ኢሳያሳ ቲንቢቴ 5:11 - Geeshsha Maxaafa

¹¹ Maththosiza ushshu koyanaas maalado guurara dendidi woyne ushshan xuugettana gakkanaas, sa7aa qamisizaytas aayye ana!

ጋሞ ማጻፋ

¹¹ ማሲዛ ኡሹ ኮያናስ ማላዶ ጉራራ ዴንዲዲ ዎይኔ ኡሻን ጹጌታና ጋካናስ፥ ሳኣ ቃሚሲዛይታስ ኣዬ ኣና!

ኢሳያሳ ቲንቢቴ 5:11 ပူးပေါင်းရင်းမြစ်များ

2ሳሜላ ማጻፋ 19:35

Tani ha7i 80 layththa cima; Histtiin tani iitanne kiya shaakka erana dandayanee? Hayssafe guye ne aylley mizayssanne uyizayssa mal7o shaakki eranee? Attuma nayta cenggurssinne macca nayta cenggurs ha7i ta siyana dandayanee? Histtiin ne aylley ta godaa kawozas ays bollara hara tooho gidanee?

ሌሚሶ ማጻፋ 20:1

Maththosiza ushshi uyizay qilccizaadenne eeya gidees; haytanttan balettida ubbay aadho eranchcha gidenna.

ሌሚሶ ማጻፋ 23:32

Wurseththan izi shooshsha mala dukkees; goppe shooshsha malakka ba yiishsha puukkees.

ኢሳያሳ ቲንቢቴ 22:13

Gido attiin injjenne ufays, booranne dharsho shukay, asho muussinne woyne ushshi dees; «Nuni wonto hayqqana gishshas ane moossinne uyoos» gideta.

ኢሳያሳ ቲንቢቴ 24:9

Hayssafe guye istti yexxishe woyne ushshu uyettenna; ushshayka uyizayta cammana.

ኢሳያሳ ቲንቢቴ 28:1

Efreemen diza maththottizaytas, otoreteththas, kallachcha gididaaris, cilila shoobba hu7en kippi ga uttida, izas bonchcho seelo gidida shulla ciishshays, woyne ushshay istta zereththas otoreteththas gidida katamays aayye ana!

ኢሳያሳ ቲንቢቴ 28:3

Maththottiza Efreeme asata otoro kallachchay tohon yedhettana.

ኢሳያሳ ቲንቢቴ 5:22

Woyne ushshan erettidaytassinne maththosiza ushshu walakkanaas goobizaytas aayye ana!

ኢሳያሳ ቲንቢቴ 56:12

Istti issoy issaara, «Haa yiite; woyne ushshu ane uyoos. Ane maththottana gakkanaas uyoos! Wontoyka hachcha mala gidana; woykko hachchifekka aadhdhi lo7o gidana» geetettana.

ኢምባቆ ቲንቢቴ 2:15

«Asa kalloteth beyanaas ba laggeta ushshu ushshizaadessinne istti uyidi maththottana gakkanaas woyne ushshu duuqqizaades aayye ana!

ኢምባቆ ቲንቢቴ 2:5

Dureteththi as baleththees; otoranchchas mulekka shemppoy deenna; izi duufo mala yora; wodhiza hayqo malakka kalo erenna; dere ubbaa shiishsheessinne di7i ekki bees.

ሉቃሳ ሚሺራቾ 21:34

«Histtiko wogay baynda duussan, daro ushshaninne duussas hirgan intte wozinay daaburoppo; hessa ooththontta ixxiko he gallassay intte qoppontta narxa mala intte bolla gakkontta mala naagettite.

ኦሮሜ ኣሳስ 13:13

Gallassara hemettiza mala ane wogara hemettoos; magulsaninne maththon gidoppo; layma amoninne layman gidoppo; qanaateteththaninne palaman gidoppo.

1ቆሮንቶሴ ኣሳስ 6:10

woykko kaysoti, gaphigaphizayti, maththottizayti, as cayizaytinne bonqqizayti Xoossa kawoteth laattettenna.

ጋላቲያ ኣሳስ 5:21

miqqayneteth, maththoteth, alame mazamure yexeththinne heytantta misatizayta. Tani inttes kase yootida mala ha7ikka intte naagettana mala qofsays; hessa mala duus dizayti wurikka Xoossa kawoteth laattettenna.

1ሳሜላ ማጻፋ 25:36

Abigaala guye soo simma bishin Naabaaley kawo keeththan giigiza gibira mala gibira giigsidayssa beyadus. Izikka keehi maththottidi ufayssan kumi uttides. Hessa gishshas gadey wonttanaashe gakkanaas izas aykkoka yootabeekku.