ኢሳያሳ ቲንቢቴ 42:5 - Geeshsha Maxaafa

⁵ Salota medhdhiday, istta miccidaykka, sa7anne izin diza ubbaa giigsiday, ba deres peeno izin de7iza asatas shemppo immiza GODAA Xoossay,

ጋሞ ማጻፋ

⁵ ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ኢሳያሳ ቲንቢቴ 42:5 ပူးပေါင်းရင်းမြစ်များ

ሜቴ ማጻፋ 1:1

Xoossi koyro salonne sa7a medhdhides.

ሜቴ ማጻፋ 2:7

Hessafe guye GODAY biittafe issi as medhdhidi iza siidhen de7o shemppo punnin addezi shemppora dizaade gidides.

ኢዮቤ ማጻፋ 12:10

Shemppora paxa diza medheteththi ubbaynne issi issi asa shemppoy Xoossa maata giddon dees.

ኢዮቤ ማጻፋ 27:3

Xoossi tana shemppora woththida wodey gakkanaas,

ኢዮቤ ማጻፋ 33:4

Tana medhdhiday Xoossa Ayana; taas de7o immiday Ubbaa Dandayza Xoossa Ayana.

ኢዮቤ ማጻፋ 34:14

Xoossi ba ayanazanne ba shemppoza; baakko zaari ekkana koyidaakko,

ዬ ማጻፋ 136:6

Biittaa haaththa bollan miccides; iza siiqoy mernaassa.

ዬ ማጻፋ 33:6

Saloti GODAA qaalan medhettida. Iza doonappe keziza peenon salon diza medheteththati medhettida.

ዬ ማጻፋ 96:5

Dere asay goynniza xoossati ubbay eeqa xoossata; gido attiin GODAY salota medhdhida Xoossa.

ኢሳያሳ ቲንቢቴ 37:16

«Abeet GODAWU, Ubbaafe Wolqqama Xoossawu, kirubetappe giddon uttiza Isra7eele Xoossawu, sa7aa kawoteththata ubbaa bolla ne xalla Xoossaa. Salonne sa7a neni medhdhadasa.

ኢሳያሳ ቲንቢቴ 40:12

Haaththata ba kushe kuphphen makkiday, salota tadhdhakiday, baana daachchon makki oykkiday, zumata ba meezaanen, zumbullatakka meezaanen woththiday oonee?

ኢሳያሳ ቲንቢቴ 40:22

Izi biitta yuushoppe bollara ba araatan uttees; biitta bolla diza derey boole mala; salota magalasha mala miccees; duussaso dunkaane mala tokkees.

ኢሳያሳ ቲንቢቴ 40:26

Intte ayfe dhoqqu histtidi pude salo xeellite; haytantta ubbaa medhdhiday oonee? Salo xoolintteta issaa issaa kessizay, istta sunththan sunththan xeygizay iza. Izi ba gitateththaninne ba erateththa minoteththaafe dendidayssan isttafe issoyka dhayenna.

ኢሳያሳ ቲንቢቴ 40:28

Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ኢሳያሳ ቲንቢቴ 44:24

Nena aayi ulon medhdhidi wozzida GODAY, «Ubbaa medhdhada salota tarkka piddisiday, sa7akka micciday tana GODAA.

ኢሳያሳ ቲንቢቴ 45:12

Sa7a ooththiday tana; asikka izi bolla medhdhadis. Salota tani ta kushen toladis; istta bolla salo medhetata woththadis.

ኢሳያሳ ቲንቢቴ 45:18

Salota medhdhiday izi GODAA; biitta giigsidi medhdhiday, sa7as yoch yeggiday, iza asa duussaso gidana mala attiin coo mela woththanaas medhdhontta GODAY, Tani GODAA; taappe haray deenna.

ኢሳያሳ ቲንቢቴ 48:13

Biittaas yoch yeggiday ta kushe; salota micciday ta ushachcha kushe. Ta istta xeygiza wode istti ubbayka issi bolla eqqeettes.

ኢሳያሳ ቲንቢቴ 57:16

Asa ayanay ta sinththan daaburontta mala ta medhdhida asaas peenoy eqqontta mala ta mernaas walassike; ta ubbato hanqettike.

ኤርማሳ ቲንቢቴ 10:12

Ba wolqqan sa7a medhdhiday, ba aadho erateththan alame essiday, ba akeekan salo micciday GODAA.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ኤርማሳ ቲንቢቴ 38:16

Kawo Sedeqiyaasi Ermaasas, «Shemppo nuus immida de7o Xoossi be7iin ta nena wodhikke; nena wodhanaas koyzaytaska ta aaththa immike» giidi qotan caaqqides.

ሂዚቄላ ቲንቢቴ 18:4

Be7ite asa ubbaa shemppoy taassa; yelidayta shemppoy taas gidida mala istta nayta shemppoyka taassa; nagara ooththida shemppoya hayqqana.

ዳኔላ ቲንቢቴ 5:23

Hessafe bollarakka Salo Godaa bolla ne otorettada nerkka nena dhoqqu dhoqqu histtadasa; Xoossa Keeththafe di7etti yida worqqafenne birappe oosettida miishshata neni ehisada, neni ne shuumeti, ne machchetinne ne laggeththoti issife isttan woyne ushshu uyideta; histtidi xeellanaas, siyanaas, akeekanaas dandayonttayta worqqafe, birappe, xarqimalappe, biratappe, miththafenne shuchchafe oosettida eeqa xoossata galatideta; ne shempponne ne oge ba kushen oykkida Xoossaa bonchchabeekka.

ኣሞጼ ቲንቢቴ 9:6

Ba duussaso salo ooththiday, salokka sa7appe bollan minththiday, abba haath azazidi biitta bolla gogissizay izas sunththay GODAA.

ዛካራሳ ቲንቢቴ 12:1

Salo miccida GODAY, sa7a medhdhida GODAY asa naytas de7o shemppo immida GODAY Isra7eele naytas yootida qaalay hayssafe kaallizayssa;

ሃዋሬታ ኦሶ 17:24

Hayssa alamezanne iza giddonkka dizayssa ubbaa medhdhida Xoossi izi salonne sa7a Godaa; hessa gishshas izi asa kushen keexettida keeththan deenna.

ሃዋሬታ ኦሶ 17:25

Izi as ubbaas de7onne shempo; qasseka hara wursi immizayssa gidida gishshas izas paccizaazi baynda gishshas izi asa kusheppe maado ekkenna.

Ibirawe 1:2

Qasse hayssa wurseththa wode bolla wursi laatissidaadenne ha alameza medhdhida ba naaza baggara nuus yootides.