ኢሳያሳ ቲንቢቴ 42:24 - Geeshsha Maxaafa

²⁴ Yaaqoobey bogettana mala, Isra7eeley di7ettana mala ooththiday oonee? Nagara ooththidi nu qohida GODAA gidennee? Istti iza oge kaallanaassinne iza wogaas azazettana koyontta aggida gishshassa.

ጋሞ ማጻፋ

²⁴ ያቆቤይ ቦጌታና ማላ፥ ኢስራኤሌይ ዲኤታና ማላ ኦዳይ ኦኔ? ናጋራ ኦዲ ኑ ቆሂዳ ጎዳ ጊዴኔ? ኢስቲ ኢዛ ኦጌ ካላናሲኔ ኢዛ ዎጋስ ኣዛዜታና ኮዮንታ ኣጊዳ ጊሻሳ።

ኢሳያሳ ቲንቢቴ 42:24 ပူးပေါင်းရင်းမြစ်များ

2ታሪኬ ማጻፋ 15:6

Xoossi istta dumma dumma meton yeggida gishshas derey kawoteththa bolla, katamaykka katama bolla dendidi issoy issaa dhayssees.

2ታሪኬ ማጻፋ 36:17

Hessa gishshas GODAY Baabiloone kawo istta bolla denththidi ehides; histtiin Xoossa Keeththaa giddon izi istta yelaga attuma nayta mashshan suppu histtides; yelaga attuma nayta, woykko geela7ota, woykko cimata, woykko ceegata Xoossi istta ubbaa Nabukadanaxoore kushen aaththi immides.

ዬ ማጻፋ 81:12

Hessa gishshas tani istti ba wozina muumeteththaaththo ba dosoyssa hanana mala aggaagadis.

ዬ ማጻፋ 81:13

«Ta derey tana siyidaakkoo! Isra7eele asay ta oge kaallidaakko!

ኢሳያሳ ቲንቢቴ 30:15

Ubbaa Haariza GODAY, Isra7eele Geeshshay, «Intte taakko simoninne tanan shempon attana; woppaninne ammanon intte minnana; intte gidikko hessaththo ooththibeekketa.

ኢሳያሳ ቲንቢቴ 42:23

Intte giddofe hayssa siyizay, sinththafe yaana wodes akeeki siyizay oonee?

ኢሳያሳ ቲንቢቴ 45:7

Tani poo7o ooththadis; dhumakka medhdhadis; ta duresayssinne manqisays; hayssa ubbaa ooththiza GODAY tana.

ኢሳያሳ ቲንቢቴ 47:6

Tani ta deraa hanqettadis; tani xinxxozakka tunisadis; tani istta ne kushen aaththa immadis. Neni gidikko isttas qadhettabeekka; cimmidayta bollaka keehi deexo qambara woththadasa.

ኢሳያሳ ቲንቢቴ 48:18

Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ኢሳያሳ ቲንቢቴ 57:17

Iza nagara gishshassinne iza yiiqeteththa gishshas ta hanqettadis; ta iza qaxxayadis; ta sinththaaka hanqon izappe genththadis; gido attiin ha7ikka simmidi izi ba ogen bides.

ኢሳያሳ ቲንቢቴ 63:10

Istti gidikko makkallida; iza Geeshsha Ayanaakka mishisida hessa gishshas izi simmidi isttas morkke gidides; istta olides.

ኤርማሳ ቲንቢቴ 44:10

Intte hach gakkanaas inttenateththaa ziqqisidi taas bonchcho immibeekketa; qasse tani inttessinne intte aawatas woththida wogaanne maara kaallibeekketa› gees.

ኤርማሳ ቲንቢቴ 5:15

GODAY inttena, «Intteno Isra7eele asatoo! Tani intte bolla haaho biittafe issi kawoteth ehana. Izi wolqqamanne beniisofe diza kawoteththa. Iza qaalay inttes erettenna; iza haasayay inttes gelenna.

ኤርማሳ ዚላስ 1:14

«Ta nagara shiishshi qachchidi ta morgen woththides; ta wolqqaka wursides; tani eqettanaas dandayontta morkketas GODAY tana aaththi immides.

ኤርማሳ ዚላስ 1:18

«Xoossi xillo; tani gidikko iza azazo bolla makkalladis; intte wurikka siyite; ta metozakka xeellite; macca naytinne naateththa attuma nayti taappe di7etti bida.

ዳኔላ ቲንቢቴ 1:2

GODAY Yuhuda kawo Iyo7aaqeme amarda Xoossa Keeththa miishshatara iza kushen aaththi immides; izikka ba xoossa keeththan woththana Sana7oore efides; izi di7i efida Xoossa Keeththa miishsha ubbaaka ba eeqa xoossata miishshe woththiza keeththan woththides.

ኣሞጼ ቲንቢቴ 3:6

Katama giddon olas zayey punettishin babon kokkorontta asi di erizee? GODAA sheney baynda dishin katama bolla iita miishshi gakki erizee?

Maatosa 22:7

«Kawoykka hanqettidi wottadarata yeddidi ashkaraza wodhidayta dhayssides; istta katamaa xuuggides.

ዛሬ ማጻፋ 28:49

GODAY ne istta qaala erontta kawoteth haako dereppe ne bolla ehana; isttika golle kafo mala ne bolla wodhdhana.

ዛሬ ማጻፋ 32:30

Istta medhdhidayssi istta aaththi immonttaako, GODAY istta yeggi aggonttaako, Issaadey 1,000 as wostti gooddandee? Woykko nam7ati 10,000 as wostti gooddanee?

ዳናታ ማጻፋ 10:7

Hessa gishshas GODAY Isra7eele asaa bolla hanqettidi istta Filisxeeme asatassinne Amoone asatas aaththi immides.

ዳናታ ማጻፋ 2:14

Hessa gishshas GODAA hanqoy Isra7eele asaa bolla eexxi kezides; worajjizayti bonqqana mala istta morkketa kushen aaththi immides; istta heeran diza morkketas istta aaththi immides; hessafe guye istti bantta morkketara eqettanaas dandaybeettenna.

ዳናታ ማጻፋ 3:8

Hessa gishshas GODAA hanqoy Isra7eele asaa bolla eexxi kezides; GODAY Masophexoomya biitta kawo Kushaan-Arishataye kushen istta aaththi immides; isttika izas osppun layth haarettida.