ኢሳያሳ ቲንቢቴ 40:10 - Geeshsha Maxaafa

¹⁰ Hekko Ubbaa Haariza GODAY wolqqara yees; iza qesey iza gishshas haarana. Be7ite iza woytoy izara dees; izi ciggana ooso waagaykka izara dees.

ጋሞ ማጻፋ

¹⁰ ሄኮ ኡባ ሃሪዛ ጎዳይ ዎልቃራ ዬስ፤ ኢዛ ቄሴይ ኢዛ ጊሻስ ሃራና። ቤኢቴ ኢዛ ዎይቶይ ኢዛራ ዴስ፤ ኢዚ ጪጋና ኦሶ ዋጋይካ ኢዛራ ዴስ።

ኢሳያሳ ቲንቢቴ 40:10 ပူးပေါင်းရင်းမြစ်များ

ሜቴ ማጻፋ 15:1

Hessafe guye GODAA qaalay ajjuutan Abraamekko yiidi, «Abraame, babbofa! Tani nees gondalle; ne anjjoy keehi gita» gides.

ዬ ማጻፋ 110:6

Kawoteththata bolla izi pirdana; ola wosanatakka aha xalla histtana; sa7an ubbaan diza kawota izi menththereththana.

ዬ ማጻፋ 66:3

Xoossas, «Ne oosoti ay keena malalisizoo! Ne wolqqay daro gidida gishshas ne morkketi yashshan ne sinththan kokkoreettes.

ኢሳያሳ ቲንቢቴ 28:2

Be7ite, Godaas wolqqamanne mino gidida issoy dees; hessika shachcha uusho mala, dhayssiza gote carko mala, wolqqama dambala malanne wolqqama ira mala wolqqan izi izo duge biittan yeggana.

ኢሳያሳ ቲንቢቴ 33:2

Abeet GODAWU! Nuna maara; nuni nena hidota ooththidos; maalado maalado nuus wolqqa gida; meto wodekka nuna ashshizaade gida.

ኢሳያሳ ቲንቢቴ 49:4

Gido attiin tani, «Tani mela coo daaburadis; go7ay baynda coo hada miishshan ta wolqqa wursadis; gidikkoka ta oosozas kushe zaaranay GODAA; ta waagaykka ta Xoossa matanna» gadis.

ኢሳያሳ ቲንቢቴ 51:5

Ta xilloteththay eesoti yeeththa bolla, ta atoteththay matishe dees; ta qesey kawoteththatas tuma pirda ehana; haruroti taakko xeellana; ta qesekka hidota ooththana.

ኢሳያሳ ቲንቢቴ 53:12

Hessa gishshas iza gakkiza gisha gita asata gishara issife histtana; di7i ehidayssa wolqqamatara izi issife gishettana; izi ba shemppo hayqos aaththi immidi, iita ooththizaytara issife qoodettida gishshas, darota nagara tookkides; qohidayta gishshas gaannatides» gaana.

ኢሳያሳ ቲንቢቴ 59:15

Tumateththi awankka beettenna; iitateththaafe haakkizay qohettees; GODAY be7idi suure pirday dhayda gishshas ceecides.

ኢሳያሳ ቲንቢቴ 59:16

Oonikka bayndayssa be7ides; izakko gaannatizay bayndayssa be7idi malalettides; Hessa gishshas iza qesey izas atoteth ehides; iza xilloteththi iza kaafi oykkides.

ኢሳያሳ ቲንቢቴ 59:18

Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኢሳያሳ ቲንቢቴ 62:11

Be7ite, GODAY sa7a gaxa gakkanaas, «Xiyoone macca nays, ‹Hekko nena Ashshizaadey yees; ne waagay iza kushen dees; ne qaaday izakkon dees› giite» giidi awajjides.

ኢሳያሳ ቲንቢቴ 63:5

Tani xeelladis shin maaddizay beettibeenna; maaddizaadey baynda gishshas tani malalettadis. Hessa gishshas ta qesey taas atoteth ehides; ta hanqoyka tana minththides.

ኤርማሳ ቲንቢቴ 31:16

GODAY, «Yeekkofanne afunxxofa; ne daaburay coo hada attenna; morkketa biittafe istti simmana.

ሚልካሳ ቲንቢቴ 3:1

«Hekko tani baana oge baasana as taappe sinththara yeddana; intte koyza GODAY intte qoppontta Xoossa keeth gakki wodhdhana; intte ufayssan naagiza caaqo qaala kiitaa ekki yiza ta kiittidaadey yaana.

Maatosa 28:18

Yesusikka bana kaallizaytakko shiiqidi, «Saloninne sa7an godateththi taas imettides. Hessa gishshas biidi dere ubbaa Aawaa, Naazanne Xillo Ayana sunththan xammaqishe, tana kaallizayta ooththite; ta inttena azazidayssa ubbaa naagana mala tamaarsite. Tanikka alame wurseth gakkanaas inttenara days» gides.

ዮሃኒሳ ሚሺራቾ 12:13

Zamba hayth ekkidi Yesusa mokkana kezides; derey qaala dhoqqu histtidi, «Hoosa7inna! Godaa sunththan yiza Isra7eele kawoy anjjettidayssa!» gides.

Ibirawe 2:14

Naytas ashoynne suuththi diza mala izikka istta mala asa; hessika hayqo bolla izas wolqqay diza daabulosa izi ba hayqo wolqqan zaaranaassa.

1ዮሃኒሳ ኪታ 3:8

Nagara ooththizay Xala7eppe; gaasoykka Xala7ey koyroppeka nagara ooththizaade; Xoossa nay qonccidaykka Xala7e ooso laallanaassa.

ዮሃኒሳ ኣጁታ 17:14

Istti dorsaza bolla ola denththana shin dorsazi godatas Godaanne kawotas kawo gidida gishshas izi istta xoonana; izara dizayti xeygettidayta, doorettidaytanne ammanettidayta» gides.

ዮሃኒሳ ኣጁታ 20:11

Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.

ዮሃኒሳ ኣጁታ 22:12

«Hekko! Ta eeson yaana! Issaades issaades iza ooso mala ta izas izas immana waaga tani ta kushen oykka uttadis.