ኢሳያሳ ቲንቢቴ 43:10 - Geeshsha Maxaafa

¹⁰ «Intte tana erana malanne ammanana mala, izi tana gididayssa intte akeekana mala, ta markkatinne ta doorida ta aylleti inttena. Taappe kase hara xoossi oosettibeenna; taappe guyenkka hara xoossi deenna.

ጋሞ ማጻፋ

¹⁰ «ኢንቴ ታና ኤራና ማላኔ ኣማናና ማላ፥ ኢዚ ታና ጊዲዳይሳ ኢንቴ ኣኬካና ማላ፥ ታ ማርካቲኔ ታ ዶሪዳ ታ ኣይሌቲ ኢንቴና። ታፔ ካሴ ሃራ ጾሲ ኦሴቲቤና፤ ታፔ ጉዬንካ ሃራ ጾሲ ዴና።

ኢሳያሳ ቲንቢቴ 43:10 ပူးပေါင်းရင်းမြစ်များ

ዬ ማጻፋ 102:27

Gido attiin awudekka neni nena; ne layththay mulekka wurenna.

ኬሳ ማጻፋ 8:6

Histtiin Aarooney Gibxe haaththata bolla ba kushe piddisiin ooqqarsi kezidi Gibxe biitta may7ides.

ኢሳያሳ ቲንቢቴ 41:20

Hessa gishshas asay hessa be7ananne erana; GODAA kushey hayssa ooththidayssa, Isra7eele Geeshshay medhdhidayssa istti issife yuushshi qoppananne akeekana» gees.

ኢሳያሳ ቲንቢቴ 41:4

Hayssa ooththidaynne poliday yeletaa beniisofe xeygiday oonee? GODAY koyroytarakka wurseththaytarakka dizay tana» gees.

ኢሳያሳ ቲንቢቴ 41:8

GODAY, «Gido attiin nenoo ta ashkara Isra7eele, ta doorida Yaaqoobe, ta laggeza Abrahaame zereththazoo,

ኢሳያሳ ቲንቢቴ 42:1

GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ኢሳያሳ ቲንቢቴ 43:12

Tani qonccisadis; ashshadissinne yootadis; intte giddon hara allaga xoossi de7ibeenna. Tani Xoossa gididayssas intte ta markkatta.

ኢሳያሳ ቲንቢቴ 45:5

Tani GODAA; taappe haray oonikka deenna; taappe hara Xoossi deenna; ne tana erontta aggikokka ta nena minththana.

ኢሳያሳ ቲንቢቴ 45:6

Hessika asay arshey mokkizasoppe biidi arshey wullizaso gakkanaas taappe haray bayndayssa erana malassa. Tani GODAA; taappe haray oonikka deenna.

ኢሳያሳ ቲንቢቴ 48:12

«Nenoo Yaaqoobe, tani xeygida Isra7eele tani gizaa siya. Tani iza; koyroykka tana; wurseththayka tana.

ኢሳያሳ ቲንቢቴ 49:23

Kawoti nena dichchiza aawata gidana; istta machcheti nena dichchiza aayeta gidana; istti gufannidi nees goynnana; ne toho bollafe baanaakka laaccana; nekka tani GODAA gididayssa erana; tanan hidota ooththizayti yeellatettenna» gees.

ኢሳያሳ ቲንቢቴ 55:4

Be7ite, tani iza deraas markka, kaaleththizaadenne ola gadawa ooththadis.

ሃጌ ቲንቢቴ 2:23

He gallas tani ta aylle Salatiyaale naa Zerubaabele ta nena ekkana; ta nena taas maatame shociza qalabate histtana; ta nena dooradis» gides.

ዮሃኒሳ ሚሺራቾ 15:27

Intte koyroppeka tanara diza gishshas taas intteka markkattandeta» gides.

ዮሃኒሳ ሚሺራቾ 20:31

Gido attiin Yesusi izi Masihe, Xoossa naa gididayssa intte erana malanne intte iza sunththan ammanidi de7o demmana mala hayssi xaafettides.

ሃዋሬታ ኦሶ 1:8

Gido attiin Xillo Ayanay intte bolla wodhdhida wode intte wolqqa ekkana. Yerusalaamenkka, Yuhudankka, Samaariyankka ubbason biitta gaxa gakkanaas intte taas markkatta gidana» gides.

1ቆሮንቶሴ ኣሳስ 15:15

Hessafekka bollara, «Xoossi Kirstoosa hayqoppe denththides» giidi nu markkattida markkayka nuna wordo Xoossa markkatta kessideskkaa? Hayqqida asay hayqoppe dendonttaa gidikko Xoossi Kirstoosakka denththibeenna guussa.

ዛሬ ማጻፋ 32:39

«Tani xalla Xoos gididayssa erite; taappe hara Xoossi deenna; wodhizaykka paxa woththizaykka tana; tani madunththayssinne paththays; ta kusheppe oonikka inttena ashshenna.

ዛሬ ማጻፋ 4:35

GODAY iza xalla gididayssa intte erana mala hayssa izi inttena bessides; izappe attiin hara Xoossi deenna.

ዛሬ ማጻፋ 4:39

«Hessa gishshas salonkka sa7ankka GODAY izi xalla Xoos gididayssanne izappe hara Xoossi bayndayssa erite; intte wozinan woththite.

ፒሊጲሲዮሴ ኣሳስ 2:7

Gido attiin aylle medha ekkidi as misatidi barkka bana eeya as kessides.

ቆላሲያሴ ኣሳስ 1:7

Hessaka ha7i nu gishshas gididi Kirstoosas ammanettida oosanchcha gididayssinne nunara issife ooththizanne siiqiza Ephafiray inttena tamaarsides.

ዮሃኒሳ ኣጁታ 1:2

Yohannisikka Xoossa qaalaa gishshassinne Yesus Kirstoosi tamaarsida tumaa gishshas qasseka izi ba ayfen be7idayssaka ubbaa markkattides.

ዮሃኒሳ ኣጁታ 3:14

«Lodoqiya Woosa Keeththa kiitanchchaas, ‹Hayssi amiin› gidayssafe, tumu ammanettida markka gididaadefe, Xoossa medheteththi wuri izappe beettidaadefe yootettidayssa.