ኢሳያሳ ቲንቢቴ 40:28 - Geeshsha Maxaafa

²⁸ Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ጋሞ ማጻፋ

²⁸ ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ኢሳያሳ ቲንቢቴ 40:28 ပူးပေါင်းရင်းမြစ်များ

ሜቴ ማጻፋ 21:33

Abrahaamey Bersaabehen Tamarssike geetettiza mith tokkidi heen GODAA Mernaa Xoossa xeygidi goynnides.

ኢዮቤ ማጻፋ 38:18

Sa7ay ay keena dalga gididaakko ne eray? Ane hayssa ubbaa erizaa gidikko ne taas yoota.

ዬ ማጻፋ 138:8

GODAY taas qoppidayssa polana; abeet GODAWU! Ne siiqoy mernaassa; ne kushe ooso yegga aggofa.

ዬ ማጻፋ 139:6

Ne erateththay tana keehippe malalisees; tani akeekanaas dandayzayssafekka dhoqqees.

ዬ ማጻፋ 145:3

GODAY gita; gita galatay izas bessees; iza gitateththay asa qofappe bolla.

ዬ ማጻፋ 147:5

Nu GODAY gita; izi keehippe wolqqama; iza erateththaas zaway deenna.

ዬ ማጻፋ 90:2

Zumati medhettanaappe kase, woykko neni sa7a ooththanaappe kase mernaappe mernaa gakkanaasi neni Xoossa.

ኢሳያሳ ቲንቢቴ 37:26

«Tani daro wodeppe kase qachchidayssa, ta beni halchchidayssa ne siyabeekkii? Ha7i gidikko polettana mala ooththadis; nenikka gimbettida katamata laallada shuchcha doore kessana.

ኢሳያሳ ቲንቢቴ 40:21

Intte hessa erekketii? Woykko siyibeekketii? Beni beni inttes yootettibeennee? Sa7ay medhettoosofe doommiin intte akeekibeekketii?

ኢሳያሳ ቲንቢቴ 42:4

Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

ኢሳያሳ ቲንቢቴ 45:22

«Intteno biittaa gaxan de7iza ubbatoo! taakko simmidi attite. Tani Xoossa; taappe attiin haray deenna.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኢሳያሳ ቲንቢቴ 59:1

Hekko GODAA kushey inttena ashshanaas qaammibeenna; iza hayththi siyanaappe tullibeenna.

ኢሳያሳ ቲንቢቴ 66:9

Yelettana matidayssa yelettontta mala tani diggazinaa?» gees GODAY. «Yelishin yeliza ulo ta gorda erazinaa?» gees ne GODAY.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ኤርማሳ ቲንቢቴ 4:22

GODAY, «Ta asay eeya; istti tana erettenna. Istti yuushshi qopponttayta; istti akeekay bayndayta; istti iita miish ooththanaas eranchchata; lo7o ooththanaas eray paccidayta» gees.

ማርቆሳ ሚሺራቾ 16:14

Hessafe guye tammanne issineti maadda bolla dishin Yesusi isttas qonccides. Izi hayqoppe dendiin iza be7ida asati isttas yootiin siyidi ammanontta aggida gishshas isttas ammanoy bayndayssanne istta wozina muumeteththa gishshas istta borides.

ማርቆሳ ሚሺራቾ 9:19

Yesusikka isttas zaaridi, «Intteno ammanontta yeletatoo, ayde gakkanaas ta inttenara daanee? Qasse ayde gakkanaas ta inttena dandayanee? Ane naaza haa ehite» gides.

ሉቃሳ ሚሺራቾ 24:25

Izikka isttas, «Intteno wozinan woththonttaytoo! Intte wozinay kase nabeti yootidayssa ammananaappe takkidaytoo!

ዮሃኒሳ ሚሺራቾ 14:9

Yesusikka izas, «Piliphoosaa! Hayssa gakkanaas ta inttenara de7inkka ne tana erkkii? Tana be7idaadey Aawaakka be7ides; histtiin neni waanada, ‹Nuna Aawaa bessa› gay?

ዮሃኒሳ ሚሺራቾ 5:17

Yesusikka isttas, «Ta Aaway ubba wode ooththees; tanikka ooththana» gides;

ኦሮሜ ኣሳስ 16:26

Ha7i qasse hayssi tumay qonccides; mernaa Xoossa azazon wurikka ammanidi azazettana mala nabeta maxaafa baggara dereti wurikka iza erana mala hanides.

1ቆሮንቶሴ ኣሳስ 2:16

Hessika, «Godaa qofaa eranaas dandayzay oonee? Iza zoranaas dandayzay oonee?» geetetti kase Geeshsha Maxaafan xaafettida mala; nuus gidikko Kirstoosa wozinay dees.

1ቆሮንቶሴ ኣሳስ 6:16

Woykko laymatizaarira aqizaadey izira issi asho gidizayssa intte erekketii? «Nam7ay issi asho gideettes» geetettides.

1ቆሮንቶሴ ኣሳስ 6:19

Intte asateththay intte gaaththan diza Xillo Ayanas duussaso gididayssa intte erekketii? He Ayanaykka intte Xoossafe ekkidayssa; intteka inttes gidekketa.

1ቆሮንቶሴ ኣሳስ 6:9

Makkallanchchati Xoossa kawoteth gelonttayssa erekketii? Hessa mala yo7on balettofte. Laymatana qaaqqatizayti, eeqa eqqizaytinne addey addera laymatizayti,

ዛሬ ማጻፋ 33:27

Mernaa Xoossay inttes duussaso; Mernaas diza iza qeseti inttefe garsara diidi kaafeettes; intte morkketa izi intte sinththafe gooddana; intte istta dhayssana mala izi inttena maaddana.

ፒሊጲሲዮሴ ኣሳስ 1:6

Inttenan lo7o ooso doommidayssi izi Yesus Kirstoosi wurseththa pirdas yaana gakkanaas inttena dandayssanayssa ta ammanays.

1ጺምቶሳስ 1:17

Hessa gishshas mernaas hayqqi erontta, ayfen beetti erontta barkka xalla Xoos gidida kawos mernaappe mernaa gakkanaas izas bonchchoynne galatay gido. Amiin.

Ibirawe 9:14

mernaa Ayanan bana wosoy baynda yarsho ooththi Xoossas shiishshida Kirstoosa suuththi nuni de7o Xoossaas goynnanaas hayqeththa oosoppe nuna ay mala aaththi geeshshandee?

1ሳሜላ ማጻፋ 2:10

GODAARA eqettizayti liiqana; izi istta bolla saloppe guummana; GODAY biitta gaxa gakkanaas pirdana; Izi kawozas wolqqa immana; izi tiyettidayssa kace dhoqqu dhoqqu histtana» ga woossadus.