ኢሳያሳ ቲንቢቴ 44:3 - Geeshsha Maxaafa

³ Tani saamettida biittan haath gussana; mela biittankka shaafa gogisana. Tani ta Ayana ne zereththa bolla, ta anjjo nees naa naa bolla gussana.

ጋሞ ማጻፋ

³ ታኒ ሳሜቲዳ ቢታን ሃ ጉሳና፤ ሜላ ቢታንካ ሻፋ ጎጊሳና። ታኒ ታ ኣያና ኔ ዜሬ ቦላ፥ ታ ኣንጆ ኔስ ና ና ቦላ ጉሳና።

ኢሳያሳ ቲንቢቴ 44:3 ပူးပေါင်းရင်းမြစ်များ

ኢዮቤ ማጻፋ 5:25

Ne zereththay daranayssa ne erana; ne zereththayka demban diza maata mala darana.

ዬ ማጻፋ 107:35

Izi bazzon haath eelissides mela biittan pulttoy dhuuqqana mala ooththides.

ዬ ማጻፋ 63:1

Abeet Xoossawu! Neni ta Xoossa; ta nena wozinappe koyays; ta ashoykka nena amottees. Haaththi baynda mela biittay haath koyza mala ta asateththay nena saamettees.

ሌሚሶ ማጻፋ 1:23

Ta seeran intte simmidaakko, tani ta qofa inttes qonccisanakkoshin; ta qaalakka inttena tamaarsanakkoshin.

ኢሳያሳ ቲንቢቴ 27:3

Tani GODAY iza naagays; tani ubbaa gallas haath ushshays; omarsinne gallas iza naagays; hessa gishshas ooninne iza qohenna.

ኢሳያሳ ቲንቢቴ 32:15

Hessika hananay Ayanay nuus bollafe gukkanaashe, bazzo biittay aradda gidanaashe, aradda biittay wora misatanaashe gakkanaassa.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ኢሳያሳ ቲንቢቴ 41:17

Hiyeesatinne metotanchchati haath koyana; gido attiin aykkoka demmettenna; haaththa saamon isttas poorandey melides; Gido attiin tani GODAY isttas zaaro immana; tani Isra7eele Xoossay istta yegga aggike.

ኢሳያሳ ቲንቢቴ 48:19

Ne zereththi abba shaamintta mala, ne naytikka qooday baynda gudulla mala gidanashin; istta sunththi qucettenna; ta sinththafe dhayettennashin» gees.

ኢሳያሳ ቲንቢቴ 48:21

Izi istta bazzo biittara kaaleththishin istti saamettibeettenna. Izi isttas zaallafe haath pulttisides; izi zaallaa phalqides; haaththika dhuuqqi kezides.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኢሳያሳ ቲንቢቴ 55:1

GODAY, «Intteno saamettidaytoo ubbayka haa yiite! Haaththaako haa yiite; Intteno miishshi bayndaytoo shammite; miite. Haa yiite; miishshi bayndanne qanxxontta woyne ushshinne maath shammite.

ኢሳያሳ ቲንቢቴ 59:21

Qasseka GODAY, «Ta baggara taassinne isttas diza caaqo qaalay hayssa; intte bolla diza ta Ayanaynne tani intte doonan woththida ta qaalay hachchife doommidi mernaa gakkanaas, intte doonappe, intte nayta doonappenne intte zereththa doonappe shaakettenna» gees.

ኢሳያሳ ቲንቢቴ 61:9

Istta zareti kawoteththata giddon, istta nayti dere giddon erettidayta gidana; istti be7iza ubbay GODAY anjjida dere gididayssa erana;

ኢሳያሳ ቲንቢቴ 65:23

Istta daaburay hada attenna; qaada iita naakka yelettenna; isttinne istta zereththi GODAY anjjida dere gidana.

ሂዚቄላ ቲንቢቴ 34:26

Istta yuushoninne ta zumbullata yuushon dizasohota ta anjjana. Woden woden ta isttas ira immana; izikka isttas anjjo ira gidana.

ሂዚቄላ ቲንቢቴ 36:27

Tani ta Ayana intte giddon ayssana; intte ta maaraa kaallana malanne ta wogaa minththi naagana mala ooththana.

ሂዚቄላ ቲንቢቴ 39:29

Tani Ayana Isra7eele asaa bolla gussana gishshas hayssafe guye tani ta ayfeso isttafe genththike. Tani Ubbaa Haariza GODAY hayssa yootays› gees» gides.

ሂዚቄላ ቲንቢቴ 47:8

Izi tana, «Haaththay arshe kessa bagga biittako goggidi Arabe Zullen gelees. Izi hessan goggidi Maxine abban geliza wode he haaththazi ooraxidi xillo haath kezees.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ኢዩኤሌ ቲንቢቴ 2:27

Isra7eele asatoo tani intte giddon dizayssanne GODAA intte Xoossi tana xalla gididayssanne taappe haray bayndayssa intte erana; hessafe guye ta dereza yeellay gakkenna» gides.

ኢዩኤሌ ቲንቢቴ 2:28

GODAY, «Hayssafe guye tani asa ubbaa bolla ta Ayana gussana; intte macca naytinne attuma nayti tinbite haasayana; cima asaykka agumo agumettana; yelaga naateththati ajjuuta beyana.

ኢዩኤሌ ቲንቢቴ 3:1

Xoossi, «He wode tani Yerusalaameppenne Yuhudappe di7etti ekettida miish ubbaa zaarana.

ኢዩኤሌ ቲንቢቴ 3:18

«He wode zumati wurikka woyne miththan kumana; zumbullan daro maaththa miizati heemettana; GODAA Keeththafe pulttoy pulttana; Yuhuda deren diza shaafata ubbaa haaththi kumana; Shiixime shoobbay haath kallana.

ሚኪያሳ ቲንቢቴ 5:7

Yaaqoobe zereththafe attidayti daro dere giddon Xoossa achchafe wodhdhiza ira mala maata bolla loddara puusishe biitta kaaleththiza puuse ira mala asappe aykkoka koyontta asa gidana.

ዛካራሳ ቲንቢቴ 12:10

«He wode Dawite keeththa asaa bollanne Yerusalaamen diza asaa bolla kiyateththa ayananne woosa ayana ta gussana; tana caddidayti taakko xeellana; isttika asi baas diza issi nay hayqqiin yeekkiza asa mala izas yeekkana; bayra naas asi yeekkiza mala camo yeeho yeekkana.

Maatosa 12:43

«Tuna ayanay asappe kezidi shempo demmanaas haaththi baynda mela biittan daaburees. Gido attiin ba koyza shemppoza demmenna.

ሃዋሬታ ኦሶ 10:45

Qaxxarettidayta baggafe Phexroosara yida ammanizayti Xillo Ayana imoteththi Ayzaabeta bolla wodhdhishin be7idi malalettida.

ሃዋሬታ ኦሶ 2:17

« ‹Xoossi Wurseththa gallas ta Ayana asho may7ida ubbaa bolla tani gussana; intte macca naytinne intte attuma nayti tinbite haasayana; yelaga nayti ajjuuta beyana; cimati agumo agumettana.

ሃዋሬታ ኦሶ 2:33

Hessa gishshas izi Xoossa ushachchan dhoqqu dhoqqu gidaappe guye Xillo Ayana ufayssaa ba aawappe ekkidi ha7i intte be7izayssanne siyizayssa duge gussides.

ሃዋሬታ ኦሶ 2:39

Ufayssa qaalay inttessinne intte naytassa; qasseka Godaa Xoossi baakko xeygiza haahon dizaytassara ubbaassa» gides.

ዮሃኒሳ ኣጁታ 21:6

Hessafe guye taas, «Polettides! Alfaynne Oomegay; Koyroynne Wurseththi tana; saamettidaades tani de7o pultto haath miishshe qanxxisontta izas coo mela immana.

ዮሃኒሳ ኣጁታ 22:17

Xillo Ayanaynne iza mishiraya, «Haa ya!» geettes; hessa siyizaadeyka, «Ne haa ya!» go. Saamettidaadeyka haa yo; koyidaadey de7o haaththe aykko waagakka qanxxontta coo mela uyo.