ኢሳያሳ ቲንቢቴ 44:8 - Geeshsha Maxaafa

⁸ Yayyofte; dagammofte. Hayssa tani inttes yootabeekkinaa? Beniisofe ta inttena erisabeekkinaa? Hessas intte ta markkata. Taappe attiin hara xoossi dizee? Mulekka deenna; woykko hara Zaallay dizee? Deenna; ta oonakka erikke» gees.

ጋሞ ማጻፋ

⁸ ያዮፍቴ፤ ዳጋሞፍቴ። ሃይሳ ታኒ ኢንቴስ ዮታቤኪና? ቤኒሶፌ ታ ኢንቴና ኤሪሳቤኪና? ሄሳስ ኢንቴ ታ ማርካታ። ታፔ ኣቲን ሃራ ጾሲ ዲዜ? ሙሌካ ዴና፤ ዎይኮ ሃራ ዛላይ ዲዜ? ዴና፤ ታ ኦናካ ኤሪኬ» ጌስ።

ኢሳያሳ ቲንቢቴ 44:8 ပူးပေါင်းရင်းမြစ်များ

ኢሳያሳ ቲንቢቴ 43:10

«Intte tana erana malanne ammanana mala, izi tana gididayssa intte akeekana mala, ta markkatinne ta doorida ta aylleti inttena. Taappe kase hara xoossi oosettibeenna; taappe guyenkka hara xoossi deenna.

1ሳሜላ ማጻፋ 2:2

«GODAA mala geeshshi oonikka deenna; neeppe attiin haray deenna; nu Xoossaa mala Zaallay deenna.

ዛሬ ማጻፋ 4:35

GODAY iza xalla gididayssa intte erana mala hayssa izi inttena bessides; izappe attiin hara Xoossi deenna.

ዛሬ ማጻፋ 4:39

«Hessa gishshas salonkka sa7ankka GODAY izi xalla Xoos gididayssanne izappe hara Xoossi bayndayssa erite; intte wozinan woththite.

ዮሃኒሳ ሚሺራቾ 10:30

Taninne ta aaway nu issino» gides.

ዮሃኒሳ ሚሺራቾ 1:1

Qaalay kase koyro dees. Qaalaykka Xoossa achchan dees. He qaalaykka Xoossa.

ኢዩኤሌ ቲንቢቴ 2:27

Isra7eele asatoo tani intte giddon dizayssanne GODAA intte Xoossi tana xalla gididayssanne taappe haray bayndayssa intte erana; hessafe guye ta dereza yeellay gakkenna» gides.

ኢሳያሳ ቲንቢቴ 44:6

Isra7eele kawoynne istta wozzizay, GODAY Ubbaafe Wolqqama Xoossay, «Koyroy tana; wurseththika tana. Taappe hara Xoossi baawa.

ዬ ማጻፋ 18:31

Xoossafe attiin hara xoossi oonee? nu GODAAPPE attiin hara zaallay oonee?

2ሳሜላ ማጻፋ 22:32

GODAAPPE attiin hara Xoossi oonee? nu Xoossaafe attiin zaallay oonee?

ዛሬ ማጻፋ 32:39

«Tani xalla Xoos gididayssa erite; taappe hara Xoossi deenna; wodhizaykka paxa woththizaykka tana; tani madunththayssinne paththays; ta kusheppe oonikka inttena ashshenna.

ኢሳያሳ ቲንቢቴ 46:9

Kase beni wode hanida yo7ota akeekite; tani Xoossa; taappe haray deenna; tani Xoossa; ta malay oonikka deenna.

ዳኔላ ቲንቢቴ 6:22

Gaammoti tana qohontta mala Xoossi ba kiitanchcha taakko kiittidi istta doona gordides; izi hessaththo ooththiday tani iza achchan xillonne nenakka tani qohonttayssa izi eriza gishshassa» gi zaarides.

ዳኔላ ቲንቢቴ 4:25

Neni ne derezappe shaakettada goodettana; nees duussasoyka wora do7atara gidana; laappun layththi polettana gakkanaas neni mehe mala maata maana; neni kenchchon musana; hessi wuri nena gakkanay Ubbaafe Dhoqqa Xoossay kawota ubbaa bolla izas godateththi dizayssanne izi kawoteththa wursika ba dosidaades immizayssa ne shaakka erana gakkanaassa.

ዳኔላ ቲንቢቴ 2:47

Kawozi Daaneela, «Hayssa xuura yo7oza ne birshana dandayda gishshas tumappe intte Xoossay xoossatas Xoossa; izi kawotas Goda; izi xuura qonccisiza Xoossa» gides.

ዳኔላ ቲንቢቴ 2:28

Gido attiin xuura yo7o ubbaa qonccisiza Xoossi salon dees; izi buro sinththafe yaana layththatan hananayssa ubbaa nees qonccisides; neni ne hiiththan ichcha dashe be7ida agumoynne ajjuutay hayssafe kaallizayssa.

ኤርማሳ ቲንቢቴ 10:7

Abeet kawoteththatas kawoo! Nees yayyonttay oonee? Nees bonchchoy bessees; gaasoykka aadho eranchchata garsaninne istta kawoteththata ubbaa garsan ne malay deenna.

ኢሳያሳ ቲንቢቴ 48:5

Hessa gishshas hayta ha yo7ota beni ta nees yootadis; istti polettanaappe sinththan ta nena erisa woththadis; hessika, ‹Ta eeqa xoossati hayssa ooththida; miththafe masettida misletinne biratappe oosettida ta xoossati hayssa taas azazida› gontta malassa.

ኢሳያሳ ቲንቢቴ 44:2

Nena medhdhiday, ne aayey ulon ooththiday, nena maaddiza GODAY, ‹Ta ashkara Yaaqoobee! Tani doorida Yishuruune! Yayyofa.

ኢሳያሳ ቲንቢቴ 43:12

Tani qonccisadis; ashshadissinne yootadis; intte giddon hara allaga xoossi de7ibeenna. Tani Xoossa gididayssas intte ta markkatta.

ኢሳያሳ ቲንቢቴ 42:9

Be7ite beni yo7oti polettida; ha7i tani ooraththa miish awajjays; izi mokkanaappe sinth ta inttes yootays» gees.

ኢሳያሳ ቲንቢቴ 30:29

Omars geeshsha ba7aale intte bonchchishe yexxizayssaththo intte yexxana; GODAA zumaakko Isra7eele Zaallaako asay susul7e susul7ishe ufayssan kezizayssaththo intte wozinay ufayettana.

ኢዝራ ማጻፋ 8:22

Hayssafe sinththan ta kawo Arxekisisi erisiza wode «Nu Xoossay izan ammanettizayta ubbaa anjjees; iza aggizayta gidikko keehi qaxxayees» gaada ta qonccisida gishshas nunara ogen gaaggana morkketappe nuna naagana mala kawoza wottadaratanne toga asata imma gaada oychchidaakko yeellatanakoshin.

ኢዝራ ማጻፋ 1:2

Paarise kawo Qiroosi awajjan kessida azazoy, «GODAA Salo Xoossay tana biitta kawoteththata ubbaa ayssana maata taas immides; Yuhuda biittan diza Xoossa Keeth Yerusalaamen ta izas keexxana mala azazides.

ዛሬ ማጻፋ 32:31

Haray attoshin nu morkketi istta xoossay laafa gididayssanne Isra7eele Xoossaa mala gidonttayssa ereettes.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

ሜቴ ማጻፋ 48:19

Gido attiin iza aaway ixxidi izas, «Ta naazoo! Ta erays; izikka gita dere gidana. Gidikkoka kaalo ishay izappe aadhdhi gitatana; iza zereththayka daro gita kawoteth gidana» gides.

ሜቴ ማጻፋ 46:3

«Tani Xoossay ne aawa Xoossa; neni duge Gibxe baanaas babbofa; ays giikko tani nena heen gita kawoteth kessana.

1ዮሃኒሳ ኪታ 1:2

De7oykka qonccides; nunikka nu ayfera be7idi markkattoos. Izas iza Aawaa achchan dizayssanne nuuska qonccida mernaa de7o gishshas nu inttes yootoos.

Ibirawe 12:1

Hessa gishshas shaara mala nuna yuuyi aadhdhida daro markkati nuus dishin nuna deexxiza toohonne qasse nuna qachchi oykkiza nagara wursi nuuppe wora yeggidi nu sinththan diza woththaa genccaninne dandayan ane woxxoos.

ሃዋሬታ ኦሶ 14:15

«Hayto asatoo! Hayssa aazas ooththeetii? Nunikka intte mala asakko! Intteka qasse hayssa mela hada yo7oppe haakkidi salonne sa7a, abbaka, abbata giddon dizayta ubbaa medhdhida de7o Xoossaako intte simmana mala inttes mishiraachcho qaala sabbakoos.

ሃዋሬታ ኦሶ 1:8

Gido attiin Xillo Ayanay intte bolla wodhdhida wode intte wolqqa ekkana. Yerusalaamenkka, Yuhudankka, Samaariyankka ubbason biitta gaxa gakkanaas intte taas markkatta gidana» gides.

ዮሃኒሳ ሚሺራቾ 6:10

Yesusikka zaaridi, «Asaa ubbaa utisite» gides; heen daro maatay diza gishshas asay uttides; asaa qoodaykka ichchashu shii gidizaaza.

ዬ ማጻፋ 86:10

Neni gita; malalisiza miish ooththaasa. Neni xalla Xoossa.

ኢሳያሳ ቲንቢቴ 17:10

Nena ashshiza Xoossaa baladasa; ne izan qotetta attiza ne zaallaka akeekabeekka; hessa neni doorettida atakilte tokkikokka, ooraththa zereth ne zerikkoka,

ኢሳያሳ ቲንቢቴ 26:4

Mernaas GODAAN ammanettite; GODAY nuus mernaa Zaalla.

ኢሳያሳ ቲንቢቴ 41:23

Intte xoossata gididayssa nu erana mala, sinththafe hanana miishshata nuus yootite; nuni dagammana malanne yayyana mala, lo7o gidiin woykko iita miish ooththite.

ኢሳያሳ ቲንቢቴ 43:11

Tana; tani GODAA; Taappe attiin hara ashshizay deenna.

ኢሳያሳ ቲንቢቴ 45:19

Ta dhuma biittan geeman yootabeekke; Yaaqoobe zereththatas, «Tana coo hada koyite» gabeekke. Tani GODAY tuma haasayays; suure yo7o awajjays.

ኢሳያሳ ቲንቢቴ 48:3

«Kase hanida miishshata tani daro wodeppe sinththan yoota woththadis; ta doonappe kezides. Istti erettana malakka tani ooththadis; ta dingate ooththiin isttika polettida.

ዬ ማጻፋ 18:32

Taas wolqqa immizaynne ta oge saro ooththizay Xoossa.

ኢሳያሳ ቲንቢቴ 43:9

Kawoteththati ubbay issife shiiqetto; asaykka issi bolla shiiqo; isttafe kasetidi hayssa nuus yootiday oonee? Beni miish nuus awajjiday oonee? Harati siyidi, «Hayssi tuma» gaana mala, istta tumateththayka qonccana mala bantta markkata ehetto.