ኢሳያሳ ቲንቢቴ 30:22 - Geeshsha Maxaafa

²² Hessafe biran meeshettida intte eeqa xoossatanne worqqan meeshettida misleta intte moorana; «Nuuppe haakkite» giidi tuna carqqa mala intte wora yeggana.

ጋሞ ማጻፋ

²² ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።

ኢሳያሳ ቲንቢቴ 30:22 ပူးပေါင်းရင်းမြစ်များ

2ታሪኬ ማጻፋ 31:1

Hayssi ubbay polettidaappe guye heen diza Isra7eele asay Yuhuda katamata yiidi goynettiza shuchchata menththereththi yeggida; Asheero geetettiza eeqa xoossay misleta qanxxereththi olida; qasseka Yuhuda biittan, Biniyaame biittan, Efreeme biittaninne Minaase biittan diza zumbullata bolla goynnizasotanne yarsho yarshizasohota dhayssida; Isra7eele asay hessa ubbaa ooththidaappe guye bantta katama katamanne banttaso banttaso simmida.

ኢሳያሳ ቲንቢቴ 27:9

Yaaqoobey yarsho yarshizaso shuchchata booqintta shuchcha mala gaacci liiqisishin Asheero geetettiza eeqa xoossay mislenne exaane cuwasiza sohota istti dizasohotappe shoddi olishin he gallas mooroy atto geetettana; hessi izi ba nagara diggoyssas kumeththa ayfe gidana.

ኢሳያሳ ቲንቢቴ 31:7

He wode nagaray kumida intte kusheti birappenne worqqafe ooththida eeqa xoossata intte ubbayka wora yeggana.

ኢሳያሳ ቲንቢቴ 40:19

Eeqa misley gidikko hiilla kushen masettides; hessa worqqa ooththizaadey bollara worqqan meeshees; bira sansalatakka izas giigssees.

ኢሳያሳ ቲንቢቴ 46:6

Amarda asati worqqa bantta karaxiiteppe qoleettes; biraakka meezaanen geeddareettes; istti seerisi tigiza hiillanchcha qaxxareettes; izikka isttas xoossa histti medhdhees. Isttika izas goynneettessinne yaynneettes.

ኤርማሳ ዚላስ 1:17

Xiyoona ba kushe miccadus; izo minththeththizaadey deenna; Yaaqoobe zaretas shooroti izas morkke gidana mala Xoossi azazo kessides; Yerusalaameykka istta giddon tuna miishsha mala qoodettadus.

ሂዚቄላ ቲንቢቴ 14:6

«Hessa gishshas Isra7eele asaas, ‹Ubbaa Haariza GODAY: Maarettite! Intte eeqa xoossatappe simmite! Harassiza intte ooso ubbaa aggite!

ሂዚቄላ ቲንቢቴ 18:6

«zumbullata bolla eeqa xoossatas yarshettidayssa izi meenna; Isra7eele biittankka diza eeqa xoossatakko xeellenna; ba laggeza machcheyra laymatenna; maccassa wogay yishin maccassara aqenna.

ሂዚቄላ ቲንቢቴ 36:31

He wode intte intte iita ogenne tunida intte oosota intte akeekana; intte nagara gishshassinne harassiza intte oosota gishshas intterkka intte inttena bashashettana.

ሂዚቄላ ቲንቢቴ 7:19

Istti bantta biraa ogen olana; istta worqqayka tuna mala qoodettana; GODAA wolqqama hanqo gallas istta biraynne worqqay istta ashshenna; istta biraynne worqqay istti nagaran kundana mala isttas dhuphe gidides; biraynne worqqay miin istta kalssenna; istta ulokka kumenna.

ሂዚቄላ ቲንቢቴ 7:20

Istti bantta lo7o alleqon otorettida; heyta bantta harassiza eeqa xoossatanne massi giigsida yeellachchiza misleta ooththanaas go7ettida. Hessa gishshas tani he lo7o alleqoza isttas tuna kessana.

ሆሴኤ ቲንቢቴ 14:8

Efreemee! Taassinne eeqa xoossatas ay gaytoteththi dizee? Ne woosa siyizaynne nena naagizay tana; Tani ubba wode cilili uttida miththa mala; ne ayfizay taappe dendidayssanna» gees.

ሌዌታ ማጻፋ 13:52

Hessa mala may7o buuqay asa bolla harge gaththiza gishshas qeesezi shiishshidi he buuqa may7ota taman xuuggo.

ዛካራሳ ቲንቢቴ 13:2

«Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana.

Maatosa 4:10

Yesusi, «Haysso Xala7e! Ta sinththafe ne haakka! ‹Neni Godaa ne Xoossaas goynna; izas xalala azazetta› geetetti Geeshsha maxaafan xaafettides» gides.

ዛሬ ማጻፋ 7:25

Istta eeqa xoossata ubbaa taman xuuggite; he eeqa xoossata bolla diza worqqanne bira amottidi inttes ekkofte; GODAA intte Xoossay eeqa xoossatas goyno ixxiza gishshas intte ekkiko izi inttes woximade gidana.

ዮሃኒሳ ኣጁታ 19:20

Gido attiin he do7azi oykettides; kase izara daro malaata ooththida wordo nabezikka izara oykettides; izi he do7aza malatay istta bolla dizaytanne he do7aza mislezas goynnidaytanne gita malaatata ooththi ooththidi istta baleththishe gam7ides; heyti nam7ati diine geetettiza eexxiza tama abban hayqqontta paxa dishe yegettida.