ኢሳያሳ ቲንቢቴ 45:3 - Geeshsha Maxaafa

³ Nena ne sunththan xeygida GODAY, Isra7eele Xoossay tana gididayssa ne erana mala, geemason dagattida aqota, dhumason diza haaro ta nees immana.

ጋሞ ማጻፋ

³ ኔና ኔ ሱንን ጼይጊዳ ጎዳይ፥ ኢስራኤሌ ጾሳይ ታና ጊዲዳይሳ ኔ ኤራና ማላ፥ ጌማሶን ዳጋቲዳ ኣቆታ፥ ማሶን ዲዛ ሃሮ ታ ኔስ ኢማና።

ኢሳያሳ ቲንቢቴ 45:3 ပူးပေါင်းရင်းမြစ်များ

2ታሪኬ ማጻፋ 6:17

Abeet GODAWU, Isra7eele Xoossawu! Neni ne aylle Dawites immida hidota qaalay ha7ikka poletto.

ኢዝራ ማጻፋ 1:2

Paarise kawo Qiroosi awajjan kessida azazoy, «GODAA Salo Xoossay tana biitta kawoteththata ubbaa ayssana maata taas immides; Yuhuda biittan diza Xoossa Keeth Yerusalaamen ta izas keexxana mala azazides.

ኬሳ ማጻፋ 33:12

Musey GODAAS, «Neni tana, ‹Hayssa asaa kaaleththa› gadasashin tanara neni oona kiittizaakko tana erisabeekka. Neni, ‹Tani nena ne sunththan erays; neni ta sinththan sabettida asa› gadasa.

ኬሳ ማጻፋ 33:17

Histtiin GODAY Muse, «Ta nenan sabettida gishshassinne nena ne sunththan eriza gishshas neni tana oychchidayssa qasseka tani ooththana» gides.

ኢሳያሳ ቲንቢቴ 41:23

Intte xoossata gididayssa nu erana mala, sinththafe hanana miishshata nuus yootite; nuni dagammana malanne yayyana mala, lo7o gidiin woykko iita miish ooththite.

ኢሳያሳ ቲንቢቴ 43:1

Ha7i gidikko Yaaqoobe, nena medhdhiday, Isra7eele! Nena giigsida GODAY, «Tani nena wozzida gishshas yayyofa. Tani nena ne sunththan xeygadis; neni taassa.

ኢሳያሳ ቲንቢቴ 48:15

Tani tarkka yootadis; tumukka ta xeygadis; ta iza ehana; iza oosoykka izas polettana.

ኢሳያሳ ቲንቢቴ 49:1

Intteno harurotoo, ta gizayssa siyite. Intteno haahon diza kawoteththatoo, hayssa ezgite. Tani ta aayi ulon dishin GODAY tana xeygides; ta yelettontta dishin tana ta sunththan xeygides.

ኤርማሳ ቲንቢቴ 41:8

Gido attiin he hayqqida asatara diza tammu asati Isma7eele, «Nuna wodhopparkkii! Nuni nu shooqan qottida daro gisttey, banggay, wogara zayteynne eessi dees» gida. Izikka istta hankkoytara wodhontta aggaagides.

ኤርማሳ ቲንቢቴ 50:26

Yaara haara izi bolla worajjite; izi gootarata laallite; di7ettida miishsha kaththa mala doorite; mulera izo dhayssite; izin aykkoyka attofo.

ኤርማሳ ቲንቢቴ 50:37

Istta parata bollanne istta para-gaareta bolla qasse izi giddon diza hara dere wottadarata bolla mashshay yaana; isttika maccassata mala gidana; mashshay izi aqota ubbaa bolla yaana; isttika bonqqettana.

ኤርማሳ ቲንቢቴ 51:13

Hanne daro shaafata matan dizaaree! aqotan keeha duretidaaree! Ne dhayana wodey gakkides; nees wurseththi gakkides» gees.

ኤርማሳ ቲንቢቴ 51:53

Baabilooney pude salo kezikokka, dhoqqu gida mino miixa ooththikokka tani dhayssizayta izi bolla yeddana» gees.