ኢሳያሳ ቲንቢቴ 43:19 - Geeshsha Maxaafa

¹⁹ Hekko ta ooraththa miish ooththana; izikka ha7i hanana; intte yuushshi qoppeketii? Tani bazzon oge giigsana; tani aykkoy baynda bazzonkka shaafata kessana.

ጋሞ ማጻፋ

¹⁹ ሄኮ ታ ኦራ ሚሽ ኦና፤ ኢዚካ ሃኢ ሃናና፤ ኢንቴ ዩሺ ቆፔኬቲ? ታኒ ባዞን ኦጌ ጊጊሳና፤ ታኒ ኣይኮይ ባይንዳ ባዞንካ ሻፋታ ኬሳና።

ኢሳያሳ ቲንቢቴ 43:19 ပူးပေါင်းရင်းမြစ်များ

ዬ ማጻፋ 105:41

Izi zaalla phalqiin haaththi pulttides; shaafa malakka duge bazzo goggides.

ዬ ማጻፋ 126:4

Abeet GODAWU! Negebe Bazzon ira bukisada shaafa haaththan kunththiza mala nu duussa ooraththa.

ኬሳ ማጻፋ 17:6

Tani Siina zuman diza zaallaa bolla heen ne sinththan eqqada naagana; neni he zaallaa shoca; asay uyana mala haaththi izappe kezana» giin Musey Isra7eele cimata sinththan izi gida mala ooththides.

ኢሳያሳ ቲንቢቴ 30:25

Asay wuriza wolqqama gallassan miixati laalettishin gita zumata ubbata bollafenne zumbullata ubbata bollafe duge haaththi goggana.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ኢሳያሳ ቲንቢቴ 33:21

Heen GODAY nuus wolqqa gidana; he sohoy dalga shaafanne kanchche gidana; wogoloy iza bollara baanaas dandayenna; gita markabetikka iza bollara beettenna.

ኢሳያሳ ቲንቢቴ 35:1

Bazzoynne mela biittay ufayettana; aykkoy baynda bazzoy ufayettana; ciishsha malakka ciiyana.

ኢሳያሳ ቲንቢቴ 41:18

Tani bulattida zumbullata bolla shaafata, shoobbatan pulttota dhuussana; bazzo biitta eele haath, saamettida biittaan haaththa pultto kessana.

ኢሳያሳ ቲንቢቴ 41:19

Bazzo biittan ziga, odoro, barseneetenne, wogara mith moyzana; aykkoy baynda bazzon xiidda, guunththanne oonth tokkana.

ኢሳያሳ ቲንቢቴ 42:9

Be7ite beni yo7oti polettida; ha7i tani ooraththa miish awajjays; izi mokkanaappe sinth ta inttes yootays» gees.

ኢሳያሳ ቲንቢቴ 48:5

Hessa gishshas hayta ha yo7ota beni ta nees yootadis; istti polettanaappe sinththan ta nena erisa woththadis; hessika, ‹Ta eeqa xoossati hayssa ooththida; miththafe masettida misletinne biratappe oosettida ta xoossati hayssa taas azazida› gontta malassa.

ኢሳያሳ ቲንቢቴ 48:6

«Hayta ha yo7ota ne siyadasa; ane ubbaaka xeella; istti likke gididayssa neni ne hu7era markkattikii? Ha7ippe doommada ooraththa miishshata, neeppe geemmidaytanne ne erontta yo7ota ta nees yootana.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

ኤርማሳ ቲንቢቴ 23:7

Hessa gishshas asay hayssafe guye iza, ‹Isra7eele asaa Gibxe biittafe kessidi ehida GODAY be7iin› gi caaqqontta wodey yaana gees GODAY.

ኤርማሳ ቲንቢቴ 31:22

Hanne kaddida nayee! Ne ayde gakkanaas toylattanee? GODAY sa7a bolla ooraththa miish medhdhana; hessika maccay adde dooddana» gees.

ኤርማሳ ቲንቢቴ 31:9

Tani istta zaarada ehiza wode istti yeekkishenne woossishe yaana. Tani istta pultto haaththa achchara suure ogera kaaleththana. Gaasoykka tani Isra7eeles aawa; Efreemeykka taas bayra naa.

ታይቦ ማጻፋ 20:11

Hessafe guye Musey ba guufezan zaallaza nam7aa zaari shocides; wolqqama haaththi zaallafe pulttides; derezinne mehey haaththaa uyides.

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

ዛሬ ማጻፋ 8:15

Marze shooshshaynne masimasoy kumida keehi hirgisiza bazzora inttena kaaleththides; izi inttes mela bazzon mino zaallafe haaththe pulttisides.

ዮሃኒሳ ኣጁታ 21:5

He algaa bolla uttidayssika, «Hekko tani wursaka oorath kessana!» gides; qasseka tana, «Hayssi qaalazi ammanettida tumu gidida gishshas ne hayssa xaafa!» gides.