ኢሳያሳ ቲንቢቴ 35:9 - Geeshsha Maxaafa

⁹ Heen gaammoy de7enna; dafi miza do7aykka izan kezenna; heytantti heen beettettenna; wozzettidayti xalla heera baana.

ጋሞ ማጻፋ

⁹ ሄን ጋሞይ ዴኤና፤ ዳፊ ሚዛ ዶኣይካ ኢዛን ኬዜና፤ ሄይታንቲ ሄን ቤቴቴና፤ ዎዜቲዳይቲ ጻላ ሄራ ባና።

ኢሳያሳ ቲንቢቴ 35:9 ပူးပေါင်းရင်းမြစ်များ

ዬ ማጻፋ 107:2

GODAY istta wozzidayti, istta morkketa kusheppe izi ashshidayti hizgetto;

ኬሳ ማጻፋ 15:13

«Ne wozzida ne asaa wurontta ne siiqon kaaleththadasa. Neni ne wolqqan istta ne aqiza geeshsha soo gelththadasa.

ኢሳያሳ ቲንቢቴ 1:27

Xiyoona suure pirdan, maaroteththan simmizayti xilloteththan wozzettana.

ኢሳያሳ ቲንቢቴ 30:21

Intte hadirs woykko ushach giikko intte guyera, «Ogezi hayssa; izara biite» gizayssa intte hayththi siyana.

ኢሳያሳ ቲንቢቴ 30:6

Negeben diza medosata gishshas GODAY yootida qaalay wodalla gaammotinne macca gaammoti dizason, marzera diza shooshshatinne xongettiza shooshshati dizason, metoynne ceecey kumida biittara aadhdhi biidi, istti go7ontta deretakko,

ኢሳያሳ ቲንቢቴ 43:19

Hekko ta ooraththa miish ooththana; izikka ha7i hanana; intte yuushshi qoppeketii? Tani bazzon oge giigsana; tani aykkoy baynda bazzonkka shaafata kessana.

ኢሳያሳ ቲንቢቴ 5:29

Istta xaagoykka gaammo xaago mala; wodalla gaammota mala xaaggeettes; banttas miza miish shankkati oykkidi xaaggeettes; istti oykkidayssa tookki ekki beettes; isttafe woththi ekkanay oonikka deenna.

ኢሳያሳ ቲንቢቴ 51:10

Wozzetti attidayti pinnana mala, abbaanne ciimmaa haaththaa melissiday, ciimma giddora oge giigsiday nena gidikkii?

ኢሳያሳ ቲንቢቴ 62:10

Aadhdhite! Iza pengeta baggara kanththi biite; deraas oge baasite; giigsite; shuchchata diggite; kawoteththatas malaata essite.

ኢሳያሳ ቲንቢቴ 62:12

Istti, «GODAY Wozzida Geeshsha dereta; nekka Yegetta Attonttaaro koyettiza Katamayo» geetettana.

ኢሳያሳ ቲንቢቴ 63:4

Tani halo kessana gallassay ta wozinan dees; ta wozzana gallassayka gakkides.

ኢሳያሳ ቲንቢቴ 65:25

Kana suyteynne dorsa laaqqay issife maana; gaammoy boora mala maata maana; shooshshi gudulla laaccana; ta geeshsha zumaa bolla istti qohettettenna; bashshika istta bolla yeenna» gees.

ኤርማሳ ቲንቢቴ 30:10

«Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ሂዚቄላ ቲንቢቴ 34:25

« ‹Tani isttara saroteththa caaqo qaala gelana; hessafe guye tani istta wora do7atappe shempisana; isttika bazzo biittan saron de7ana; wora giddonkka woppan ichchana.

ሂዚቄላ ቲንቢቴ 34:27

Gaden diza miththati ayfe immana; biittayka kath moyzana; as ubbay ba biitta bolla saron daana. Ta istta qambara menththada istta aylleteththan haaridayta kusheppe wozziza wode tani GODAA gididayssa istti erana.

ሆሴኤ ቲንቢቴ 2:18

He wode do7atara, kafotaranne biitta bolla gooshettiza medheteth ubbatara ta intte gishshas caaqettana. Ubbayka saron daana mala ola, tooranne, Mashsha biitta bollafe ta diggana.

ሌዌታ ማጻፋ 26:6

« ‹Intte biittas saroteth immana; oonaska babbontta intte woppu gi aqana; iita do7ata intte dereppe ta diggana; hayssafe guye intte deren olay deenna.

ጋላቲያ ኣሳስ 3:13

«Miththa bolla kaqettiza asi qanggettidaade» geetetti xaafettida gishshas Kirstoosi nu gishshas qanggettidaade gididi nuna woga qanggeththafe wozzides.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

1ጴጽሮሳ ኪታ 1:18

Intte kase intte aawatappe laattida hada duussaafe wozzettiday dhayza biran woykko worqqan gidonttayssa intte ereeta.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.