ኢሳያሳ ቲንቢቴ 43:7 - Geeshsha Maxaafa

⁷ ta sunththan xeygettida ubbaa, ta bonchchos ta medhdhidayta, tani giigsidayssanne ta ooththidayssa hammite» gaana.

ጋሞ ማጻፋ

⁷ ታ ሱንን ጼይጌቲዳ ኡባ፥ ታ ቦንቾስ ታ ሜዳይታ፥ ታኒ ጊግሲዳይሳኔ ታ ኦዳይሳ ሃሚቴ» ጋና።

ኢሳያሳ ቲንቢቴ 43:7 ပူးပေါင်းရင်းမြစ်များ

ዬ ማጻፋ 100:3

GODAY Xoossa gididayssa erite; nuna medhdhiday iza; nuni izayta; nuni iza asati izi heemmiza dorsa wudeta.

ዬ ማጻፋ 50:23

Taas galata immiza asi tana bonchchees. Suure ogera biza as tani atoteththaa bessana» gees.

ኢሳያሳ ቲንቢቴ 27:11

Izi xeeray melidi meqqana; maccassatikka mixi eeththana; akeekay baynda dere gidida gishshas iza medhdhiday izas qadhettenna; ooththidayssika iza maarenna.

ኢሳያሳ ቲንቢቴ 29:23

Bantta giddon ta kushe ooso gidida bantta nayta be7ishe ta sunththaa geeshshateththan naagana; istti Yaaqoobe Geeshshaza geeshshateth erana; Isra7eele Xoossaa sinththan yashshateththan eqqana.

ኢሳያሳ ቲንቢቴ 43:1

Ha7i gidikko Yaaqoobe, nena medhdhiday, Isra7eele! Nena giigsida GODAY, «Tani nena wozzida gishshas yayyofa. Tani nena ne sunththan xeygadis; neni taassa.

ኢሳያሳ ቲንቢቴ 43:21

Tani taas giigsida derey ta galataa awajjana mala ta hayssa ooththana.

ኢሳያሳ ቲንቢቴ 44:23

GODAY hayssa ooththida gishshas Salotoo yexxite; ciimma biittatoo ufayssan ililite. Intteno zumatoo, intteno woratoo, miththatoo ubbay ililite; gaasoykka GODAY Yaaqoobe wozzides; ba bonchcho Isra7eele bolla qonccisides.

ኢሳያሳ ቲንቢቴ 46:13

Tani ta xilloteththaa ehon days; haaho gidenna. Ta atoteththay gam7enna; tani Xiyoone atoteth. Isra7eele bonchcho mayzana» gees.

ኢሳያሳ ቲንቢቴ 48:11

Ta gishshas gaada, tani ta gishshas gaada ooththays. Tarkka tana wostta kawushshateththas aaththa immoo? Ta bonchcho oonaska immike.

ኢሳያሳ ቲንቢቴ 56:5

ta Keeththaninne ta gimbeta giddon attuma naytappenne macca naytappe aadhdhiza hassa7issiza miishshinne sunth isttas immana; mernaas dhayontta sunth ta isttas immana.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 63:19

Hekko beniisofe nuni neyta; gido attiin istta neni haarabeekka; istti ne sunththankka xeygettibeettenna.

ኤርማሳ ቲንቢቴ 14:9

Neni hanizaazi dhayda asa mala, ashshanaas wolqqay dhayda olanchcha mala ays giday? Abeet GODAWU! Neni nu giddon daasa; nunikka ne sunththan xeygettidos; nuna neni aggofarkkii!» gides.

ኤርማሳ ቲንቢቴ 33:16

He wode Yuhuda asay attana; Yerusalaame asaykka saron daana; izakka, ‹GODAY Nuus Xilloteththa› gaana.

ዳኔላ ቲንቢቴ 9:18

Abeet Xoossawu! Ne hayththaa taakko zaarada ta woosaa siya; ne ayfe doy7ada nu dhayzayssanne ne sunththi xeygettida katamayo be7a; Nuni nena woossizay ne gita maaroteththaan ammanettidi attiin nu xilloteththan ceeqettidi gidenna.

ዳኔላ ቲንቢቴ 9:19

Abeet Godawu! Nu woosa ezga! Nuna maara! Neni siyada ooththa! Hanno katamayninne deraa bolla ne sunththi xeygettides; Godo ne sunththaa gishshas gaada gam7ofa» ga woossadis.

ኣሞጼ ቲንቢቴ 9:12

Hessaththoka Eedoome deren attidaytanne ta sunththan xeygettida dereta ubbaa istti laattana» gees GODAY.

ዮሃኒሳ ሚሺራቾ 15:8

Daro ayfe intte ayfishin ta Aaway bonchchettees; intte tana kaallizayta gididayssi hessan erettana.

ሃዋሬታ ኦሶ 11:26

Iza demmidi Anxokiya ekki yides; nam7ayka heen diza Woosa Keeththa asaara gididi layth kumeth daro dere tamaarsida. Heen Anxokiyan ammanizayti koyro, «Kirsaane» geetetti xeygettida.

ኦሮሜ ኣሳስ 9:23

Koyro bonchchos giigsida iza maaroteth bessizaytas iza bonchcho dureteththi erettana mala izi ooththanaassa.

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

ጋላቲያ ኣሳስ 6:15

Qaxxarettiin woykko qaxxarettontta aggiin izas go7ay baa; go7ay ooraththa medheteth gideththa.

ኤፌሶኔ ኣሳስ 1:12

Nuni kasetidi Kirstoosa baggara ekkana giidi ufayssan naagizayti Xoossa bonchcho galatan qonccisanaassa.

ኤፌሶኔ ኣሳስ 1:6

Hessika ba dosizaade baggara coo mela nuus imettida bonchcho kiyateththi galatettana malassa.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

ያቆቤ ኪታ 2:7

Inttenan xeygettida bonchcho Xoossaa sunth zigirzayti istta gidettennee?

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

1ጴጽሮሳ ኪታ 4:11

Tamaarsizaadey Xoossa qaala tamaarsiza mala tamaarso; haggazizaadey Xoossi izas immiza wolqqan haggazo; hessa malan Xoossi Yesus Kirstoosa baggara haniza ubbaan galatettana; bonchchoynne godateththi mernaappe mernaa gakkanaas izas gido. Amiin!

1ጴጽሮሳ ኪታ 4:14

Intte Kirstoosa sunththaa gishshas cayettiko bonchcho Ayanay hessika Xoossa Ayanay intte bolla shempiza gishshas ufayettite.

ዮሃኒሳ ኣጁታ 3:12

Xoonidaade tani ta Godaa Xoossaa Keeththan tuus ooththana; izi heeppe mulekka kezenna. Ta Godaa sunththinne ta Godaa katamaza sunththika ta iza bolla xaafana. Hanna katamaya saloppe ta Godaa achchafe wodhdhana ooraththa Yerusalaame; tanikka ta ooraththa sunththaa izaade bolla xaafana.

1ሳሜላ ማጻፋ 12:22

GODAY inttena ba dere histtanaas dosida ba gita sunththaa gishshas ba deraa aggenna.