ኢሳያሳ ቲንቢቴ 45:8 - Geeshsha Maxaafa

⁸ Intteno salotoo, bollafe xilloteth bukisite; shaaratikka duge xokisite; biittay doyetto; atoteththi mokko. Xilloteththika izara issife dicco. Tani GODAY hessa medhdhadis.

ጋሞ ማጻፋ

⁸ ኢንቴኖ ሳሎቶ፥ ቦላፌ ጺሎቴ ቡኪሲቴ፤ ሻራቲካ ዱጌ ጾኪሲቴ፤ ቢታይ ዶዬቶ፤ ኣቶቴ ሞኮ። ጺሎቴካ ኢዛራ ኢሲፌ ዲጮ። ታኒ ጎዳይ ሄሳ ሜዲስ።

ኢሳያሳ ቲንቢቴ 45:8 ပူးပေါင်းရင်းမြစ်များ

2ካዎታ ማጻፋ 19:25

«Daro wodeppe sinththan neni gimbettida katamata qoqofada, shuchcha keela kessana mala, tani qofa qachcha woththidayssa siyabeekkii? Beni halchcha woththidayssa ha7i polays.

ዬ ማጻፋ 68:8

Siina Xoossa sinththan, Isra7eele Xoossa sinththan biittay qaaxxides; saloti ira duge tigida.

ዬ ማጻፋ 72:3

Zumati dureteth ehana; zumbullatikka xilloteth ne deraas ehana.

ዬ ማጻፋ 72:6

Kawoy shooqan bukkiza ira malanne gade kalssiza puuse ira mala gidana.

ኢሳያሳ ቲንቢቴ 11:1

Isseye durumappe aacay purccana; iza xaphotappe issi haggay ayfe immana.

ኢሳያሳ ቲንቢቴ 32:15

Hessika hananay Ayanay nuus bollafe gukkanaashe, bazzo biittay aradda gidanaashe, aradda biittay wora misatanaashe gakkanaassa.

ኢሳያሳ ቲንቢቴ 4:2

He wode GODAA miththa haggay lo7ananne bonchchettana; Isra7eele asaappe dhayshe attidaytas he biitta kaththay ceeqossinne bonchchos gidana.

ኢሳያሳ ቲንቢቴ 44:24

Nena aayi ulon medhdhidi wozzida GODAY, «Ubbaa medhdhada salota tarkka piddisiday, sa7akka micciday tana GODAA.

ኢሳያሳ ቲንቢቴ 44:3

Tani saamettida biittan haath gussana; mela biittankka shaafa gogisana. Tani ta Ayana ne zereththa bolla, ta anjjo nees naa naa bolla gussana.

ኢሳያሳ ቲንቢቴ 46:13

Tani ta xilloteththaa ehon days; haaho gidenna. Ta atoteththay gam7enna; tani Xiyoone atoteth. Isra7eele bonchcho mayzana» gees.

ኢሳያሳ ቲንቢቴ 48:18

Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ኢሳያሳ ቲንቢቴ 53:2

Izi iza sinththan caarechcha mala, mela biittafe mokkiza xapho mala mokkides; nu iza xeellanaas shicateththi woykko teemay deenna; nu iza dosanaas iza malay lo7enna.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 61:11

Biittay caarech caarissiza mala, atakiltesohoy puute puutisiza mala, Ubbaa Haariza GODAY kawoteththata ubbaa sinththan xilloteththinne galata caarissana.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ኢሳያሳ ቲንቢቴ 66:22

GODAY, «Tani medhdhana ooraththa salotinne ooraththa sa7ay ta sinththan minni daanayssaththo intte sunththinne intte zereththa sunththi hessaththo minni daana.

ኤርማሳ ቲንቢቴ 31:22

Hanne kaddida nayee! Ne ayde gakkanaas toylattanee? GODAY sa7a bolla ooraththa miish medhdhana; hessika maccay adde dooddana» gees.

ሂዚቄላ ቲንቢቴ 34:26

Istta yuushoninne ta zumbullata yuushon dizasohota ta anjjana. Woden woden ta isttas ira immana; izikka isttas anjjo ira gidana.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ኢዩኤሌ ቲንቢቴ 3:18

«He wode zumati wurikka woyne miththan kumana; zumbullan daro maaththa miizati heemettana; GODAA Keeththafe pulttoy pulttana; Yuhuda deren diza shaafata ubbaa haaththi kumana; Shiixime shoobbay haath kallana.

ሃዋሬታ ኦሶ 2:33

Hessa gishshas izi Xoossa ushachchan dhoqqu dhoqqu gidaappe guye Xillo Ayana ufayssaa ba aawappe ekkidi ha7i intte be7izayssanne siyizayssa duge gussides.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

ኤፌሶኔ ኣሳስ 4:24

Tumu xilloteththaninne geeshshateththan Xoos misatana medhettida ooraththa asateth may7ite.