ኢሳያሳ ቲንቢቴ 45:14 - Geeshsha Maxaafa

¹⁴ GODAY, «Gibxe dureteththinne Tophphiya zal7ey, qasse geesan adus gidida Saaba asatikka neekko yaana; neyta gidana. Istti nena kaallana; sansalatan qashetti neekko yiidi nees goynnana; isttas, ‹Tumappe GODAY nenara dees; izappe attiin hara Xoossi deenna› giidi woossana» gees.

ጋሞ ማጻፋ

¹⁴ ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

ኢሳያሳ ቲንቢቴ 45:14 ပူးပေါင်းရင်းမြစ်များ

ሜቴ ማጻፋ 27:29

Kawoteththati nees haarettetto; asi wuri nees gulbato; neni ne ishatas godaa gida; ne aayey zereththi nees gulbato; nena qanggizay qanggettidaaz gido; nena anjjizay anjjettidayssa gido» gides.

2ሳሜላ ማጻፋ 21:20

Qasseka Geeten dendida olan izas issi issi kushe bollanne issi issi toho bolla usuppun biradhdhey, issi bolla nam7u tammanne oyddu biradhdheti diza issi wolqqama asi dees; izi Erafaye zereththa.

ኣስቴሪ ማጻፋ 8:17

Kawoza awajjay gakkida deretaninne katamata ubbaan Ayhudatas ufayssinne miichcha, gibira gallassinne kaassa gallas gidides; hara kawoteththati ubbay Ayhudatas babbida gishshas Ayhudateththan laamettida.

ኢዮቤ ማጻፋ 1:15

Saaba dere asati yiidi nu bolla ola denththidi ubbaaka di7i ekki bida; ne aylleta ubbatakka mashshan wodhida; tani xalala attada hanida ubbaa nees yootanaas yadis» gides.

ኢዮቤ ማጻፋ 11:19

Ne oonaska babbontta ichchana; daro asatikka ne sinththan bonchcho demmanaas koyana.

ዬ ማጻፋ 149:6

Istta doonan Xoossa galatay, istta kushenkka qara giththa mashshay de7o.

ዬ ማጻፋ 149:8

Istta kawota sansalatan, istta ola qaratakka biratan qachchana.

ኬሳ ማጻፋ 11:8

Ne sunththida daannati wuri taakko yiidi, ta sinththan gufanni ziggidi, ‹Kezada barkkii! Nena kaalliza asay wurikka bo!› gaana. Hessafe guye tani baana» gides. Musey daro hanqettidi iza sinththafe kezidi bides.

ኢሳያሳ ቲንቢቴ 10:33

Be7ite GODAY, Ubbaafe Wolqqama GODAY ba gita wolqqan haggata qanxxereththana; adussa miththatikka shiretti wodhdhana; dhoqqu dhoqqu gidaytikka kundana.

ኢሳያሳ ቲንቢቴ 18:1

Tophphiya shaafata matan diza giirettiza qefey diza biittays aayye ana!

ኢሳያሳ ቲንቢቴ 18:7

He wode GODAAS Ubbaafe Wolqqama Xoossaas adussanne liiqo asaappe, matappe haahoppe yayyiza dereppe, wolqqamanne iza qaalay erettontta dereppe, shaafati shaakki biza kawoteththafe imotay yaana; medheteththa GODAY dizaso pude Xiyoone zuma bolla yaana.

ኢሳያሳ ቲንቢቴ 19:21

GODAY bana Gibxetas qonccisana; isttika he gallas GODAA erana; yarshoninne kaththa yarshon iza goynnana. Istti GODAAS adinettana; ba adinettidayssaka gaththana.

ኢሳያሳ ቲንቢቴ 19:22

GODAY Gibxe boshan shocana; zaaridikka istta paththana; isttika GODAAKKO simmana; izikka istta woosa siyidi istta paththana.

ኢሳያሳ ቲንቢቴ 23:18

Gidikkoka iza demmida ubbaynne wodhey GODAAS dummatana; dagattennanne suuddenna; izi wodhey GODAA sinththan de7izaytas palahida kaththinne lo7o may7o gidana.

ኢሳያሳ ቲንቢቴ 43:3

Gaasoykka tani GODAA ne Xoossay, Isra7eele Geeshshay nees dhale; Ta ne gishshas Gibxe wozzo immana; Tophphiyanne Seeba ne gishshas aaththa immana.

ኢሳያሳ ቲንቢቴ 44:8

Yayyofte; dagammofte. Hayssa tani inttes yootabeekkinaa? Beniisofe ta inttena erisabeekkinaa? Hessas intte ta markkata. Taappe attiin hara xoossi dizee? Mulekka deenna; woykko hara Zaallay dizee? Deenna; ta oonakka erikke» gees.

ኢሳያሳ ቲንቢቴ 45:24

«Istti ta gishshas haasayshe, ‹Xilloteththinne wolqqay GODAAN xalla dees› gaana» gees. Iza bolla hanqon dendidayti ubbay izakko yiidi yeellatana.

ኢሳያሳ ቲንቢቴ 49:23

Kawoti nena dichchiza aawata gidana; istta machcheti nena dichchiza aayeta gidana; istti gufannidi nees goynnana; ne toho bollafe baanaakka laaccana; nekka tani GODAA gididayssa erana; tanan hidota ooththizayti yeellatettenna» gees.

ኢሳያሳ ቲንቢቴ 54:3

Neni ushachcha baggaranne hadirsa baggara aakkana; ne zareti kawoteththata laattana; histtidi aykkoy baynda istta katamatan istti daana.

ኢሳያሳ ቲንቢቴ 55:5

Be7a, neni erontta kawoteththata xeygana; nena erontta kawoteththati neekko eeson yaana. Gaasoykka GODAA ne Xoossay Isra7eele Geeshshay ba bonchchon nena dhoqqu dhoqqu histtides» gees.

ኢሳያሳ ቲንቢቴ 60:3

Kawoteththati ne poo7okko, kawotikka ne wontta xalqqeko yaana.

ኢሳያሳ ቲንቢቴ 61:9

Istta zareti kawoteththata giddon, istta nayti dere giddon erettidayta gidana; istti be7iza ubbay GODAY anjjida dere gididayssa erana;

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ሂዚቄላ ቲንቢቴ 23:42

«Kaa7iza asata kachchi izi yuushon dees; shiro medhdhiza asatara bazzofe yida maththottizayti deettes; maccassay bollanne izi michchey bolla sagayo, istta hu7enkka kayshiza kallachcha woththida.

ሂዚቄላ ቲንቢቴ 31:3

Iza haggay woraas kuwa gididi daro luule gididi iza xeeray salo gakki diichiza Libaanoose ziga misatiza Asoore xeellite.

ኢዩኤሌ ቲንቢቴ 3:8

Intte macca naytinne attuma nayti Yuhuda asaas bayzettana mala ta ooththana; isttika haaho deren diza Saabaane asaas aaththi bayzana; hayssa wursa yootiday tana GODAA.

ታይቦ ማጻፋ 13:32

Istti xomosi xeellana bida dereza gishshas Isra7eele asaas ehi yootida yo7oy asaas diza hidota qanxxisiza yo7o; istti qasseka, «Nuni izo xomosi xeellida biittaya izin daanaas biza as mittiza biitta; nuni heen beyda asaykka geesanne gubba gita.

1ቆሮንቶሴ ኣሳስ 14:25

Izaadey ba wozinan qotti woththidaazi wuri qonccananne izikka ba baggara, «Tumappe Xoossi inttenara dees» giidi gufanni Xoossas goynnana.

1ታሶሎንቄ ኣሳስ 1:9

Intte nuna wostti mokki ekkidaakkonne de7on diza tumu Xoossaas ooththanaas intte eeqatappe Xoossaako waani simmidaakko asay intte gishshas haasayees.

ዮሃኒሳ ኣጁታ 3:9

Hessa gishshas baas Ayhuda gidontta dishe bana Ayhuda gizayti heyti Xala7e maabarappe gidida wordoti yiidi ne toho bolla kundana mala ta ooththana; tani nena siiqidayssa istti erana mala ta ooththana.