ኢሳያሳ ቲንቢቴ 49:13 - Geeshsha Maxaafa

¹³ Salotoo intte, ilili giite; biittayee neni ufayetta. Intteno Zumatoo ufayssan yexxite; gaasoykka GODAY ba deraa minththeththees; metotanchchatas qadhettees.

ጋሞ ማጻፋ

¹³ ሳሎቶ ኢንቴ፥ ኢሊሊ ጊቴ፤ ቢታዬ ኔኒ ኡፋዬታ። ኢንቴኖ ዙማቶ ኡፋይሳን ዬጺቴ፤ ጋሶይካ ጎዳይ ባ ዴራ ሚንስ፤ ሜቶታንቻታስ ቃቴስ።

ኢሳያሳ ቲንቢቴ 49:13 ပူးပေါင်းရင်းမြစ်များ

1ታሪኬ ማጻፋ 16:31

Saloti ufayetetto! sa7aykka hashshu go! Kawoteththata giddon isttas, «GODAY kawotides!» getto.

ዬ ማጻፋ 148:9

Zumatoo, zumbullatoo, ayfe ayfiza miththatoo, zigatoo ubbatikka iza galatite.

ዬ ማጻፋ 65:13

Dembatan wude mehey kumides; shoobbatan kaththi kumides; ubbatikka ufayssan ililishe yexxeettes.

ዬ ማጻፋ 69:34

Saloynne sa7ay, abbaynne iza giddon woxxi qaaxxiza ubbati Xoossaa galatetto.

ዬ ማጻፋ 71:21

Neni ta bonchcho kaseyssafe darsana; neni tana zaareththadakka minththeththana.

ዬ ማጻፋ 89:13

Nees wolqqama qesey dees; ne qesey mino; ne ushachcha qesey yashshees.

ኢሳያሳ ቲንቢቴ 12:1

He wode neni, «Abeet GODAWU, kase ne ta bolla hanqettadasa; ha7i gidikko neni ne hanqozappe simmada tana minththeththida gishshas ta nena sabbays.

ኢሳያሳ ቲንቢቴ 14:1

GODAY Yaaqoobes nam7anththo qadhettana; Isra7eelekka zaareththidi doorana. Istta istta biittan woththana; imaththati yiidi Yaaqoobeso asaara walakettana.

ኢሳያሳ ቲንቢቴ 44:23

GODAY hayssa ooththida gishshas Salotoo yexxite; ciimma biittatoo ufayssan ililite. Intteno zumatoo, intteno woratoo, miththatoo ubbay ililite; gaasoykka GODAY Yaaqoobe wozzides; ba bonchcho Isra7eele bolla qonccisides.

ኢሳያሳ ቲንቢቴ 48:20

Baabiloone biittafe kezite; Baabiloone asaappe baqatite! Hayssa ililisan erisite; awajjite; biitta gaxa gakkanaas yootite; «GODAY ba ashkaraa Yaaqoobe wozzides» giite.

ኢሳያሳ ቲንቢቴ 49:14

Xiyoona gidikko, «GODAY tana aggides; GODAY tana balides» gadus.

ኢሳያሳ ቲንቢቴ 51:12

GODAY, «Inttena minththizay Tani xalla Iza; hayqqiza asa zereth, maata mala shulliza asa naas ays babbay?

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

ኢሳያሳ ቲንቢቴ 52:9

Intteno Yerusalaamen qolettida sohotoo! Intte issi bolla ililisan yexxite; GODAY ba deraa minththeththides; Yerusalaame katamaakka wozzides.

ኢሳያሳ ቲንቢቴ 54:7

«Guuththa wode tani nena aggadis; gido attiin gita qadhetan ta nena zaara shiishshana.

ኢሳያሳ ቲንቢቴ 54:8

Ta guuththa wodes keeha hanqettida gishshas, ta ayfeso neeppe genththadis; gido attiin ta mernaa kiyateththan nees qadhettana» gees nena Wozziza GODAY.

ኢሳያሳ ቲንቢቴ 55:12

Intte ufayssan kezana; saron moyzettana. Zumatinne zumbullati intte sinththan ililisara yexxana; demban diza miththati ubbayka bantta kushe baqqana.

ኤርማሳ ቲንቢቴ 31:13

He wode geela7oti ufayettidi yexxana; wodallatinne cimati guppana; ta istta yeehoza ufayssan laammana; ta istta muuzoteththafe minththeththana; ta isttas ufays immana.

ኤርማሳ ቲንቢቴ 51:48

Dhayssizayti pudeha baggafe yiidi izo oliza gishshas saloynne sa7ay qasse istta giddon diza ubbay Baabiloone bolla ilili gaana» gees.

ሂዚቄላ ቲንቢቴ 35:14

«Ubbaa Haariza GODAY, ‹Kumeththa biittay ufayettiza wode ta nena bulasana.

ሉቃሳ ሚሺራቾ 15:10

Ta inttes yootays; ‹Hessaththoka maarotan geliza issi nagaranchcha asan Xoossa kiitanchchata achchan ufays gidana.›

2ቆሮንቶሴ ኣሳስ 7:6

Gido attiin muuzottidayta minththeththiza Goday Titoosa yuussan nuna minththeththides.