ኢሳያሳ ቲንቢቴ 41:23 - Geeshsha Maxaafa

²³ Intte xoossata gididayssa nu erana mala, sinththafe hanana miishshata nuus yootite; nuni dagammana malanne yayyana mala, lo7o gidiin woykko iita miish ooththite.

ጋሞ ማጻፋ

²³ ኢንቴ ጾሳታ ጊዲዳይሳ ኑ ኤራና ማላ፥ ሲንፌ ሃናና ሚሻታ ኑስ ዮቲቴ፤ ኑኒ ዳጋማና ማላኔ ያያና ማላ፥ ሎኦ ጊዲን ዎይኮ ኢታ ሚሽ ኦቴ።

ኢሳያሳ ቲንቢቴ 41:23 ပူးပေါင်းရင်းမြစ်များ

ኢሳያሳ ቲንቢቴ 19:12

Intte aadho eranchchati ha7i awan dizoo? Ubbaafe Wolqqama GODAY Gibxe bolla ooththana qoppidayssa ane inttena bessettonne erisetto.

ኢሳያሳ ቲንቢቴ 42:9

Be7ite beni yo7oti polettida; ha7i tani ooraththa miish awajjays; izi mokkanaappe sinth ta inttes yootays» gees.

ኢሳያሳ ቲንቢቴ 43:9

Kawoteththati ubbay issife shiiqetto; asaykka issi bolla shiiqo; isttafe kasetidi hayssa nuus yootiday oonee? Beni miish nuus awajjiday oonee? Harati siyidi, «Hayssi tuma» gaana mala, istta tumateththayka qonccana mala bantta markkata ehetto.

ኢሳያሳ ቲንቢቴ 45:21

Ane intte mooto yootite; shiishshite; istti ane issife shiiqidi zoretetto. Hayssa koyrottidi awajjiday oonee? Beni yootiday oonee? Tana GODAA gidikkinaa? Xilloynne Ashshiza Xoossi taappe attiin haray deenna.

ኢሳያሳ ቲንቢቴ 45:3

Nena ne sunththan xeygida GODAY, Isra7eele Xoossay tana gididayssa ne erana mala, geemason dagattida aqota, dhumason diza haaro ta nees immana.

ኢሳያሳ ቲንቢቴ 46:7

Denththidi bantta hashen tookkeettes; zaaridi he denththida sohon woththeettes; izikka heen eqqaa gees; heeppe awakka qaaxxenna; oonikka izakko waassiko zaaro immenna; metoppeka iza ashshenna.

ኤርማሳ ቲንቢቴ 10:5

Istta eeqa xoossati istta kaththa giddon do7a daganththanaas essiza misle mala. Haasayanaas dandayettenna. Hemettanaas istti dandayontta gishshas asay istta tookkees. Istti iita gidiin woykko lo7o miish intte bolla ooththanaas dandayontta gishshas isttas mulekka yayyofte» gees.

ዳኔላ ቲንቢቴ 2:9

Intte taas agumoza yootanaas dandayontta aggiko inttes ubbatasikka issi mala qixaatey giigetti uttides; yo7oti inttes laamettana misatiin wordonne gene qaala haasayan coo mela wode wursanaas koyideta; koyrottidi agumoza intte taas yootikko iza birsheththi inttena waayisonttayssa ta erays» gides.

ዮሃኒሳ ሚሺራቾ 13:19

Ta hayssa ha7ira inttes yootizay izi polettiza wode ta oonakko intte ammananaassa.

ሃዋሬታ ኦሶ 15:18

Hayssa koyroppeka erisida Xoossi tana› gees.