ኢሳያሳ ቲንቢቴ 37:21 - Geeshsha Maxaafa

²¹ Hessafe guye Amoxe naa Isayaasi kawo Hizqiyaasasi, «GODAY Isra7eele Xoossay, ‹Neni Asoore Kawo Senakireemey mandida mandeththa gishshas woossida woosaa ta siyadis› gees.

ጋሞ ማጻፋ

²¹ ሄሳፌ ጉዬ ኣሞጼ ና ኢሳያሲ ካዎ ሂዝቂያሳሲ፥ «ጎዳይ ኢስራኤሌ ጾሳይ፥ ‹ኔኒ ኣሶሬ ካዎ ሴናኪሬሜይ ማንዲዳ ማንዴ ጊሻስ ዎሲዳ ዎሳ ታ ሲያዲስ› ጌስ።

ኢሳያሳ ቲንቢቴ 37:21 ပူးပေါင်းရင်းမြစ်များ

2ሳሜላ ማጻፋ 15:31

He wode, «Seeraa giddon Abeseloomera dizay Akxofeele» gi Dawites yootida; hessa gishshas Dawiti, «Abeet GODAWU! Akxofeele zoreza hada histtarkkii» gi woossides.

2ሳሜላ ማጻፋ 17:23

Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

2ካዎታ ማጻፋ 18:13

Hizqiyaasay kawotida tammanne oydanththa layththan Asoore kawo Senakireemey gimbetti diza Yuhuda katamata ubbaa bolla meto gaththi oykkides.

ኢዮቤ ማጻፋ 22:27

Ne izakko woossiza wode izi ne woosaa siyana; ne adinettidayssa izas gaththana.

ዬ ማጻፋ 91:15

Izi tana xeygiza wode tani izas koyana; izi metotida wode tani izara issife gidana; tani iza ashshananne bonchchana.

ኢሳያሳ ቲንቢቴ 37:2

Kawo keeth ayssiza Elyaaqeemey, xaafe Sheebinaynne qeesetappe erettidayti ubbay maaqa may7idi Amoxe naa nabe Isayaasakko baana mala kiittides.

ኢሳያሳ ቲንቢቴ 58:9

He wode neni xeygana; GODAYKKA nees koyana. Neni maado demmanaas waassana; izikka, ‹Ta nees days› gaana. «Ne neeppe metoththiza qambara, iita haasayanne biradhdhen malata bessizayssa aggiko,

ኢሳያሳ ቲንቢቴ 65:24

Istti buro tana xeyganaappe kaseta tani koyana; istti taas yooti wursontta ta siyana.

ሃዋሬታ ኦሶ 4:31

Istti woossidaappe guye istti dizasoy qaaxxides; wurikka Xillo Ayanan kumidi Xoossa qaala xalateththan yootida.