ኢሳያሳ ቲንቢቴ 31:7 - Geeshsha Maxaafa

⁷ He wode nagaray kumida intte kusheti birappenne worqqafe ooththida eeqa xoossata intte ubbayka wora yeggana.

ጋሞ ማጻፋ

⁷ ሄ ዎዴ ናጋራይ ኩሚዳ ኢንቴ ኩሼቲ ቢራፔኔ ዎርቃፌ ኦዳ ኤቃ ጾሳታ ኢንቴ ኡባይካ ዎራ ዬጋና።

ኢሳያሳ ቲንቢቴ 31:7 ပူးပေါင်းရင်းမြစ်များ

ኢሳያሳ ቲንቢቴ 17:8

Istti bantta kushen ooththida yarshosohota xeellettenna; istti bantta eeqatas exaane cu7asizasohotassinne Asheeris goynnana essida tuussatas bonchcho imettenna.

ኢሳያሳ ቲንቢቴ 2:20

He gallas asay goynnanaas medhdhida bantta bira, worqqa misleta girossinne kafotas olana.

ኢሳያሳ ቲንቢቴ 30:22

Hessafe biran meeshettida intte eeqa xoossatanne worqqan meeshettida misleta intte moorana; «Nuuppe haakkite» giidi tuna carqqa mala intte wora yeggana.

ሂዚቄላ ቲንቢቴ 36:25

Tani inttena xillo haaththan aracana; intteka geeyana; histtada ta inttena intte eeqa xoossata ubbaafenne intte tunateth ubbaafe geeshshana.

ሆሴኤ ቲንቢቴ 14:8

Efreemee! Taassinne eeqa xoossatas ay gaytoteththi dizee? Ne woosa siyizaynne nena naagizay tana; Tani ubba wode cilili uttida miththa mala; ne ayfizay taappe dendidayssanna» gees.

ሆሴኤ ቲንቢቴ 8:11

«Efreemey nagara wursanaas daro yarshosoho ooththides; gido attiin he yarshosohoti nagara ooththizaso gidida.

ዛሬ ማጻፋ 7:25

Istta eeqa xoossata ubbaa taman xuuggite; he eeqa xoossata bolla diza worqqanne bira amottidi inttes ekkofte; GODAA intte Xoossay eeqa xoossatas goyno ixxiza gishshas intte ekkiko izi inttes woximade gidana.