ኢሳያሳ ቲንቢቴ 30:16 - Geeshsha Maxaafa

¹⁶ Qasseka, ‹Chii! Nuni paran utti baqatana› gideta; hessa gishshas intte baqatana. Zaaridikka intte, ‹Nuni pilata paran kessi ekki baana› gideta; hessa gishshas inttena yedeththizayti pilatata gidana.

ጋሞ ማጻፋ

¹⁶ ቃሴካ፥ ‹ቺ! ኑኒ ፓራን ኡቲ ባቃታና› ጊዴታ፤ ሄሳ ጊሻስ ኢንቴ ባቃታና። ዛሪዲካ ኢንቴ፥ ‹ኑኒ ፒላታ ፓራን ኬሲ ኤኪ ባና› ጊዴታ፤ ሄሳ ጊሻስ ኢንቴና ዬዴዛይቲ ፒላታታ ጊዳና።

ኢሳያሳ ቲንቢቴ 30:16 ပူးပေါင်းရင်းမြစ်များ

2ካዎታ ማጻፋ 25:5

Gido attiin Baabiloone olanchchati kawoza kaalettidi Iyarkko demban gakkida. Olanchchati ubbay kawoza aggaagi laalettida.

ኢዮቤ ማጻፋ 39:11

Iza minoteththan ne ammanettay? Nees deexxiza oosoza izi ooththana mala izas agga eray?

ዬ ማጻፋ 147:10

Izi ufayettizay parata wolqqaninne tooranchchata minoteththan gidenna.

ዬ ማጻፋ 33:17

Tani paran xoonana gi naagoy hada; izi ba wolqqa minoteththan oonakka ashshanawu dandayenna.

ኢሳያሳ ቲንቢቴ 2:7

Istta biittan biraynne worqqay kumides; istta dureteththas zaway baawa; istta biittan paray kumides; istta para-gaaretas zaway deenna.

ኢሳያሳ ቲንቢቴ 31:1

Pude Isra7eele geeshshaako xeellonttaytas, GODAAPPE maado koyonttaytas, maado demmanaas duge Gibxe wodhdhizaytas, para-gaareta daroteththaninne ba para minoteththan ceeqettizaytas aayye ana.

ኢሳያሳ ቲንቢቴ 31:3

Gibxe asay asappe attiin Xoos deettenna; istta paratikka ashoppe attiin ayana gidettenna. GODAY ba kushe micciza wode iza maaddizaadey dhuphettana; maadettizaadeyka kundana; nam7ayka issife dhayana.

ኤርማሳ ቲንቢቴ 39:4

Yuhuda Kawo Sedeqiyaasinne iza olanchchati ubbay Baabiloone olanchchata be7ida wode baqatida; omarsara kawoy dooza tokkizasoho baggara nam7u gimbetappe giddora katamaappe kezidi Yordaanoose zulle bida.

ኤርማሳ ቲንቢቴ 4:13

Be7ite! Morkkey shaara mala biitta kumides; iza para-gaaretikka gote carko mala yeettes; iza paratikka golle kafota mala eesoteettes; aayye ana nu dhayana goos!

ኤርማሳ ቲንቢቴ 46:6

Pilatay baqati attenna; minoykka kessi ekki attenna; pudeha baggan Efiraaxise Shaafa matan dhuphetti kundida.

ኤርማሳ ቲንቢቴ 52:7

He katamay gimbey laalettides; ola asay ubbayka kezi baqatides. Baabiloone dere asay he katamay yuushon diikkoka kawoza atakilte achchan nam7u gimbeta giddon diza pengezara giddoth katamayppe kessi ekki baqatidi Arabe geetettizaso bida.

ኤርማሳ ዚላስ 4:19

Nuna gooddizayti salora paalliza gollefe aadhdhi eesoteettes; istti nuna zuma bollara gooddida; bazzon nuna zuggi naagida.

ኣሞጼ ቲንቢቴ 9:1

GODAY yarsho yarshizasoza millen eqqi dishin ta beyadis; izikka tana, «Xoossa Keeththaa yochchay qaaxxana gakkanaas keeththa qustte shoca laalladanne asaa bolla kundana mala ooththa; hessafekka attidayta tani istta mashshara wodha dhayssana; isttafe oonikka baqatenna; baqatikkoka taappe kessi ekki attenna.

ሚኪያሳ ቲንቢቴ 1:13

Intteno Laakishen dizaytoo parata gaarera gaththi oyseththite. Xiyoone macca naytas koyro nagaray inttenakko. Isra7eeles qohoy intte achchafe beettides.

ኢምባቆ ቲንቢቴ 1:8

Istta paray maaheppeka pilata; omarsa kana suytetappeka menxe iita; istta toga asaykka too pilatanne haahoppe yizayta. Baqqi ekkidi eleliza golle kafo mala piradhdheettes.

ዛሬ ማጻፋ 28:25

GODAY ne morkketa sinththan neni xoonettana mala ooththana; neni istta bolla issi ogera baanashin isttafe attanaas laappunasora baqatana; biitta bolla diza kawoteththati ubbay ne bolla gakkizayssa be7idi hirgan kokkorana.

ዛሬ ማጻፋ 28:49

GODAY ne istta qaala erontta kawoteth haako dereppe ne bolla ehana; isttika golle kafo mala ne bolla wodhdhana.