ኢሳያሳ ቲንቢቴ 5:23 - Geeshsha Maxaafa

²³ Matta7e ekkidi, mooranchchata xillisizaytassinne xillo asatasi suure pirdaa diggizaytas aayye ana!

ጋሞ ማጻፋ

²³ ማታኤ ኤኪዲ፥ ሞራንቻታ ጺሊሲዛይታሲኔ ጺሎ ኣሳታሲ ሱሬ ፒርዳ ዲጊዛይታስ ኣዬ ኣና!

ኢሳያሳ ቲንቢቴ 5:23 ပူးပေါင်းရင်းမြစ်များ

1ካዎታ ማጻፋ 21:13

Hessafe guye wordo markka nam7ati yiidi iza sinththan uttida; histtidi deraa sinththan, «Naabutey kawonne Xoos cayides» gi wordo markka markkattiin Naabute katamaappe kare kessidi shuchchan caddi wodhida.

2ታሪኬ ማጻፋ 19:7

Ha7ikka intte GODAAS yayyite; GODAA nu Xoossaa matan naaqo pirday, maaddo pirdaynne matta7e muusi baynda gishshas intte ooththiza ubbaan naagettidi ooththite» gides.

ዬ ማጻፋ 94:21

Xillo asata bolla gene duulateettes; suure asata bollaka hayqo pirda pirdeettes.

ሌሚሶ ማጻፋ 17:15

Wordanchcha xillo xilloza wordo guussi nam7ayka GODAA sinththan ixettida ooso.

ሌሚሶ ማጻፋ 17:23

Iita asi pirda geellasanaas geeman matta7e ekkees.

ሌሚሶ ማጻፋ 24:24

Mooranchcha, «Neni xillo» gizaade derey qanggees; kawoteththatikka iza hileettes.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ኢሳያሳ ቲንቢቴ 10:1

Geella woganne as un7eththiza awajja kessizaytas aayye ana!

ኢሳያሳ ቲንቢቴ 10:2

Manqota pirda geellasizaytas, un7ettida ta dereza pirda bokkasizaytas, am7eta aqota bonqqizaytas, yi7ota aqota dhechchi mizaytas aayye ana!

ኢሳያሳ ቲንቢቴ 28:7

Hayti woyne ushshu uyidi yiicoteettes; maththosiza ushshan gandigareettes. Qeesetinne nabeti maththosiza ushshan gandigarda; woyne ushsha gaason yo7oy isttafe balettides; maththosiza ushshan gandigarda; ajjuutaa likkera be7ettenna; pirda pirdishe dhuphetteettes.

ኢሳያሳ ቲንቢቴ 29:21

As yo7on mooranchcha kessizayti, shilotan mootettizayssa bolla woximade waaxizayti, wordo markkan tumateththa xillotappe bonqqizayti dhayana.

ኢሳያሳ ቲንቢቴ 32:7

Wogay baynda asata hiillateththi iita; metotanchchata maganay suure gidikkoka hiyeesata wordora dhayssanaas iitateththan yuushshi qoppees.

ኢሳያሳ ቲንቢቴ 59:15

Tumateththi awankka beettenna; iitateththaafe haakkizay qohettees; GODAY be7idi suure pirday dhayda gishshas ceecides.

ኣሞጼ ቲንቢቴ 5:12

Intte qohoy ay mala darokkonne intte nagaray ay mala deexokko ta erays; intte xillo asata un7eththeeta; matta7e ekkidi pirdason manqotas geella pirdeeta.

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሚኪያሳ ቲንቢቴ 7:3

Iza kushey iita ooththanaas tamaardes; dere heemmizaadey kushe genththo koyees; pirdiza daannayka matta7e ekkees; wolqqamati bana koshshidaazi ooththeettes; wurikka issi bolla duulateettes.

Maatosa 23:35

Hessa gishshas xillo Aabeele suuththaafe haa simmiin Xoossa Keeththaninne yarsho yarshizaso giddon intte wodhida Baarakiyo naa Zakaraasa suuththaa gakkanaas biitta bolla gukkida xillota suuththa ubbaas intte oyshettana.

ዛሬ ማጻፋ 16:19

Pirda geellasoppa; asa ayfeso beyada maadda pirdofa; baleththofa; maganxo mooppa; gaasoykka maganxoy aadho eranchchata ayfe qooqisees; xillota qaalakka bokkisees.

ያቆቤ ኪታ 5:6

Intte inttenara eqettontta xillo asata bolla wordo woththidi wodhideta.