ኢሳያሳ ቲንቢቴ 33:6 - Geeshsha Maxaafa

⁶ Izi ne diza layth ubbaan ammanththiza yoch, atoteth, aadho erateththinne erateth gidana; GODAAS yashshateththi hayssa ha aqotatas qulpe gidana.

ጋሞ ማጻፋ

⁶ ኢዚ ኔ ዲዛ ላይ ኡባን ኣማንዛ ዮች፥ ኣቶቴ፥ ኣ ኤራቴኔ ኤራቴ ጊዳና፤ ጎዳስ ያሻቴ ሃይሳ ሃ ኣቆታታስ ቁልፔ ጊዳና።

ኢሳያሳ ቲንቢቴ 33:6 ပူးပေါင်းရင်းမြစ်များ

2ካዎታ ማጻፋ 18:7

GODAY izara diza gishshas izi ooththiza miish ubbay izas polettides; izi Asoore kawora eqettidi izas giira giirontta ixxides.

ኢዮቤ ማጻፋ 4:6

Xoossaas ne yayyiza yashshay ammanththizaaz gidennee? Ne suure ogetikka nees hidotata deettennee?

ዬ ማጻፋ 140:7

Abeet Ubbaafe Wolqqama GODAWU! tana ashshiza minozoo! ola gallas taas gondalle gidadasa!

ዬ ማጻፋ 28:8

GODAY ba deraas wolqqa; izi ba tiyda kawoza ashshiza miixa.

ዬ ማጻፋ 45:4

Tumateththas, ashketeththasinne xilloteththas ne teemateth may7ada ola xoonanaas sinththe hordofa; ne ushachcha kushey malalisiza miish besso.

ሌሚሶ ማጻፋ 14:24

Aadho eranchchatas istta dureteththi isttas kallachcha; eeyata eeyateththi gidikko coo hada.

ሌሚሶ ማጻፋ 14:26

GODAAS yayyiza asas mino miixay dees; iza naytaska baqati attiza sohoy dees.

ሌሚሶ ማጻፋ 14:27

GODAAS yashshi de7o pultto; hayqo woximadeppe as ashshees.

ሌሚሶ ማጻፋ 15:16

Ooshshi dizason diza gita aqotappe GODAA yashshateththara diza guuththa aqotay aadhdhees.

ሌሚሶ ማጻፋ 19:23

GODAAS yashshi de7os kaaleththees; hessa mala asi woppan dees; iitaykka iza bochchenna.

ሌሚሶ ማጻፋ 2:5

he wode neni GODAAS yashshateth akeekana; Xoossaaka lo7eththada erana.

ሌሚሶ ማጻፋ 28:2

Derey makkalliko haarizay corattees; Gido attiin era asinne akeekiza asi woga essees.

ሌሚሶ ማጻፋ 29:4

Tumaa pirdiza kawoy ba dere woppu histtees; gido attiin matta7e maanaas yiiqetizay ba deraa laallees.

ኤራንቻታ ማጻፋ 7:12

Miishshi as iitappe kammi ashshiza mala aadho erateththi ashshees. Hessafe bollarakka aadho erateththi keeththa aawa shemppo naagees.

ኤራንቻታ ማጻፋ 7:19

Aadho erateththi aadho eranchchas immiza wolqqay issi kataman dere haariza tammatappe aadhdhees.

ኢሳያሳ ቲንቢቴ 11:9

Geeshshi gidida ta zumaa bolla qohettenna woykko oonikka dhayenna; haaththi abba kumiza mala sa7a ubbay GODAA eron kumana.

ኢሳያሳ ቲንቢቴ 26:1

He gallas ha yeththay Yuhuda biittan yexettana. Nuus mino katamay dees; Xoossi iza gimbetanne miixata atoteththas ooththides.

ኢሳያሳ ቲንቢቴ 32:17

Xilloteththa ayfey saroteth; xilloteththa oosoy woppanne mernaas ammaneteth gidana.

ኢሳያሳ ቲንቢቴ 32:18

Ta derey saroy dizason, ammanththizason, woppay dizason woppu gi daana.

ኢሳያሳ ቲንቢቴ 33:20

Nu ba7aaleta izin bonchchiza Xiyoone katamayo be7ite! Saron dizasohoyo, qaaxxontta dunkaane gididaaro, izi toley shodettonttaaro, izi wodorotappe issinakka duuxxonttaaro Yerusalaame katamayo ne ayfey be7ana.

ኢሳያሳ ቲንቢቴ 45:17

Isra7eeley gidikko GODAAN mernaa atoteth attana; intteka mernaas yeellatekketanne kawuyekketa.

ኢሳያሳ ቲንቢቴ 51:14

Qashettidayti eeson birshettana; istti ba qashettida olla giddon hayqqettenna; kaththi isttas paccenna.

ኢሳያሳ ቲንቢቴ 51:6

Pude dhoqqu giidi salota xeellite; ziqqi giidi duge sa7aakka xeellite. Saloti cuwa mala tim7i gi dhayana; sa7aykka afaladan ceeggana; izin de7iza asay udunxxe mala eeson dhayana; ta atoteththay mernaas daana; ta xilloteththaaska wurseththi deenna.»

ኤርማሳ ቲንቢቴ 31:34

Hayssafe guye oonikka ba lagge woykko ba isha, ‹GODAA era› giidi tamaarsenna; gaasoykka guuththafe doommidi gita gakkanaas istti ubbay tana erana; tanikka istta qoho atto gaana; istta nagarakka nam7anththo zaara qoppike» gees GODAY.

ኢምባቆ ቲንቢቴ 2:14

Abbay kumiza mala biittay GODAA gitateth eron kumana.

Maatosa 6:33

Harappe sinththatidi Xoossa Kawoteththa xilloteth koyite; hayti wuri inttes gujettana.

2ቆሮንቶሴ ኣሳስ 6:10

Muuzoy nuna gakkikokka ubba wode ufayettoos; nuni manqoko shin daro manqota dure kessoos; nuus aykkoyka bayndayta shin wurikka nuus dees.

1ጺምቶሳስ 4:8

Asateththaa asho ogen dosisoy guuththa wodes go7ees shin Tumu Ayana duussas bana tamaarsoy gidikko hayssa ha alamezassinne buro yaana duussaas hidotay diza gishshas ubbaas go7ees.

1ጺምቶሳስ 6:6

Gido attiin Tumu Ayana as gideththi nuus dizayssan woppu giidi duussara gita wodhe.