ኢሳያሳ ቲንቢቴ 33:2 - Geeshsha Maxaafa

² Abeet GODAWU! Nuna maara; nuni nena hidota ooththidos; maalado maalado nuus wolqqa gida; meto wodekka nuna ashshizaade gida.

ጋሞ ማጻፋ

² ኣቤት ጎዳዉ! ኑና ማራ፤ ኑኒ ኔና ሂዶታ ኦዶስ፤ ማላዶ ማላዶ ኑስ ዎልቃ ጊዳ፤ ሜቶ ዎዴካ ኑና ኣሺዛዴ ጊዳ።

ኢሳያሳ ቲንቢቴ 33:2 ပူးပေါင်းရင်းမြစ်များ

ዬ ማጻፋ 123:2

Ashkaray ba godaa kushe xeelliza mala, ashkarayakka ba godattey kushe xeelliza mala, nunikka izi nuna maarana gakkanaas nu GODAAKKO pude xeelloos.

ዬ ማጻፋ 143:8

Tani nena ammanettiza gishshas maalado maalado ne siiqo tana bessa; tani ta shemppo nees hadaradis; hessa gishshas ta baana oge tana tamaarsa.

ዬ ማጻፋ 25:3

Nena hidota ooththizayti yeellatettenna; gido attiin gene ooththizayti yeellatana.

ዬ ማጻፋ 27:1

GODAY taas poo7onne tana ashshizayssa; histtiin tani oonas yayyanee? GODAY ta shemppoys attiza miixa; histtiin tani oonas babbanee?

ዬ ማጻፋ 33:22

Abeet GODAWU! Nuni nenan hidota ooththizayssa mala mernaa ne siiqoy nunara gido.

ዬ ማጻፋ 37:39

Xillotas atoteththi GODAAPPE yees; meto wode izi isttas geemmizaso.

ዬ ማጻፋ 46:1

Xoossi nuni shiiqi attizasonne nuus wolqqa; nuna metoy gakkiza wode maaddanaas izi ubbato matan dees.

ዬ ማጻፋ 46:5

Xoossi izi giddon diza gishshas he katamaya qaaxxuku; wontta maaladora Xoossi izo maaddana.

ዬ ማጻፋ 50:15

Meto gallas ne tana xeyga; ta nena ashshana; nekka tana bonchchana» gees.

ዬ ማጻፋ 60:11

Asappe gidida maadoy hada; hessa gishshas nu morkketa bolla nuus xoono imma.

ዬ ማጻፋ 62:1

Ta shemppoya Xoossan xalla shemppo demmawus; taas atoteththi izappe yees.

ዬ ማጻፋ 62:5

Ta shemppoyee! Woppu gaada Xoossa xalla naaga; taas hidotay izappe yaana.

ዬ ማጻፋ 62:8

Asoo! Ubbaa wode Xoossan ammanettite; izi nuus qotetti attizaso gidida gishshas intte wozina qofa izas yootite.

ዬ ማጻፋ 90:15

Neni nuna metoththida gallassata keenanne nuni tugga be7ida layththata likke nuna ufayssa.

ዬ ማጻፋ 91:15

Izi tana xeygiza wode tani izas koyana; izi metotida wode tani izara issife gidana; tani iza ashshananne bonchchana.

ኬሳ ማጻፋ 14:27

Musey ba kushe abbaa bolla piddisides; gadey wontishin abbay kase ba diza soho guye simmides; Gibxe asay gede iza giddo baqatishin GODAY Gibxe asaa heen abbaa giddon yeggides.

ኢሳያሳ ቲንቢቴ 17:10

Nena ashshiza Xoossaa baladasa; ne izan qotetta attiza ne zaallaka akeekabeekka; hessa neni doorettida atakilte tokkikokka, ooraththa zereth ne zerikkoka,

ኢሳያሳ ቲንቢቴ 25:4

Neni hiyeesatas zemppo; Metotanchchatas meto wode neni zemppo; gote carkofe geemmi attizaso; awa seelappe kuwattizaso gidadasa. Gaasoykka menxe iitata peenoy keeththa godara icettiza gote carko mala.

ኢሳያሳ ቲንቢቴ 25:9

He gallas isttas, «Be7ite nu Xoossay hayssa; nuni izan ammanettidos; izikka nuna ashshides; Hayssi GODAA; nuni izan ammanettidos; izi ashshidayssan ufayettoos; ufayssan hombocoos» gaana.

ኢሳያሳ ቲንቢቴ 26:16

Abeet GODAWU! Istti metotida wode neekko yida; Neni istta seerida wode, saasuki nena woosseettes.

ኢሳያሳ ቲንቢቴ 26:8

Abeet GODAWU! Ne woga ogera hemettishe nuni nena hidota ooththidos; ne sunththinne ne gitateththi nu wozinas amo.

ኢሳያሳ ቲንቢቴ 37:3

Isttika Isayaasas biidi, «Hizqiyaasi, ‹Ha gallassay ceece, qixaatenne kawushshateththa gallassa; hessika nay yelettana hanishin abbey ixxiza gallassa mala gidides.

ኢሳያሳ ቲንቢቴ 40:10

Hekko Ubbaa Haariza GODAY wolqqara yees; iza qesey iza gishshas haarana. Be7ite iza woytoy izara dees; izi ciggana ooso waagaykka izara dees.

ኢሳያሳ ቲንቢቴ 51:5

Ta xilloteththay eesoti yeeththa bolla, ta atoteththay matishe dees; ta qesey kawoteththatas tuma pirda ehana; haruroti taakko xeellana; ta qesekka hidota ooththana.

ኢሳያሳ ቲንቢቴ 59:16

Oonikka bayndayssa be7ides; izakko gaannatizay bayndayssa be7idi malalettides; Hessa gishshas iza qesey izas atoteth ehides; iza xilloteththi iza kaafi oykkides.

ኢሳያሳ ቲንቢቴ 8:17

Tani ba sinth Yaaqoobe zaretappe genththida GODAA naagana; izakka hidota ooththana.

ኤርማሳ ቲንቢቴ 14:8

Abeet Isra7eele hidotawu! Meto wode ashshizayssoo! neni biittan imaththa mala, issi omars aqidi biza oge asa mala ays hanay?

ኤርማሳ ዚላስ 3:23

Istti maalado maalado ooraththa; Ne ammaneteththayka daro.

ሆሴኤ ቲንቢቴ 14:2

Paaxeththa qaala ekki GODAAKKO simmidi, «Nu nagara ubbaa atto ga; nuni nu doonappe galata shiishshana mala ne maaroteththan nuna ekka.