄላ ቲንቢቴ 15:6

«Hessa gishshas Ubbaa Haariza GODAY, ‹Tani wora miththa giddon diza woyne ano taman eexxana mala ta aaththa immidayssaththo Yerusalaamen dizaytakka aaththa immana.

ሆሴኤ ቲንቢቴ 11:9

Tani intte giddon diza Geeshsha Xoossa attiin as gidikke. Ta hanqora intte intteko yiikke; ta bosha hanqo intte bolla yeddike; Efreeme zaarada dhayssike.

ሆሴኤ ቲንቢቴ 5:12

Hessa gishshas tani Isra7eele asaa piinno mala, Yuhuda asas qasse quno mala gidana.

ሆሴኤ ቲንቢቴ 9:16

Efreemey shocettides; isttas xaphoykka melides; Istti ishalon dichchida nayta ta wodhana» gees.

ኢዩኤሌ ቲንቢቴ 2:5

Para-gaare giirissa mala giiris sissishe zumata bollara guppeettes; tamay buura miza mala beettida miishsha ubbaa xuuggana; giigettida mino olanchchata salfe mala giireettes.

ኣሞጼ ቲንቢቴ 2:4

GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ኣሞጼ ቲንቢቴ 2:9

«Isttas adussateththay ziga miththa mala; minoteththayka xiidda mala gidida Amoore asaa tani intte sinththafe dhayssadis; ayfontta mala xaphoppe shodda diggadis.

ናሆሜ ቲንቢቴ 1:10

Istti agunththan qaxettana; ba woyne ushshan istti maththottana; tamay istta buuxa mala maana.

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

Maatosa 3:12

Kath suraggiza layday iza kushen dees; izikka ba kaththa baleza pitti geeshshana; ba gisttezakka di7en qolana; happaa gidikko to7ontta taman xuuggana» gides.

ሉቃሳ ሚሺራቾ 10:16

«Intte gizayssa siyiza asi tana siyees; inttena ekkontta asi tanakka ekkenna; tana ekkonttaykka tana kiittidayssa ekkenna» gides.

ሉቃሳ ሚሺራቾ 3:17

Balezan diza kaththaa gafezappe geeshshanaas kath suraggiza layday iza kushen dees. Baleza kumeth geeshshana; gistteza qasse di7en qolana; gafezakka to7ontta taman xuuggana» gides.

ሉቃሳ ሚሺራቾ 7:30

Farsaawetinne Muse wogaa eranchchati Yohannisa kushen xammaqettontta gishshas Xoossi isttas waanna qofa ooththidi shiishshidayssa hirayssida.

ዮሃኒሳ ሚሺራቾ 12:48

Tana koyonttaadenne ta qaala ekkonttaade bolla pirdanaadey dees; ta izas yootida qaalay wurseththa gallas iza bolla pirdana.

ዛሬ ማጻፋ 28:24

GODAY ne biittan bukkiza iraa buuhenne gudulla kessana; neni biittafe dhayana gakkanaas gudullay saloppe duge bukkana.

1ታሶሎንቄ ኣሳስ 4:8

Hessa gishshas hayssa ha zoreza kadhidi ekkonttaadey Xillo Ayana izas immida Xoossaa kadhees attiin as kadhizaade gidenna.

1ሳሜላ ማጻፋ 15:23

Makkallay maroththo mala nagara; agga ixxay eeqa xoossas goyno mala iita; neni GODAA qaalaa kadhida gishshas izikka neni kawo gidontta mala nena kadhides» gides.

1ሳሜላ ማጻፋ 15:26

Gido attiin Sameeli izas, «Ta nenara simma biikke; neni GODAA qaalaa kadhadasa; GODAYKKA ne Isra7eele bolla kawotontta mala nena kadhides» gides.